മലയാളത്തിലെ ഇംഗ്ലീഷ് ശൈലീപ്രയോഗങ്ങൾ
ശൈലികളും ഉപമകളും ചൊല്ലുകളും കൊണ്ട് സമ്പന്നമാണ് ആധുനിക മലയാള ഭാഷ. പാശ്ചാത്യവും പൗരസ്ത്യവുമായ ധാരാളം ഭാഷകളിൽ നിന്നും കടമെടുത്ത പദങ്ങളാൽ (loan words/ പരകീയ പദങ്ങൾ) സമൃദ്ധമാണ് മലയാള പദാവലി. ആദ്യം കോളനിവൽക്കരണവും പിന്നീട് നൂറ്റാണ്ടുകൾക്ക് ശേഷം ആഗോള വൽക്കരണവും എല്ലാം തന്നെ മലയാളത്തിന്റെ പദസമ്പത്തിനെ പുഷ്ടിപ്പിക്കകയാണ് ചെയ്തിട്ടുള്ളത്.
ഇംഗ്ലീഷ് ഭാഷ ആധുനിക മലയാളത്തിൽ ചെലുത്തിയ സ്വാധീനം ഏറ്റവും കൂടുതൽ പ്രകടമാകുന്നത് വർത്തമാന പത്രങ്ങളിലും കാലിക പ്രസിദ്ധീകരണങ്ങളിലുമാണ്. നോവൽ, കഥ, സഞ്ചാരസാഹിത്യം തുടങ്ങിയ പരമ്പരാഗത സാഹിത്യ മേഖലകളിൽ ഇപ്പോഴും കണ്ടുതുടങ്ങിയിട്ടില്ലാത്ത ശൈലീ പ്രയോഗങ്ങൾ (idioms) വർത്തമാന മാധ്യമങ്ങളിൽ കാണുന്നത് അവ ഇംഗ്ലീഷിൽ നിന്നും സൗകര്യപൂർവ്വം ഇറക്കുമതി ചെയ്യുന്നത് കൊണ്ടാണ്. ഇങ്ങനെയുള്ള പദാനുപദ തർജ്ജിമകളെ കാൽക് (calque) എന്നാണ് പറയുന്നത്. ഇരുപതോ മുപ്പതോ വർഷം മുമ്പ് അച്ചടിയില്ലാതിരുന്ന ധാരാളം ശൈലികൾ ഇന്നു ചിരപ്രചരിതമായി കഴിഞ്ഞിരിക്കുന്നത് വർത്തമാന മാധ്യമങ്ങളുടെ സ്വാധീനത്തെ കുറിക്കുന്ന ഒന്നാണ്.
ആംഗലേയത്തിൽ നിന്നും വന്ന ശൈലീപ്രയോഗങ്ങൾ
തിരുത്തുക| മലയാളത്തിലെ പ്രയോഗം | ഇംഗ്ലീഷ് ശൈലി | |
|---|---|---|
| 1 | സിംഹ ഭാഗം | lion’s share |
| 2 | വരികൾക്കിടയിൽ വായിക്കുക | read between the lines |
| 3 | ചുവരെഴുത്ത് | writing on the wall |
| 4 | കറകളഞ്ഞ | impeccable, spotless |
| 5 | മന്ദബുദ്ധി (ആക്ഷേപ സൂചകം) | retard, moron |
| 6 | ശാരീരിക വെല്ലുവിളി | physically challenged |
| 7 | ഭിന്നശേഷി | differently abled |
| 8 | ഊഷ്മള വരവേല്പ് | warm welcome |
| 9 | ശീത സമരം/ശീതയുദ്ധം | cold war |
| 10 | ഹൃദയത്തിന്റെ അടിതട്ടിൽ നിന്ന് | from the bottom of one’s heart |
| 11 | ഹൃദിസ്ഥമാക്കുക | learn by heart |
| 12 | ഹൃദയഭേദകം | heart breaking |
| 13 | ഹൃദയം തുറക്കുക | open one's heart/soul |
| 14 | തണുപ്പൻ പ്രതികരണം | cold response |
| 15 | മഞ്ഞുരുകുന്നു | melting of the ice |
| 16 | പാർശ്വവൽക്കരണം | sidelined |
| 17 | ബുദ്ധിജീവി | intellectual |
| 18 | അധികാരത്തിന്റെ ഇടനാഴികൾ | corridors of power |
| 19 | സ്വാതന്ത്ര്യം, സമത്വം, സാഹോദര്യം | Liberty , equality, fraternity |
| 20 | ശവപ്പെട്ടിയിലെ അവസാന ആണി | last nail in the coffin |
| 21 | കച്ചിത്തുരുമ്പ് | last straw |
| 22 | സൂചി വീണാൽ കേൾക്കാവുന്ന നിശ്ശബ്ദത | pin drop silence |
| 23 | അർത്ഥഗർഭം | pregnant with meaning |
| 24 | മുറിവിൽ ഉപ്പു പുരട്ടുക | rub salt into the wound |
