തമിഴിസൈ സൗന്ദരരാജൻ
ഒരു രാഷ്ട്രീയ പ്രവർത്തകയും നിലവിൽ തെലങ്കാന സംസ്ഥാന ഗവർണ്ണറും ആണ് തമിഴിസൈ സൗന്ദരരാജൻ 2021 ഫെബ്രുവരി 18 മുതൽ പുതുച്ചേരി ലെഫ്റ്റനന്റ് ഗവർണറാണ് (അധിക ചുമതല). ഭാരതീയ ജനതാ പാർട്ടിയുടെ തമിഴ്നാട് മുൻ സംസ്ഥാന അധ്യക്ഷയാണ് തമിഴിസൈ സൗന്ദരരാജൻ.[1] [2] ബി.ജെ.പി സംസ്ഥാന പ്രസിഡന്റ് ആകുന്നതിനു മുൻപ് ഭാരതീയ ജനതാ പാർട്ടിയുടെ ദേശീയ സെക്രട്ടറിയായിരുന്നു. തമിഴ്നാട്ടിലെ പ്രമുഖ, മുതിർന്ന കോൺഗ്രസ് നേതാവായിരുന്ന കുമരി ആനന്ദന്റെ മകളാണ്. [3]
തമിഴിസൈ സൗന്ദരരാജൻ | |
|---|---|
 | |
| തെലങ്കാന സംസ്ഥാന ഗവർണർ | |
പദവിയിൽ | |
| ഓഫീസിൽ 8 September 2019 | |
| Chief Minister | കെ.ചന്ദ്രശേഖര റാവു |
| മുൻഗാമി | ഇ. എസ്.എൽ.നരസിംഹൻ |
| അധ്യക്ഷ തമിഴ്നാട് ഭാരതീയ ജനതാ പാർട്ടി | |
| ഓഫീസിൽ 26 May 2014 – 1 September 2019 | |
| മുൻഗാമി | പൊൻ രാധാകൃഷ്ണൻ |
| പിൻഗാമി | എൽ മുരുഗാൻ |
| വ്യക്തിഗത വിവരങ്ങൾ | |
| ദേശീയത | Indian |
സ്വകാര്യ ജീവിതം
തിരുത്തുക1961 ജൂൺ 2 ന് തമിഴ്നാട്ടിലെ കന്യാകുമാരി ജില്ലയിലെ നാഗർകോവിൽ ടൗണിൽ ജനിച്ചു.
വിദ്യാഭ്യാസവും പ്രൊഫഷണൽ യോഗ്യതയും
തിരുത്തുകതമിഴ്നാട്ടിലെ ചെന്നൈയിൽ സ്ഥിതി ചെയ്യുന്ന മദ്രാസ് മെഡിക്കൽ കോളേജിൽ നിന്നും തമിഴിസൈ, എം.ബി.ബി.എസ് ബിരുദം കരസ്ഥമാക്കുകയുണ്ടായി. [4] തുടർന്ന് ചെന്നൈയിലെ തന്നെ ഡോ. എം.ജി.ആർ. മെഡിക്കൽ സർവ്വകലാശാലയിൽ നിന്നും ഒബ്സ്റ്ററിക്സ്, ഗൈനക്കോളജി എന്നിവയിൽ ബിരുദാനന്തരബിരുദവും കരസ്ഥമാക്കിയിട്ടുണ്ട്. ഇതിനെ തുടർന്ന് കാനഡയിൽ നിന്നും പ്രത്യേകമായി സോണോളജിയിലും എഫ്.ഇ.ടി തെറാപ്പിയിലും പരിശീലനം നേടുകയും ചെയ്തിരുന്നു.
