ബേത്വാ നദി

ഇന്ത്യയുടെ മധ്യഭാഗത്തുനിന്ന് ഉദ്ഭവിച്ച് വടക്കേ ഇന്ത്യയിലേക്ക് ഒഴുകുന്ന ഒരു നദിയാണ് ബേത്വാ എന്നറിയപ്പെടുന്ന വേത്രവതീ നദി. യമുനാ നദിയുടെ ഒരു പോഷനദിയാണ് ബേത്വാ. വേത്രാവതി, ശുക്തിവതി എന്നീ പേരുകളിലും അറിയപ്പെടുന്നു.

Betwa River
ഓർച്ഛയുടെ സമീപത്തുള്ള ബേത്വാനദി.
Map of the rivers and lakes in India
Location of the mouth in India
മറ്റ് പേര് (കൾ)	Vetravatī
Country	India
State	Madhya Pradesh, Uttar Pradesh
Cities	Vidisha, Sanchi, Orchha
Physical characteristics
പ്രധാന സ്രോതസ്സ്	Vindhya Range kumragaon Village, raisen, Madhya Pradesh, India
നദീമുഖം	Yamuna Hamirpur, Uttar Pradesh, India
Discharge	Location: Rajghat Dam Average rate: 658 m3/s (23,200 cu ft/s) Maximum rate: 3,178 m3/s (112,200 cu ft/s)
നദീതട പ്രത്യേകതകൾ
പോഷകനദികൾ	Right: Bina (river), Dhasaan

മധ്യപ്രദേശിലെ നർമദാപുരത്തിന് തൊട്ടു വടക്ക് വിന്ധ്യ പർവതനിരയിൽ ഉദ്ഭവിച്ച്, മധ്യപ്രദേശിലൂടെ വടക്കുകിഴക്കോട്ടൊഴുകി ഓർച്ഛാ നഗരത്തിലൂടെ ഒഴുകിയശേഷം ഉത്തർപ്രദേശിൽ പ്രവേശിക്കുന്നു. ഇതിന്റെ ഗതിയുടെ ഏതാണ്ട് പകുതിയും മാൾവാ പീഠഭൂമിയിലൂടെയാണ് കടന്നുപോകുന്നത്. ഉത്തർപ്രദേശിലെ ഹമീർപുർ ജില്ലയിൽ വച്ച് ബേത്വാനദി യമുനാനദിയുമായി സംഗമിക്കുന്നു.

ഇതിഹാസമായ മഹാഭാരതത്തിൽ ചർമണ്വതീ നദിയോടൊപ്പം (ഇപ്പോഴത്തെ ചംബൽ നദി) ബേത്വാ നദിയേക്കുറിച്ച് പറയുന്നുണ്ട്. ഇവ രണ്ടും യമുനയുടെ പോഷകനദികളാണ്.

ചേദി രാജവംശത്തിന്റെ തലസ്ഥാനം ബേത്വാനദിയുടെ തീരത്തായിരുന്നു സ്ഥിതി ചെയ്തിരുന്നത്.

ഇന്ത്യയുടെ നദീ സംയോജനപദ്ധതിയുടെ ആദ്യപടിയായി ബേത്വാ നദിയെ മദ്ധ്യപ്രദേശിലെ തന്നെ കെൻ നദിയുമായി യോജിപ്പിച്ചുകൊണ്ടിരിക്കുകയാണ്.