മുസ്ലിം എജ്യുക്കേഷണൽ സൊസൈറ്റി

ഇന്ത്യയിലെ മുസ്ലിം വിഭാഗത്തിലെ ‍, പ്രത്യേകിച്ച് കേരളമുസ്ലിംങ്ങളിലെ വിദ്യാഭ്യാസ ഉന്നമനം ലക്ഷ്യം വെച്ച് ഡോ.പി.കെ. അബ്ദുൾ ഗഫൂറിന്റെ നേതൃത്വത്തിൽ 1964-ൽ രൂപവൽകരിക്കപ്പെട്ട ഒരു സംഘടനയാണ്‌ മുസ്ലിം എജുക്കേഷനൽ സൊസൈറ്റി അഥവാ എം.ഇ.എസ്.

ചരിത്രം

1964-ൽ കോഴിക്കോട് വെച്ച് ഡോ. പി.കെ. അബ്ദുൽ ഗഫൂർ ആണ്‌ എം.ഇ.എസ്. സ്ഥാപിച്ചത്. 2007 ൽ ഡോ. ഗഫൂറിന്റെ മരണത്തെ തുടർന്ന് അദ്ദേഹത്തിന്റെ മകൻ പി.എ. ഫസൽ ഗഫൂർ എം.ഇ.എസിന്റെ അദ്ധ്യക്ഷനായി തിരഞ്ഞെടുക്കപ്പെട്ടു. കേരളത്തിലും ഇന്ത്യക്ക് പുറത്ത് ഗൾഫ് രാജ്യങ്ങളിലും എം.ഇ.എസിന്‌ വിവിധ വിദ്യാഭ്യാസ സ്ഥാപനങ്ങളുണ്ട്

വിവരണം

മുസ്ലീം സമൂഹത്തിന് പ്രാധാന്യം നൽകുമ്പോഴും മതേതരമൂല്യങ്ങളിൽ ഉറച്ചു നിൽക്കുകയും മറ്റു സമൂദായങ്ങൾക്ക് വിദ്യാഭ്യാസത്തിലും തൊഴിലിലും പ്രാധാന്യം നൽകി വരുന്നു. ഭാരതത്തിലെ ഏറ്റവും വലിയ വിദ്യാഭ്യാസ സ്ഥാപനമായ മുസ്ലീം എജ്യൂക്കേഷണൽ സൊസൈറ്റിക്ക് 20000 ലേറെ സജീവ അംഗങ്ങളുണ്ട്. 85000 ലധികം വിദ്യാർത്ഥികളും 15000 ത്തോളം ജീവനക്കാരുമുണ്ട്.

എം.ഇ.എസ്. സ്ഥാപനങ്ങൾ

• ശാസ്ത്ര-മാനവിക കലാലയങ്ങൾ - 18
• പ്രൊഫഷണൽ സ്ഥാപനങ്ങൾ - 10
• ഹയർ സെക്കണ്ടറി സ്‌കൂളുകൾ - 12
• സി ബി എസ് സി സ്‌കൂളുകൾ - 36
• മറ്റു സ്ഥാപനങ്ങൾ - 74

പ്രധാന കലാലയങ്ങൾ

• എം.ഇ.എസ്. മമ്പാട് കോളേജ്‌,മമ്പാട്
• എം.ഇ.എസ്. പൊന്നാനി കോളേജ്, പൊന്നാനി
• എം.ഇ.എസ്. കെ.വി.എം കോളേജ്, വളാഞ്ചേരി
• എം.ഇ.എസ്. കല്ലടി കോളേജ്, മണ്ണാർകാട്
• അസ്മാബി കോളേജ്, കൊടുങ്ങല്ലൂർ
• എം.ഇ.എസ്. കോളേജ് മാറമ്പള്ളി,ആലുവ
• എം.ഇ.എസ്. കോളേജ് നെടുങ്കണ്ടം

പ്രൊഫഷണൽ സ്ഥാപനങ്ങൾ

ആരോഗ്യരംഗം

• എം.ഇ.എസ്. മെഡിക്കൽ കോളേജ്, പെരിന്തൽമണ്ണ
• എം.ഇ.എസ്. ദന്തൽ കോളേജ്, പെരിന്തൽമണ്ണ
• എം.ഇ.എസ്. നഴ്‌സിംഗ് കോളേജ്, പെരിന്തൽമണ്ണ
• എം.ഇ.എസ്. ഇൻസ്റ്റിസ്റ്റ്യൂട്ട് ഓഫ് പാരാമെഡിക്കൽ സയൻസസ്, പെരിന്തൽമണ്ണ

ശാസ്ത്ര-സാങ്കേതികം

• എം.ഇ.എസ്. കോളേജ് ഓഫ് എഞ്ചിനിയറിംഗ്, കുറ്റിപ്പുറം
• എം.ഇ.എസ്. ഇൻസ്റ്റിസ്റ്റ്യൂട്ട് ഓഫ് ടെക്‌നോളജി & മാനേജ്‌മെന്റ്, കൊല്ലം
• എം.ഇ.എസ്. കോളേജ് ഓഫ് എഞ്ചിനിയറിംഗ് & ടെക്‌നോളജി, കുന്നുകര, ആലുവ
• എം.ഇ.എസ്. സ്‌കൂൾ ഓഫ് ആർക്കിടെക്ചർ, കുറ്റിപ്പുറം
• എം.ഇ.എസ്. സ്‌കൂൾ ഓഫ് ആർക്കിടെക്ചർ, കക്കോടി, കോഴിക്കോട്
• എം.ഇ.എസ്. അഡ്വാൻസ്ഡ് ഇൻസ്റ്റിസ്റ്റ്യൂട്ട് ഓഫ് മാനേജ്‌മെന്റ്&ടെക്‌നോളജി , മാറമ്പള്ളി, ആലുവ