രാഷ്ട്രീയ രംഗത്തേക്ക് കടന്നുവരുന്നതിനു മുൻപ് 5 വർഷക്കാലത്തോളം ചെന്നൈയിലെ രാമചന്ദ്ര മെഡിക്കൽ കോളേജിൽ അസിസ്റ്റന്റെ പ്രൊഫസറായി പ്രവർത്തിക്കുകയുണ്ടായി. കൂടാതെ നിരവധി ആശുപത്രികളിൽ വിസിറ്റിങ് കൺസൾട്ടന്റ് ആയും പ്രവർത്തിച്ചിട്ടുണ്ട്. [5]
രാഷ്ട്രീയ ജീവിതം
തിരുത്തുകഒരു രാഷ്ട്രീയ കുടുംബത്തിൽ വളർന്ന തമിഴിസൈ, ബാല്യകാലം മുതൽ തന്നെ രാഷ്ട്രീയത്തിൽ തൽപ്പരയായിരുന്നു. [6] മദ്രാസ് മെഡിക്കൽ കോളജിൽ പഠന കാലത്തിന് ഇടയിൽ വിദ്യാർത്ഥി നേതാവായും തിരഞ്ഞെടുക്കപ്പെട്ടിട്ടുണ്ട്. ഒരു മുൻനിര പാരമ്പര്യമുള്ള കോൺഗ്രസ് പാർട്ടി കുടുംബത്തിൽ നിന്നാണെങ്കിലും ബി.ജെ.പി.യുടെ പ്രത്യയശാസ്ത്രത്താൽ ആകർഷിക്കപ്പെടുകയും ബിജെപിയുടെ മുഴുവൻ സമയ പ്രവർത്തകയായി മാറാൻ ആരംഭിക്കുകയും ചെയ്തു. 1999-ൽ സൗത്ത് ചെന്നൈ ജില്ലാ മെഡിക്കൽ വിംഗ് സെക്രട്ടറിയായി തിരഞ്ഞെടുക്കപ്പെട്ടു. 2001 - ൽ അവർ മെഡിക്കൽ വിങ്ങിന്റെ സംസ്ഥാന ജനറൽ സെക്രട്ടറിയായും തിരഞ്ഞെടുക്കപ്പെട്ടിരുന്നു. കൂടാതെ 2005 മുതൽ ഇതിന്റെ ദേശീയ തലത്തിലുള്ള സഹ കൺവീനറായും പ്രവർത്തിക്കുകയുണ്ടായി. [7] 2007 - ൽ ബി.ജെ.പി.യുടെ സംസ്ഥാന ജനറൽ സെക്രട്ടറിയായും 2010 - ൽ ബി.ജെ.പി.യുടെ സംസ്ഥാന വൈസ് പ്രസിഡന്റായും തിരഞ്ഞെടുക്കപ്പെട്ടു. ഇതനെത്തുടർന്ന് 2013 - ൽ ദേശീയ തലത്തിൽ ഭാരതീയ ജനതാ പാർട്ടിയുടെ ദേശീയ സെക്രട്ടറിയായും തിരഞ്ഞെടുക്കപ്പെട്ടിരുന്നു. [8]
മാധ്യമ സാന്നിദ്ധ്യം
തിരുത്തുകസ്കൂളിലും കോളേജിലും പഠിക്കുന്ന വിദ്യാർത്ഥികൾക്കും കുട്ടികൾക്കും വേണ്ടി ഒറേറ്ററി സ്കിൽസ് അഥവാ കഴിവുകളുമായി ബന്ധപ്പെട്ട ഒരു പരിപാടി തമിഴിസൈ വിജയകരമായി സംഘടിപ്പിച്ചിരുന്നു. രാജ് ടി.വി എന്ന തമിഴ് ടെലിവിഷൻ ചാനലിൽ ഏകദേശം പത്ത് വർഷത്തിലധികമായി സംപ്രേഷണം ചെയ്യപ്പെട്ട ഈ പരിപാടിയ്ക്ക് വളരെ വലിയ ടി.ആർ.പി. റേറ്റിങ്ങും ജനപ്രീതിയും ഉണ്ടായിരുന്നു. [9] ഇതു കൂടാത "ദൂരദർശൻ" ചാനലിൽ സ്ത്രീകൾക്കായി ആഴ്ചതോറും ഒരു പരിപാടി തമിഴിസൈ സംഘടിപ്പിച്ചു. മഗലിർ പഞ്ചായത്ത് അഥവാ വനിതാ കോടതി എന്ന ഈ പരിപാടി അഞ്ചു വർഷത്തിലേറെയായി സംപ്രേഷണം ചെയ്യപ്പെടുകയും വലിയ ജനപ്രീതി സമ്പാദിക്കുകയും ചെയ്തിരുന്നു. മാത്രവുമല്ല, പ്രമുഖ ടി.വി ചാനലുകളായ സൺ ടി വി , എൻഡിടിവി , ടൈംസ് നൗ , വിവിധ പ്രാദേശിക ചാനലുകൾ തുടങ്ങിയ ചാനലുകളിൽ തമിഴ്നാട്ടിലെ പ്രമുഖരായ രാഷ്ട്രീയ നേതാക്കളുമായി നിരവധി രാഷ്ട്രീയ ചർച്ചകളിലും വിവിധ സാഹചര്യങ്ങളിൽ സംഘടിപ്പിക്കപ്പെട്ട സംവാദങ്ങളിലും പങ്കെടുക്കുകയും ചെയ്തിട്ടുണ്ട്. [10]
തിരഞ്ഞെടുപ്പുകൾ
