പ്രധാന മെനു തുറക്കുക

ബ്രഹൂയി ജനത

(ബ്രഹൂയികൾ എന്ന താളിൽ നിന്നും തിരിച്ചുവിട്ടതു പ്രകാരം)
ബ്രഹൂയി എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ ബ്രഹൂയി (വിവക്ഷകൾ) എന്ന താൾ കാണുക. ബ്രഹൂയി (വിവക്ഷകൾ)

പാകിസ്താനിലെ കലാതിലും അഫ്ഘാനിസ്ഥാനിലും കണ്ടുവരുന്ന ഒരു ദ്രാവിഡജനവിഭാഗമാണ്‌ ബ്രഹൂയികൾ (Brahui: بروہی) അഥവാ ബ്രോഹികൾ. ഇവർ ബ്രഹൂയി ഭാഷ സംസാരിക്കുന്നു. ഇന്ത്യയിലും ഇറാനിലും ഇവരുടെ വളരെ കുറഞ്ഞ ജനസംഖ്യയുണ്ട്. ബലൂചിസ്ഥാനിൽ ബലൂചികൾക്കൊപ്പം ഏതാണ്ട് കൂടിക്കലർന്നാണ്‌ ഇവരുടെ വാസം[1]‌.

ബ്രഹൂയി
بروہی
Brahui.jpg
ക്വെത്തയിലെ ബ്രഹൂയികൾ - 1910 ൽ എടുത്ത ഒരു ചിത്രം
ആകെ ജനസംഖ്യ
2.2 million
കാര്യമായ ജനസഞ്ചയമുള്ള പ്രദേശങ്ങൾ
 പാകിസ്താൻ,[അവലംബം ആവശ്യമാണ്]2,066,000
 അഫ്ഗാനിസ്താൻ,[അവലംബം ആവശ്യമാണ്]260,000
 Iran,[അവലംബം ആവശ്യമാണ്]16,000
 India,[അവലംബം ആവശ്യമാണ്]400
ഭാഷകൾ
ബ്രഹൂയി, ബലൂചി
മതം
സുന്നി ഇസ്ലാം (ഹനഫി)
അനുബന്ധ ഗോത്രങ്ങൾ
ദ്രാവിഡർ, ബലൂചികൾ

ബി.സി.ഇ. 2000-ത്തിനു മുൻപ് ഇറാനിയൻ പീഠഭൂമിയിൽ ദ്രാവിഡരാണ്‌ അധിവസിച്ചിരുന്നതെന്നൊരു വാദമുണ്ട്. ഇന്തോ ആര്യന്മാർ സിന്ധൂതടത്തിലെ ദ്രാവിഡരെ ദക്ഷിണേന്ത്യയിലേക്കു പുറന്തള്ളിയ പോലെ ഇറാനിയൻ പീഠഭൂമിയിൽ നിന്നും ഇത്തരത്തിലുള്ള ഒരു പുറന്തള്ളൽ ഉണ്ടായിട്ടുണ്ടെന്നു കരുതപ്പെടുന്നു. കിഴക്കൻ ബലൂചിസ്താനിലെ ഒറ്റപ്പെട്ട മലമടക്കുകളിൽ വസിച്ചിരുന്ന ബ്രഹൂയികൾ മാത്രം ഈ അധിനിവേശത്തിനിരയാകാതെ മേഖലയിലെ അവശേഷിക്കുന്ന ദ്രാവിഡസാന്നിധ്യമായി നിലനിന്നെന്നു കരുതുന്നു[2]‌.

ബ്രഹൂയി സാമ്രാജ്യംതിരുത്തുക

പതിനേഴാം നൂറ്റാണ്ടുമുതൽ ബലൂചിസ്ഥാൻ മേഖലയിൽ ബ്രഹൂയികളുടെ ഒരു സാമ്രാജ്യം നിലനിന്നിരുന്നു. പതിനെട്ടാം നൂറ്റാണ്ടിന്റെ മദ്ധ്യത്തോടെ ബലൂചിസ്ഥാന്റെ കിഴക്കുഭാഗം മുഴുവനായും ഈ സാമ്രാജ്യത്തിനു കീഴിൽ വന്നു. കറാച്ചി അടക്കമുള്ള പ്രദേശങ്ങൾ ഈ സാമ്രാജ്യത്തിന്റെ കീഴിലായിരുന്നു. ബ്രഹൂയികളും പല ബലൂചി ഗോഘ്രങ്ങളുമായിരുന്നു ഈ സാമ്രാജ്യത്തിന്റെ അധികാരം കൈയാളിയിരുന്നത്. പത്തൊമ്പതാം നൂറ്റാണ്ടോടെ ഈ സാമ്രാജ്യം അധ:പതിച്ചു. 1876-ൽ ഒരു സന്ധിയിലൂടെ ബ്രിട്ടീഷുകാർ ഈ പ്രദേശം മുഴുവൻ അവരുടെ സാമന്തപ്രദേശമാക്കി മാറ്റി. പാകിസ്താനിലെ ക്വെത്തക്ക് തെക്കുള്ള കലാത്ത് പട്ടണമായിരുന്നു ഈ സാമ്രാജ്യത്തിന്റെ കേന്ദ്രം[1].

അഫ്ഘാനിസ്ഥാനിൽതിരുത്തുക

അഫ്ഘാനിസ്ഥാനിൽ 1979-നു മുൻപുള്ള ഒരു കണക്കനുസരിച്ച് ഇവരുടെ ജനസംഖ്യ 20,000-ത്തോളമാണ്‌[1].

അവലംബംതിരുത്തുക

  1. 1.0 1.1 1.2 Voglesang, Willem (2002). "2-Peoples of Afghanistan". The Afghans. LONDON: Willey-Blackwell, John Willey & SOns, Ltd, UK. pp. 35–36. ISBN 978-1-4051-8243-0.
  2. Voglesang, Willem (2002). "4 - Advent of the Indo Iranian Speaking Peoples". The Afghans. LONDON: Willey-Blackwell, John Willey & SOns, Ltd, UK. p. 62. ISBN 978-1-4051-8243-0.
"https://ml.wikipedia.org/w/index.php?title=ബ്രഹൂയി_ജനത&oldid=1686857" എന്ന താളിൽനിന്ന് ശേഖരിച്ചത്