പുതുപ്പാടി ഗ്രാമപഞ്ചായത്ത്

കോഴിക്കോട് ജില്ലയിലെ ഗ്രാമ പഞ്ചായത്ത്

കോഴിക്കോട് ജില്ലയിലെ, തിരുവമ്പാടി നിയമസഭാ മണ്ഡല പരിധിയിൽ താമരശ്ശേരി താലൂക്കിൽ, കൊടുവള്ളി ബ്ലോക്കിലാണ് പുതുപ്പാടി ഗ്രാമപഞ്ചായത്ത് സ്ഥിതി ചെയ്യുന്നത്. 64.75 ചതുരശ്ര കിലോമീറ്റർ വിസ്തീർണ്ണമുള്ള ഭൂപ്രദേശം കൂടിയാണ് പുതുപ്പാടി.

ചരിത്രംതിരുത്തുക

പണ്ടൊക്കെ തോട്ടം മുതലാളിമാർ തങ്ങളുടെ തൊഴിലാളികളെ താമസിപ്പിക്കാൻ കെട്ടിയുണ്ടാക്കിയിരുന്ന നീണ്ട ഷെഡുകളെ പാടി എന്നായിരുന്നു വിളിക്കാറ്. അതിൽ നിന്നുമാണ് പുതുപ്പാടി എന്ന പേര് ലഭിച്ചത്.

1962 ൽ നടപ്പിലാക്കിയ കേരള പഞ്ചായത്ത് നിയമഭേദഗതി 1960 മുതലാണ് പുതുപ്പാടി പഞ്ചായത്ത് രൂപികരിക്കപ്പെടുന്നത്. അത് വരേ താമരശ്ശേരി പഞ്ചായത്തിൽ പെട്ട ഭൂപ്രദേശം മാത്രമായിരുന്നു പുതുപ്പാടി.

PP സയീദ് ആണ് പുതുപ്പാടിയുടെ ആദ്യത്തെ പഞ്ചായത്ത് പ്രസിഡണ്ട്.

ടൂറിസംതിരുത്തുക

കേരള ടൂറിസം രംഗത്ത് നിർണായക പങ്കുവഹിക്കുന്ന ഒരു പ്രദേശമാണ് പുതുപ്പാടി. വയനാട്-കോഴിക്കോട് ജില്ലകളെ ബന്ധിപ്പിക്കുന്ന വയനാടൻ ചുരം സ്ഥിതി ചെയ്യുന്നത് പുതുപ്പാടി പഞ്ചായത്തിലാണ്.

  • കാക്കവയൽ വന പർവ്വം
  • കക്കാട് ഇക്കോ ടൂറിസം തുടങ്ങിയവ പ്രധാനപ്പെട്ട സഞ്ചാരകേന്ദ്രങ്ങളാണ്.

വിദ്യാഭ്യാസംതിരുത്തുക

90 ശതമാനത്തിലധികം സാക്ഷരതയാണ് പുതുപ്പാടിയിലേത്. അതിൽ ഇവിടെ സ്ഥിതി ചെയ്യുന്ന വിദ്യഭ്യാസ സ്ഥാപനങ്ങളുടെ വലിയ പങ്കുണ്ട്.

താഴെ കൊടുത്തവയാണ് അവയിൽ പ്രധാനപ്പെട്ട ചിലത്.

  1. പുതുപ്പാടി ഗവ: ഹയർ സെക്കണ്ടറി സ്കൂൾ
  2. എം.ജി.എം ഹയർ സെക്കണ്ടറി സ്കൂൾ
  3. കൈതപ്പൊയിൽ യു.പി സ്കൂൾ
  4. അടിവാരം, മലോറം, മൈലള്ളാം പാറ എൽപി സ്കൂൾ.

ഭരണം, രാഷ്ട്രീയംതിരുത്തുക

പ്രത്യേകിച്ചൊരു രാഷ്ട്രീയ കക്ഷിയോടും അധികക്കൂറ് പുലർത്താത്തതാണ് പുതുപ്പാടിയുടെ സ്വഭാവം. എന്നാൽ വ്യക്തമായ രാഷ്ട്രീയ നിലപാടുകളുള്ളവരാണ് ഭൂരിഭാഗവും.

നിലവിൽ പഞ്ചായത്ത് ഭരിക്കുന്നത് ആയിഷക്കുട്ടി സുൽത്താൻറെ അധ്യക്ഷതയിലുള്ള യു.ഡി.എഫ് മുന്നണിയാണ്. ഷംസീർ പോത്താറ്റിലാണ് ഉപാധ്യക്ഷൻ.

പ്രധാനപ്പെട്ട സ്ഥലങ്ങൾതിരുത്തുക

  1. ഈങ്ങാപ്പുഴ
  2. അടിവാരം
  3. കൈതപ്പൊയിൽ
  4. പുതുപ്പാടി
  5. ഒടുങ്ങാക്കാട്
  6. മലോറം
  7. കണ്ണപ്പൻകുണ്ട്.
  8. കാക്കവയൽ
  9. എലോക്കര
  10. പെരുമ്പള്ളി


അതിരുകൾതിരുത്തുക

  • തെക്ക്‌ - താമരശ്ശേരി, കോടഞ്ചരി പഞ്ചായത്തുകൾ
  • വടക്ക് -താമരശ്ശേരി, കൂരാച്ചുണ്ട്, പൊഴുതന (വയനാട്), വൈത്തിരി (വയനാട്) പഞ്ചായത്തുകൾ
  • കിഴക്ക് - വൈത്തിരി (വയനാട്), കോടഞ്ചരി പഞ്ചായത്തുകൾ
  • പടിഞ്ഞാറ് - താമരശ്ശേരി പഞ്ചായത്ത്

വാർഡുകൾ:21തിരുത്തുക

സ്ഥിതിവിവരക്കണക്കുകൾതിരുത്തുക

ജില്ല കോഴിക്കോട്
ബ്ലോക്ക് കൊടുവള്ളി
വിസ്തീര്ണ്ണം 64.75 ചതുരശ്ര കിലോമീറ്റർ
ജനസംഖ്യ 31,620
പുരുഷന്മാർ 15,775
സ്ത്രീകൾ 15,845
ജനസാന്ദ്രത 488
സ്ത്രീ : പുരുഷ അനുപാതം 1004
സാക്ഷരത 90.74%

അവലംബംതിരുത്തുക