| 25 | പിന്നിൽ നിന്നും കുത്തുക | backstabbing |
| 26 | കൈ പൊള്ളിക്കുക | burn your fingers |
| 27 | അപായ മണി മുഴക്കുക | sound the alarm |
| 28 | ശവക്കുഴി തോണ്ടുക | dig one’s own grave |
| 29 | തീക്കളി തീ കൊണ്ട് കളിക്കുക | to play with fire |
| 30 | റോമ നഗരം കത്തുമ്പോൾ വീണവായിക്കുക | to fiddle while Rome burns |
| 31 | വഴിവിട്ട് സഹായിക്കുക | to go out of one’s way |
| 32 | ഒരു വെടിക്ക് രണ്ട് പക്ഷി | to kill two birds with one stone |
| 33 | കനത്ത വിലകൊടുക്കുക | to pay a heavy price |
| 34 | കലക്കവെള്ളത്തിൽ മീൻപിടിക്കുക | To fish in troubled waters/muddy waters |
| 35 | കറവപശു | Cash cow |
| 36 | കുട്ടിക്കളി | Child’s play |
| 37 | വായിൽ വെള്ളി കരണ്ടിയുമായ് | Born with a silver spoon |
| 38 | വമ്പൻ മീനുകൾ/വലിയ മീനുകൽ | big fish |
| 39 | നല്ല പാതി | better half |
| 40 | സൂര്യനു/ആകാശത്തിനു കീഴിലുള്ളതെല്ലാം | everything under the sun |
| 41 | അതിശക്തരുടെ അതിജീവനം | survival of the fittest |
| 42 | കാര്യകാരണം | cause and effect |
| 43 | സമ്മർദ്ദ തന്ത്രം | pressure tactics |
| 44 | യുവതുർക്കികൾ | young turks |
| 45 | ധവള വിപ്ലവം | white revolution |
| 46 | ഹരിത വിപ്ലവം | green revolution |
| 47 | നാഴികക്കല്ല് | milestone |
| 48 | മൂലക്കല്ല് | cornerstone |
| 49 | അടിത്തറ ഇളക്കുക | shake the foundations of |
| 50 | മുതലക്കണ്ണീർ വാർക്കുക | shed crocodile tears |
| 51 | ചെകുത്താനും കടലിനുമിടയ്ക്ക് | Between the Devil and the Deep Blue Sea |
| 52 | മുഖ്യധാര | mainstream |
| 53 | താക്കോൽസ്ഥാനം | Key post |
| 54 | അടഞ്ഞ ഏട്, അടഞ്ഞ അദ്ധ്യായം | closed chapter |
| 55 | പുകമറ | smoke screen |
| 56 | പ്രകൃതിയുടെ വിളി | Nature's call, call of Nature |
| 57 | പുളിയ്കുന്ന മുന്തിരിങ്ങ | sour grapes |
| 58 | മൃഗീയ ഭൂരിപക്ഷം | Monstrous Majority |
| 59 | കുതിരകച്ചവടം | Horse trading |
| 60 | അംബരചുംബി | Skyscraper |
| 61 | കാവ്യനീതി | poetic justice |
| 62 | മസ്തിഷ്കപ്രക്ഷാളനം | brainwashing |
| 63 | മുഖം രക്ഷിക്കുക | save face |
| 64 | ധ്രുവീകരണം | Polarization |
| 65 | വന്യമായ സ്വപ്നം | wild dreams/wildest of dreams |
| 66 | അടിയൊഴുക്കുകൾ | undercurrents |
| 67 | ഒഴുക്കിനൊപ്പം നീന്തുക | swim with the tide |
| 68 | പന്ത് മറ്റെ കോർട്ടിൽ | ball is in his court/ my court |
| 69 | രജത രേഖ | silver lining |
| 70 | മേഘസ്ഫോടനം | cloudburst |