ലക്ഷ്മിനാരായണ മന്ദിർ

ഇന്ത്യയുടെ തലസ്ഥാനനഗരിയായ ന്യൂ ഡെൽഹിയിൽ സ്ഥിതി ചെയ്യുന്ന ഒരു വിഷ്ണു അമ്പലമാണ് ബിർള മന്ദിർ എന്നറിയപ്പെടുന്ന ലക്ഷ്മിനാരായണ മന്ദിർ. ഇവിടെ പ്രതിഷ്ഠിച്ചിരിക്കുന്നത് മഹാവിഷ്ണു തന്റെ പത്നിയായ ലക്ഷ്മിയോടൊപ്പമാണ്. ഈ അമ്പലത്തിനകത്ത് പ്രധാന പ്രതിഷ്ഠ കൂടാതെ ധാരാളം ദേവസ്ഥാനങ്ങളും, ചെറിയ വെള്ളച്ചാട്ടങ്ങളും, ഉദ്യാനങ്ങളും സ്ഥിതി ചെയ്യുന്നു. സാധാരണ ദിവസത്തിൽ കൂടാതെ, ജന്മാഷ്ടമി ദിവസം ഇവിടേക്ക് ധാരാ‍ളം ഭക്തജനങ്ങൾ വരാറുണ്ട്.

ലക്ഷ്മിനാരായണ മന്ദിർ
പേരുകൾ
ശരിയായ പേര്:	ലക്ഷ്മിനാരായണ മന്ദിർ
സ്ഥാനം
സ്ഥാനം:	ന്യൂ ഡെൽഹി
വാസ്തുശൈലി, സംസ്കാരം
പ്രധാന പ്രതിഷ്ഠ:	ലക്ഷ്മി നാരായണൻ - (മഹാവിഷ്ണു പത്നിയായ ലക്ഷ്മിയോടൊപ്പം )
വാസ്തുശൈലി:	വടക്കെ ഇന്ത്യൻ രീതി, മന്ദിർ
ചരിത്രം
നിർമ്മിച്ചത്: (നിലവിലുള്ള രൂപം)	1622
സൃഷ്ടാവ്:	Vir Singh Deo

ചരിത്രം

ഈ അമ്പലം പണിതത് 1622 ലാണ്. ഇത് പണിതത് വീർ സിംഗ് ദേവ് ആണ്. ഇത് പിന്നീട് 1793 ൽ പൃഥ്വി സിംഗ് നവീകരിച്ചു. 1938 നു ശേഷം ഈ അമ്പലം നടത്തിപ്പിന്റെ ചെലവുകളും മറ്റും ബിർള കുടുംബത്തിൽ നിന്നാണ്.

സവിശേഷതകൾ

ജന്മാഷ്ടമി ദിവസം അമ്പലം അലങ്കരിച്ചിരിക്കുന്നു.

• പ്രധാന അമ്പലത്തിനകത്ത് വിഷ്ണു, ലക്ഷ്മി എന്നീ ഹിന്ദു ദൈവങ്ങളെ പ്രതിഷ്ഠിച്ചിരിക്കുന്നു.

• ഇടത് വശത്ത് ശക്തി ദേവിയായ ദുർഗ്ഗയെ പ്രതിഷ്ഠിച്ചിരിക്കുന്നു.
• വലത് വശത്തായി പ്രതിഷ്ഠിച്ചിരിക്കുന്നത് മഹാശിവൻ ആണ്.
• മുൻ വാതിലിന്റെ വലത് വശത്തായി ഗണപതിയെ പ്രതിഷ്ഠിച്ചിരിക്കുന്നു.

• മുൻ വാതിലിന്റെ ഇടത് വശത്തായി ഹനുമാനെ പ്രതിഷ്ഠിച്ചിരിക്കുന്നു.

• അമ്പലം മൊത്തമായി ഏകദേശം 7.5 ഏക്കർ (30,000 m²) വിസ്തീർണ്ണത്തിൽ സ്ഥിതി ചെയ്യുന്നു. ഇതിൽ കെട്ടിടമേഖല 0.52 ഏക്കർ (2,100 m²) ആണ്.

ചിത്രങ്ങൾ

Image:Birlamandirdelhi.JPG|

പുറത്തേക്കുള്ള കണ്ണികൾ

• Laxminarayan Temple official website Archived 2012-04-13 at the Wayback Machine.