ടി.ഡി. ദാസൻ സ്റ്റാൻഡേർഡ് VI B
മോഹൻ രാഘവൻ സംവിധാനം ചെയ്ത് 2010-ൽ പുറത്തിറങ്ങിയ ഒരു മലയാളചലച്ചിത്രമാണ് ടി.ഡി. ദാസൻ സ്റ്റാൻഡേർഡ് VI B. ബിജു മേനോൻ, ജഗദീഷ്, ശ്വേത മേനോൻ, അലക്സാണ്ടർ, ടീന എന്നിവരാണ് ഈ ചിത്രത്തിലെ പ്രധാന വേഷങ്ങൾ ചെയ്തിരിക്കുന്നത്. മികച്ച നവാഗത സംവിധായകനുള്ള സംസ്ഥാന ചലച്ചിത്ര അവാർഡ് മോഹൻ രാഘവന് ഈ ചിത്രത്തിലൂടെ ലഭിച്ചിട്ടുണ്ട്. ഈ ചിത്രത്തിലെ അഭിനയത്തിന് ബിജു മേനോൻ മികച്ച രണ്ടാമത്തെ നടനുമായി.[1]
| ടി.ഡി. ദാസൻ സ്റ്റാൻഡേർഡ് VI B | |
|---|---|
 റിലീസ് പോസ്റ്റർ | |
| സംവിധാനം | മോഹൻ രാഘവൻ |
| നിർമ്മാണം | പോൾ വടക്കുംചേരി പോൾ വള്ളിക്കോടത്ത് |
| രചന | മോഹൻ രാഘവൻ |
| അഭിനേതാക്കൾ | ബിജു മേനോൻ ജഗദീഷ് ശ്വേത മേനോൻ |
| സംഗീതം | ശ്രീവത്സൻ ജെ. മേനോൻ |
| ഛായാഗ്രഹണം | അരുൺ വർമ്മ |
| ചിത്രസംയോജനം | വിനോദ് സുകുമാരൻ |
| റിലീസിങ് തീയതി |
|
| രാജ്യം |  ഇന്ത്യ |
| ഭാഷ | മലയാളം |
കഥാപശ്ചാത്തലം
തിരുത്തുകപാലക്കാടൻ ഗ്രാമത്തിലും ബാംഗ്ലൂർ നഗരത്തിലുമായി ജീവിക്കുന്ന രണ്ടു കൊച്ചു കുട്ടികൾ തമ്മിലുണ്ടാകുന്ന അസാധാരണ ബന്ധമാണ്‌ ഈ ചിത്രത്തിന്റെ പ്രമേയം.[2] ഓർമ്മവയ്‌ക്കുന്നതിനു മുൻപ് തന്നെയും അമ്മയെയും വിട്ടുപോയ അച്ഛന് നിരന്തരം കത്തെഴുതുന്ന ചെറിയ കുട്ടിയായ ദാസനാണ് ഈ ചിത്രത്തിലെ ടൈറ്റിൽ കഥാപാത്രം. ദാസന്റെ അച്ഛൻ എന്നോ ഒഴിഞ്ഞുപോയ വീട്ടിലെ പുതിയ താമസക്കാർക്കാണ് ആ കത്തുകൾ ലഭിച്ചത്. അവിടെയുള്ള അമ്മുവെന്ന കൊച്ചു പെൺകുട്ടി ദാസന് അച്ഛനെഴുതുന്ന പോലെ മറുപടി എഴുതുകയാണ്. ദാസന് ആ മറുപടികൾ ഏറെ വിലമതിച്ച സമ്മാനങ്ങളായിരുന്നു. സ്വന്തം അച്ഛൻ എന്നെങ്കിലുമൊരിക്കൽ തിരിച്ചെത്തുമെന്നുള്ള പ്രതീക്ഷയിൽ കഴിയുന്ന ദാസന്റെയും അവൻ പിതാവിനയച്ച കത്ത്‌ വായിച്ച നഗരത്തിലെ ബാലികയുടേയും ഹൃദയവികാരങ്ങൾ ഹൃദയസ്‌പർശിയായി തന്നെ അവതരിപ്പിക്കാൻ മോഹൻ രാഘവൻ ഈ ചിത്രത്തിലൂടെ ശ്രമിക്കുന്നുണ്ട്.
അഭിനേതാക്കൾ
തിരുത്തുക- ബിജു മേനോൻ
- ജഗദീഷ്
- ശ്വേത മേനോൻ
- ജഗതി ശ്രീകുമാർ
- സുരേഷ് കൃഷ്ണ
- മാള അരവിന്ദൻ
- അലോഷ്യസ് പണിക്കുളങ്ങര
- വത്സല മേനോൻ
- ശ്രീഹരി
- ശ്രുതി മേനോൻ
- ഡെന്നീസ് പറക്കാടൻ
- അലക്സാണ്ടർ
- ടീന റോസ്
പുരസ്കാരം
തിരുത്തുക- ഏഷ്യൻ ചിത്രത്തിനുള്ള 2010-ലെ ജോൺ എബ്രഹാം പുരസ്കാരം
- ഫിലിം ക്രിട്ടിക്‌സ് അവാർഡ്
- പതിനൊന്നാമത് ന്യൂയോർക്ക് ഇന്ത്യൻ ഫിലിംഫെസ്റ്റിവലിൽ മികച്ച തിരക്കഥയ്ക്കുള്ള പുരസ്കാരം[3].
അവലംബം
തിരുത്തുക- ↑ "സംവിധായകൻ മോഹൻ രാഘവൻ അന്തരിച്ചു, മാതൃഭൂമി, 25 ഒക്ടോബർ 2011". Archived from the original on 2011-10-27. Retrieved 2011-10-27.
- ↑ "പൊലിഞ്ഞത്‌ മലയാള സിനിമയുടെ യുവപ്രതീക്ഷ, മംഗളം, 26 ഒക്ടോബർ 2011". Archived from the original on 2011-10-27. Retrieved 2011-10-27.
- ↑ "ന്യൂയോർക്ക് മേളയിൽ 'ടി.ഡി. ദാസന്' പുരസ്കാരം, മാതൃഭൂമി, 10 മേയ് 2011". Archived from the original on 2011-05-12. Retrieved 2011-05-10.