തിരുത്തുകഎം.പി. ആകാനും എം.എൽ.ആ ആകാനുമായി മത്സരിച്ച എല്ലാ തിരഞ്ഞെടുപ്പുകളിലും തമിഴിസൈ പരാജയപ്പെടുകയുണ്ടായി. രണ്ട് നിയമസഭാ തിരഞ്ഞെടുപ്പുകളിലും രണ്ട് ലോകസഭാ തിരഞ്ഞെടുപ്പുകളിലും മത്സരിച്ചിരുന്നു. [11] [12] 2019 - ൽ നടക്കുന്ന ലോകസഭാ തിരഞ്ഞെടുപ്പിൽ ഭാരതീയ ജനതാ പാർട്ടി സ്ഥാനാർത്ഥിയായി തമിഴ്നാട്ടിലെ തൂത്തുക്കുടി ലോകസഭാ മണ്ഡലത്തിൽ നിന്നും തമിഴിസൈ മത്സരിക്കുന്നുണ്ട്. [13]
തമിഴ്നാട് നിയമസഭാ തിരഞ്ഞെടുപ്പ്
തിരുത്തുക| വർഷം | തിരഞ്ഞെടുപ്പ് | പാർട്ടി | നിയോജകമണ്ഡലം | ഫലമായി | വോട്ടുകൾ നേടി | വോട്ട്% |
|---|---|---|---|---|---|---|
| 2006 | നിയമസഭാ തിരഞ്ഞെടുപ്പ് 2006 | ഭാരതീയ ജനതാപാർട്ടി | രാധപുരം | അഞ്ചാം സ്ഥാനം | 5,343 | 4.70% |
| 2011 | നിയമസഭാ തിരഞ്ഞെടുപ്പ് 2011 | എ.ഐ.എ.ഡി.എം.കെ. | വേളച്ചേരി | നാലാം സ്ഥാനം | 7,040 | 4.63% |
ലോക്സഭാ തെരഞ്ഞെടുപ്പ്
തിരുത്തുക| വർഷം | തിരഞ്ഞെടുപ്പ് | പാർട്ടി | നിയോജകമണ്ഡലം | ഫലമായി | വോട്ടുകൾ നേടി | വോട്ട്% |
|---|---|---|---|---|---|---|
| 2009 | പതിനഞ്ചാം ലോക്സഭാ തെരഞ്ഞെടുപ്പ് | ഭാരതീയ ജനതാപാർട്ടി | ചെന്നൈ നോർത്ത് | മൂന്നാമത്തെ സ്ഥാനം | 23,350 | 3.54% |
അവലംബം
തിരുത്തുക- ↑
{{cite news}}: Empty citation (help) - ↑
{{cite news}}: Empty citation (help) - ↑
{{cite news}}: Empty citation (help) - ↑ "ആർക്കൈവ് പകർപ്പ്". Archived from the original on 2019-05-16. Retrieved 2019-03-30.
- ↑ "ആർക്കൈവ് പകർപ്പ്". Archived from the original on 2019-05-16. Retrieved 2019-03-30.
- ↑ Sudha (29 November 2013). "Tamilisai Soundararajan opens her mind | நான் டுமிழிசை செளந்தரராஜன் பேசுகிறேன் ! - Oneindia Tamil" (in തമിഴ്). Tamil.oneindia.in. Retrieved 27 September 2017.
- ↑ "Bharatiya Jalsa Party". Bjp.org. Archived from the original on 2017-09-28. Retrieved 27 September 2017.
- ↑ "Jual Oram appointed as BJP's national Vice President, Dharmendra Pradhan as General Secretary". Orissadiary.com. 31 March 2013. Archived from the original on 12 August 2014. Retrieved 2 June 2014.
- ↑ "ആർക്കൈവ് പകർപ്പ്". Archived from the original on 2019-05-16. Retrieved 2019-03-30.
- ↑ "ആർക്കൈവ് പകർപ്പ്". Archived from the original on 2019-05-16. Retrieved 2019-03-30.
- ↑ "Dr. Tamilisai Soundrarajan(Bharatiya Janata Party(BJP)):Constituency- VELACHERY(CHENNAI) - Affidavit Information of Candidate:". Myneta.info. 14 June 2004. Retrieved 27 September 2017.
- ↑ "News Today". www.maalaisudar.com. 7 May 2009. Retrieved 27 September 2017.[പ്രവർത്തിക്കാത്ത കണ്ണി]
- ↑
{{cite news}}: Empty citation (help)