ഫലകം:2013/ജൂലൈ

ജൂലൈ 1

സ്പെയിനിനെ പരാജയപ്പെടുത്തി ബ്രസീൽ തുടർച്ചയായ മൂന്നാം വട്ടവും കോൺഫെഡറേഷൻസ് കപ്പ് ചാമ്പ്യന്മാരായി.

'മുല്ലപ്പൂ വിപ്ലവ'ത്തെ ഓർമപ്പെടുത്തി ഈജിപ്തിൽ വീണ്ടും പ്രതിഷേധം. പ്രസിഡൻറ് മുഹമ്മദ് മുർസി രാജിവെക്കണമെന്നാവശ്യപ്പെട്ട് നടന്ന പ്രതിഷേധ റാലികളിൽ ഞായറാഴ്ച രാജ്യം സ്തംഭിച്ചു.

ജൂലൈ 2

തദ്ദേശീയമായി വികസിപ്പിച്ചെടുത്ത ഇന്ത്യയുടെ ആദ്യ ഗതിനിർണയ ഉപഗ്രഹമായ ഐ.ആർ.എൻ.എസ്.എസ്.1-എയെ പി.എസ്.എൽ.വി. സി-22 റോക്കറ്റ് വിജയകരമായി ഭ്രമണപഥത്തിലെത്തിച്ചു.

ജൂലൈ 3

സൌദി അറേബ്യയിൽ നിതാഖാത്ത് സമയപരിധി നാലുമാസത്തേക്ക് നീട്ടി.

ഇന്ത്യയുടെ ജർമനിയിലെ നയതന്ത്രപ്രതിനിധി സുജാത സിങ് അടുത്ത വിദേശകാര്യസെക്രട്ടറിയാകും.

ജൂലൈ 4

മുഹമ്മദ് മുർസി

രാഷ്ട്രീയ അനിശ്ചിതാവസ്ഥക്കൊടുവിൽ ഈജിപ്തിൽ പ്രസിഡൻറ് മുഹമ്മദ് മുർസിയെ പുറത്താക്കി സൈന്യം അധികാരം പിടിച്ചു. ഭരണഘടന കോടതിയുടെ ചീഫ് ജസ്റ്റിസ് താത്കാലിക പ്രസിഡന്റ്.

ജൂലൈ 7

ബിഹാറിലെ ബോധഗയയിലുള്ള മഹാബോധി ക്ഷേത്രത്തിൽ നടന്ന സ്‌ഫോടനപരമ്പരയിൽ രണ്ടു സന്യാസിമാരുൾപ്പടെ അഞ്ചുപേർക്ക് പരിക്ക്.

ജൂലൈ 18

കുട്ടിയായി കണക്കാക്കാനുള്ള പ്രായപരിധി 18 വയസ്സിൽനിന്ന് കുറയ്ക്കണമെന്ന് ആവശ്യപ്പെട്ടുള്ള ഹർജി സുപ്രീംകോടതി തള്ളി.

രണ്ട് വർഷമായി തുടരുന്ന ആഭ്യന്തരയുദ്ധത്തിൽ സിറിയയിൽ ഇതുവരെ കൊല്ലപ്പെട്ടത് ഒരു ലക്ഷം പേരെന്ന് ഐക്യരാഷ്ട്രസഭ.

ജൂലൈ 27

കാലാവസ്ഥാനിരീക്ഷണത്തിലും പ്രകൃതിദുരന്തമുന്നറിയിപ്പുകൾ ലഭിക്കുന്നതിനും സഹായകരമായ ഇന്ത്യയുടെ ഇൻസാറ്റ് 3-ഡി ഉപഗ്രഹം ഫ്രഞ്ച് ഗയാനയിലെ കൗറുവിൽനിന്ന് വിജയകരമായി വിക്ഷേപിച്ചു.

അവലംബം