ബി. വസന്ത

ഒരു ചലച്ചിത്രപിന്നണിഗായികയാണ് ബി. വസന്ത (ജനനം :20 മാർച്ച് 1944) ദക്ഷിണേന്ത്യൻ ഭാഷകളിലും ഹിന്ദി, തുളു, ബംഗാളി, എന്നീ ഭാഷകളിലുമായി മൂവായിരത്തിലേറെ ഗാനങ്ങൾ ആലപിച്ചിട്ടുണ്ട്. പുകഴേന്തി, ദേവരാജൻ മാസ്റ്റർ, ബാബുരാജ്, ചിദംബരനാഥ്,ആർ.കെ. ശേഖർ, എം.കെ. അർജ്ജുനൻ തുടങ്ങി അക്കാലത്തെ പ്രമുഖ സംഗീതസംവിധായകരോടൊപ്പം പ്രവർത്തിച്ചു.

ബി. വസന്ത
പശ്ചാത്തല വിവരങ്ങൾ
ജനനം	(1944-03-20) മാർച്ച് 20, 1944 മച്ചിലിപട്ടണം, ആന്ധ്രാപ്രദേശ്
വിഭാഗങ്ങൾ	സിനിമ സംഗീതം, ശാസ്ത്രീയ സംഗീതം
തൊഴിൽ(കൾ)	ഗായിക
ഉപകരണ(ങ്ങൾ)	വായ്പ്പാട്ട്
വർഷങ്ങളായി സജീവം	1962-ഇതു വരെ

ജീവിതരേഖ

ആന്ധ്രയിലെ മസീലിപ്പട്ടം എന്ന സ്ഥലത്ത് ജനിച്ചു. സംഗീതജ്ഞൻ രാഘവാചാരിയിൽ നിന്ന് ശാസ്ത്രീയസംഗീതവും അച്ഛൻ രവീന്ദ്രനാഥിൽ നിന്ന് ലളിതസംഗീതവും അഭ്യസിച്ചു. 1962 ൽ കവിയായ ആത്രേയ നിർമ്മിച്ച “ വാഗ്ദാനം “ എന്ന തെലുഗു ചുത്രത്തിൽ പെണ്ട്യാല നാഗേശ്വര റാവുവിന്റെ സംഗീതത്തിൽ പാടി. പുകഴേന്തിയാണ് മുതലാളി എന്ന ചിത്രത്തിലൂടെ 1966 ൽ വസന്തയെ മലയാള സിനിന്മയ്ക്കു പരിചയപ്പെടുത്തുന്നത്. ഒരു തെലുഗു ചിത്രത്തിനും ഒരു കന്നട ചിത്രത്തിനും സംഗീതസംവിധാനവും നിർവഹിച്ചു.

പ്രമുഖ ഗാനങ്ങൾ

• കുടമുല്ലപ്പൂവിനും മലയാളിപ്പെണ്ണിനും ...,
• നദികളിൽ സുന്ദരി യമുന.....,
• യവന സുന്ദരി സ്വീകരിക്കു..
• കാർത്തിക വിളക്കുകണ്ടു പോരുമ്പോൾ..,
• തെക്കുകൂറടിയാത്തി..,
• മേലേമാനത്തേ നീലിപ്പുലയിക്ക് മഴപെയ്താൽ ചോരുന്ന വീട്..
• നൂതനഗാനത്തിൽ.....(ആൽമരം)
• യവനസുന്ദരി.....(പേൾവ്യൂ)
• പുഷ്പഗന്ധി...(അഴകുള്ള സെലീന)
• കന്യാദാനം...(ചീനവല)
• പണ്ടുനമ്മൾ..(തറവാട്ടമ്മ)
• വാർത്തിങ്കൾ കണിവെയ്ക്കും...(വിദ്യാത്ഥി)
• ഭൂമിദേവി പുഷ്പിണിയായി.. ( തുലാഭാരം)
• സ്വപ്‌നസഞ്ചാരിണി...(കൂട്ടുകുടുംബം)
• രാസലീലയ്ക്കുവൈകിയതെന്തേ..(ആഭിജാത്യം)
• ചഞ്ചലിത ചഞ്ചലിത...(ധീരസമീരേ യമുനാതീരേ)
• കക്കകൊണ്ട് കളിമണ്ണുകൊണ്ട്..(പൂച്ചക്കണ്ണി)
• ചന്ദ്രനുദിക്കുന്ന ദിക്കിൽ...(ഒതേനന്റെ മകൻ)
• ചന്ദ്രപളുങ്കുമണിമാല...(കന്യാകുമാരി)
• മേലേ മാനത്തേ...(കൂട്ടുകുടുംബം)
• തെക്കും കൂറടിയാത്തി...(അശ്വമേധം)
• കന്യകമാതാവേ...(മാടത്തരുവി)
• താരകേശ്വരി നീ..(പട്ടിഭിഷേകം)
• ഇന്നത്തെരാത്രി ശിവരാത്രി...(വിലക്കുവാങ്ങിയ വീണ)

പുരസ്കാരങ്ങൾ

• മികച്ച ഗായികക്കുള്ള അവാർഡ് (തമിഴ്‌നാടു സർക്കാർ)
• മികച്ച ഗായികക്കുള്ള അവാർഡ് (ആന്ധ്ര സർക്കാർ)