പനമരം
വയനാട് ജില്ലയിലെ ഒരു ഗ്രാമമാണ് പനമരം (Panamaram).[1]
പനമരം | |
|---|---|
  പനമരം Location in Kerala, India | |
| Coordinates: 11°44′26″N 76°03′25″E / 11.7404856°N 76.0569761°E | |
| രാജ്യം |  ഇന്ത്യ |
| സംസ്ഥാനം | കേരളം |
| ജില്ലകൾ | വയനാട് |
| • ഔദോഗികമായ | മലയാളം, ഇംഗ്ലീഷ് |
| സമയമേഖല | UTC+5:30 (IST) |
| PIN | 670721 |
| വാഹന റെജിസ്ട്രേഷൻ | KL-12 |
ജനസംഖ്യ
തിരുത്തുക2001 ലെ സെൻസസ് പ്രകാരം പനമരത്ത് 11651 ആൾക്കാരാണ് ഉള്ളത്, അതിൽ 5891 പുരുഷന്മാരും 5760 സ്ത്രീകളുമാണ്.[1]
പനമരം പുഴ
തിരുത്തുകമാനന്തവാടി, ബാവലി, നൂൽപ്പുഴ എന്നിവയ്ക്കൊപ്പം കബനി നദിയുടെ ഒരു പോഷകനദിയായ പനമരം പുഴ ഈ ഗ്രാമത്തിലൂടെയാണ് ഒഴുകുന്നത്. പനമരം നഗരത്തിൽ നിന്ന് 6 കിലോമീറ്റർ വടക്കുമാറിയാണ് കബനി ഉത്ഭവിക്കുന്നത്. പൂക്കോട് തടാകത്തിന് സമീപമുള്ള പശ്ചിമഘട്ടത്തിൽ നിന്ന് ഉത്ഭവിച്ച് പനമരം നദിയിൽ സംഗമിക്കുന്നു.
പനമരം കോട്ട
തിരുത്തുകഇന്ത്യൻ സ്വാതന്ത്രസമരവുമായി വളരെയേറെ ബന്ധമുള്ള ഒരിടമാണ് പനമരം. പഴശ്ശി രാജാവിന്റെ അനുയായികളായ തലക്കൽ ചന്തുവും എടച്ചേന കുങ്കൻ നായരും അവരുടെയൊപ്പം 175 വില്ലാളികളും 1802 ഒക്ടോബർ 11 ആം തിയതി ബ്രിട്ടീഷുകരുടെ ബോംബെ കാലാൾപ്പട നിയന്ത്രിച്ചിരുന്ന പനമരം കോട്ട പിടിച്ചെടുക്കുകയുണ്ടായി. ആ ശ്രമത്തിൽ ക്യാപ്റ്റൻ ഡിക്കിൻസണും ലെഫ്റ്റനന്റ് മാക്‌സ്‌വെല്ലും 25 പട്ടാളക്കാരോടൊപ്പം കൊല്ലപ്പെടുകയുണ്ടായി. തിരിച്ചടിച്ച ബ്രിട്ടീഷുകാർ നവംബർ 15 -ന് ചന്തുവിനെ പിടികൂടി വധിച്ചു. [2] പഴശ്ശിയുടെ ബ്രീട്ടീഷുകാരോടുള്ള യുദ്ധങ്ങളിൽ പ്രധാനമായ ഒന്നായിരുന്നു ഈ വിജയം.
പനമരത്തെ കൊക്കുകേന്ദ്രം
തിരുത്തുക
മലബാർ നാച്ചുറൽ ഹിസ്റ്ററി സൊസൈറ്റിയുടെ വാർഷിക പക്ഷിസർവ്വേ പ്രകാരം മലബാറിൽ എണ്ണത്തിലും ഇനത്തിലും മുട്ടയിട്ടുപെരുകാനുമെല്ലാം ഏറ്റവും കൂടുതൽ കൊക്കുകൾ എത്തിച്ചേരുന്നത് പനമരത്ത് ആണ്.[3] കബനിയിൽ ഒരു ഉയർന്ന മൺതിട്ടയിൽ കേവലം ഒരു ചതുരശ്ര കിലോമീറ്റർ മാത്രം വിസ്താരമുള്ള ഒരു പ്രദേശമാണ് ഈ കൊക്കുകൾ എത്തുന്ന ഇടം. ഇവിടം സംരക്ഷിക്കാൻ സർക്കാർ ഉത്തരവ് നൽകിയിട്ടുണ്ട്. വ്യാപകമായ മണൽഖനനവും മുളങ്കൂട്ടങ്ങളുടെ നാശവും ഈ കൊക്കുസങ്കേതത്തെ നാശത്തിന്റെ വക്കിൽ എത്തിച്ചിരിക്കുന്നു.[4] പല വിദേശപക്ഷികളും മുട്ടയിടുന കാലത്ത് ഇവിടെ എത്തിച്ചേരുന്നതായി നിരീക്ഷിച്ചിട്ടുണ്ട്. 62 വർഷത്തിനിടയിൽ ആദ്യമായാണ് കാലിമുണ്ടി കേരളത്തിൽ മുട്ടയിടുന്നത് 2010 -ൽ പനമരത്ത് നിരീക്ഷിച്ചത്. ചിന്നമുണ്ടി, കുളക്കൊക്ക്, പാതിരാക്കൊക്ക്, ചെറുമുണ്ടി, ചായമുണ്ടി, കഷണ്ടിക്കൊക്ക് എന്നിവയെയെല്ലാം ഇവിടെ കണ്ടിട്ടുണ്ട്.[3][5] അമിതമായ രീതിയിൽ ഇഷ്ടികക്കളങ്ങൾ പ്രവർത്തിക്കുന്നതും പനമരം നേരിടുന്ന മറ്റൊരു പാരിസ്ഥിതിക ഭീഷണിയാണ്.[6]
ബാങ്കുകൾ
തിരുത്തുകകേരള ഗ്രാമീൺ ബാങ്കിന്റെ ഒരു ശാഖ ഇവിടെയുണ്ട്. കൂടാതെ ഭാരതീയ സ്റ്റേറ്റ് ബാങ്കിന്റെ അഞ്ചുകുന്ന് ശാഖ പനമരത്താണ്. സൗത്ത് ഇന്ത്യൻ ബാങ്ക് ശാഖ ഇപ്പോൾ ഇവിടെ ലഭ്യമാണ്.
അയൽ ഗ്രാമങ്ങൾ
തിരുത്തുക- കായക്കുന്ന് ( Kayakkunn )നെല്ലിയമ്പം
- നടവയൽ
അവലംബം
തിരുത്തുക- ↑ 1.0 1.1 "Census of India : Villages with population 5000 & above". Registrar General & Census Commissioner, India. Retrieved 2008-12-10.
- ↑ "Demand for memorial to tribal warriors". The Hindu. Chennai, India. November 15, 2008.
- ↑ 3.0 3.1 Manoj, E. M. (July 16, 2010). "Grave threat to the largest heronry in Malabar". The Hindu. Chennai, India.
- ↑ Manoj, E. M. (July 23, 2010). "Panamaram heronry to become a protected zone". The Hindu. Chennai, India. Archived from the original on 2012-10-20. Retrieved 2015-12-11.
- ↑ "ആർക്കൈവ് പകർപ്പ്". Archived from the original on 2015-09-24. Retrieved 2015-12-11.
- ↑ "ആർക്കൈവ് പകർപ്പ്". Archived from the original on 2015-11-26. Retrieved 2015-12-11.