പന്നിശ്ശേരി നാണുപിള്ള

ഇന്ത്യയിലെ ഒരു എഴുത്തുകാരന്‍

കഥകളി, സംസ്കൃതം, തർക്കശാസ്ത്രം, വേദാന്തം തുടങ്ങിയ രംഗങ്ങളിൽ അപാരമായ ജ്ഞാനവും പരിചയസമ്പത്തും ആർജ്ജിച്ച ഒരു പണ്ഡിതനായിരുന്നു പന്നിശ്ശേരി നാണു പിള്ള (1886-1943). നിഴൽക്കുത്ത് എന്ന കഥകളി എഴുതി ചിട്ടപ്പെടുത്തിയത് അദ്ദേഹമായിരുന്നു.

ചട്ടമ്പി സ്വാമികളുടെ ശിഷ്യനായിരുന്ന നീലകണ്ഠതീർത്ഥപാദസ്വാമിയുടെ ശിഷ്യനായിരുന്നു പന്നിശ്ശേരി. പിൽക്കാലത്ത് ചട്ടമ്പി സ്വാമികളിൽ നിന്നും അദ്ദേഹം വേദാന്തപാഠങ്ങൾ സ്വീകരിച്ചിട്ടുണ്ട്.

ജീവിത രേഖതിരുത്തുക

കരുനാഗപ്പള്ളി മരുതൂർക്കുളങ്ങര പന്നിശ്ശേരി വീട്ടിൽ പത്മനാഭക്കുറുപ്പിന്റേയും ഭവാനിയമ്മയുടേയും മകനായി 1885 ൽ ജനനം.[1] പ്രാഥമിക വിദ്യാഭ്യാസത്തിന് ശേഷം സംസ്കൃതത്തിലും ഇംഗ്ലീഷിലും പ്രാവീണ്യം നേടി. പിന്നീട് ശ്രീനീലകണ്ഠശാസ്ത്രികളിൽ നിന്ന് വേദാന്തദർശനങ്ങളും ശ്രീ ചട്ടമ്പിസ്വാമികളിൽ തർക്കശാസ്ത്രവും പഠിച്ചു. അതോടൊപ്പം കഥകളിയും അഭ്യസിച്ചു.

ലക്ഷ്മിക്കുട്ടിയമ്മയെ വിവാഹം കഴിച്ച അദ്ദേഹത്തിന് ശ്രീനിവാസക്കുറുപ്പ്, തങ്കമ്മ എന്നീ മക്കളുണ്ടായി.[1]

1942 ൽ പന്നിശ്ശേരി നാണുപ്പിള്ള ദിവംഗതനായി.

സാഹിത്യ സംഭാവനകൾതിരുത്തുക

പന്നിശ്ശേരി നാണുപ്പിള്ളയുടെ നിഴൽക്കുത്ത് എന്ന ആട്ടക്കഥ കഥകളി രംഗത്ത് ധാരാളം പ്രചാരം സിദ്ധിച്ചിട്ടുള്ള കൃതിയാണ്‌.[1] അദ്ദേഹം രചിച്ച കഥകളിയെ സംബന്ധിച്ചുള്ള ഒരു പ്രാമാണിക ഗ്രന്ഥമായ കഥകളി പ്രകാരം എന്ന ഗ്രന്ഥം A Guide to Kathakali രചിക്കുന്നതിന് എ.ഡി. ബോളണ്ട് ഉപയോഗപ്പെടുത്തിയിട്ടുണ്ട്.[1]

ചട്ടമ്പി സ്വാമികൾ തമിഴിലും സംസ്കൃതത്തിലുമായി എഴുതിയ ആദിഭാഷ എന്ന ഗ്രന്ഥം മലയാളത്തിലേക്കു തർജ്ജമ ചെയ്തത് പന്നിശ്ശേരി നാണു പിള്ളയാണെന്നു കരുതപ്പെടുന്നു. സൂര്യശതകം എന്ന സംസ്കൃത കൃതിയുടെ മലയാള പരിഭാഷ നിർവ്വഹിച്ചതും അദ്ദേഹമാണ്.[2] മലയാളത്തിലെ ആദ്യത്തെ ലക്ഷണമൊത്ത ജീവചരിത്രഗ്രന്ഥമായ നീലകണ്ഠതീർഥപാദ ചരിത്രസമുച്ചയം ഗുരുവായ നീലകണ്ഠതീർത്ഥപാദസ്വാമിയെക്കുറിച്ച് നാണുപിള്ളയും ശ്രീവർദ്ധനത്ത് കൃഷ്ണപിള്ളയും ചേർന്ന് രചിച്ചതാണ്. ചട്ടമ്പിസ്വാമിയുടെ മരണത്തെത്തുടർന്ന് ഒരു വിലാപം എന്ന കാവ്യവും അദ്ദേഹം രചിച്ചിട്ടുണ്ട്.[3]

ഭദ്രകാളീവിജയം, പാദുകപട്ടാഭിഷേകം, ശങ്കരവിജയം എന്നിവയാണ് മറ്റ് രചനകൾ.[1] വനവാസത്തിന് പോയ രാമൻ്റെ പാദുകം സിംഹാസനത്തിൽ വെച്ച് പൂജിച്ച രാമായണത്തിലെ കഥ പറയുന്ന പാദുക പട്ടാഭിഷേകം 1940 കളിൽ സ്കൂൾ തലത്തിൽ മലയാളം പാഠപുസ്തകത്തിലും സംസ്കൃത പഞ്ചമത്തിലും പാഠ്യവിഷയമായിരുന്നു.[4]

അവലംബംതിരുത്തുക

  1. 1.0 1.1 1.2 1.3 1.4 "പന്നിശ്ശേരി നാണുപിള്ള | കഥകളി.ഇൻഫൊ | Kathakali.info | കളിയറിവുകളുടെ തിരമൊഴി | The internet Kathakali hangout". 2020-12-25. ശേഖരിച്ചത് 2020-12-26.
  2. "Oachira Sankarankutty Navodhana narthakan". 2020-12-25. ശേഖരിച്ചത് 2020-12-26.
  3. "ടഗോറിന് സംസ്കൃതത്തിലൊരു കത്ത്". ശേഖരിച്ചത് 2020-12-26.
  4. "പന്നിശ്ശേരി നാണുപിള്ളയുടെ പാദുക പട്ടാഭിഷേകം കഥകളി വീണ്ടും അരങ്ങിലെത്തുന്നു | Karunagappalli". 2020-12-26. ശേഖരിച്ചത് 2020-12-26.
"https://ml.wikipedia.org/w/index.php?title=പന്നിശ്ശേരി_നാണുപിള്ള&oldid=3502332" എന്ന താളിൽനിന്ന് ശേഖരിച്ചത്