തെക്കൻ സ്രാവ്

ഒരിനം സ്രാവു മത്സ്യത്തെയാണ് തെക്കൻ സ്രാവ് എന്നു പറയുന്നത്. കാർക്കാറൈനോയിഡിഫോമെസ് (Carcharhinoidiformes) സ്രാവു ഗോത്രത്തിലെ കാർക്കാറൈനിഡേ (Carcharhinidae) കുടുംബത്തിൽപ്പെടുന്നു. ശാസ്ത്രീയനാമം: കാർക്കാറൈ നസ് ടെമ്മിൻക്കൈ (Carcharhinus temminckii).

തെക്കൻ സ്രാവ് Temporal range: 23–0 Ma PreꞒ Ꞓ O S D C P T J K Pg N Early Miocene to Present
Longsnout dogfish, Deania quadrispinosum
ശാസ്ത്രീയ വർഗ്ഗീകരണം
കിങ്ഡം:	Animalia
Phylum:	Chordata
Class:	Chondrichthyes
Subclass:	Elasmobranchii
Order:	Squaliformes
Family:	Centrophoridae
Genus:	Deania D. S. Jordan & Snyder, 1902
Species
See text.

രൂപവിവരണം

തെക്കൻ സ്രാവ്

ഇന്ത്യൻ സമുദ്രത്തിലാണ് തെക്കൻ സ്രാവുകളെ സാധാരണ കണ്ടുവരുന്നത്. 1.5-3 മീ. വരെ നീളത്തിൽ വളരുന്ന തെക്കൻ സ്രാവിന്റെ ശരീരത്തിന് പൊതുവേ ചാരനിറമായിരിക്കും. നീളം കൂടിയ മോന്തയുള്ള ഇവയുടെ നാസാരന്ധ്രങ്ങൾ വായുടെ അടുത്തായാണ് സ്ഥിതിചെയ്യുന്നത്. വായിൽ 36-40 വരെ കനം (വണ്ണം) കുറഞ്ഞ പല്ലുകളുണ്ടായിരിക്കും. ഭുജപത്രത്തിന്റെ മുകൾ ഭാഗം നീളം കൂടിയതാണ്. ഭുജപത്രത്തിനും പ്രാച്യപത്രത്തിനും മധ്യേയുള്ള ഭാഗത്തിന് എതിരെയായിട്ട് ഒന്നാമത്തെ പൃഷ്ടപത്രം സ്ഥിതി ചെയ്യുന്നു; പായു പത്രത്തിനുനേരെ മുകളിലായി ദ്വിതീയ പൃഷ്ഠ പത്രവും. പ്രഥമ പൃഷ്ഠപത്രത്തിനും ദ്വീതീയ പൃഷ്ഠപത്രത്തിനും തുല്യവലിപ്പമാണ്. ജരായുജ പ്രത്യുത്പാദന (viviparous)മാണ് തെക്കൻ സ്രാവുകളുടെ പ്രജനനരീതി. ഇവയ്ക്ക് 20 വർഷം വരെ ആയുസ്സുള്ളതായി കണക്കാക്കപ്പെട്ടിട്ടുണ്ട്.

പുറത്തേക്കുള്ള കണ്ണികൾ

• http://www.fishbase.org/summary/Deania-profundorum.html
• http://species-identification.org/species.php?species_group=sharks&id=179 Archived 2011-10-14 at the Wayback Machine.

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ തെക്കൻ സ്രാവ് എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.