ചമ്രവട്ടം അയ്യപ്പക്ഷേത്രം
ചമ്രവട്ടം അയ്യപ്പ ക്ഷേത്രം
പ്രഭാ സത്യക സമേത ശാസ്താവ്
| ചമ്രവട്ടം ( ശംബരവട്ടം ) അയ്യപ്പ ക്ഷേത്രം | |
|---|---|
 ശംബരവട്ടം ( ചമ്രവട്ടം ) അയ്യപ്പക്ഷേത്രം | |
  ചമ്രവട്ടം ( ശംബരവട്ടം ) അയ്യപ്പ ക്ഷേത്രം ക്ഷേത്രത്തിന്റെ സ്ഥാനം | |
| നിർദ്ദേശാങ്കങ്ങൾ: | 10°49′9″N 75°57′20″E / 10.81917°N 75.95556°E |
| പേരുകൾ | |
| മറ്റു പേരുകൾ: | ശംബരവട്ടം |
| സ്ഥാനം | |
| രാജ്യം: | ഇന്ത്യ |
| സംസ്ഥാനം/പ്രൊവിൻസ്: | കേരളം |
| ജില്ല: | മലപ്പുറം |
| പ്രദേശം: | ചമ്രവട്ടം |
| വാസ്തുശൈലി, സംസ്കാരം | |
| പ്രധാന പ്രതിഷ്ഠ: | അയ്യപ്പൻ ( പ്രഭാ സത്യക സമേത ശാസ്താവ് ) ശംബരവട്ടം ( ചമ്രവട്ടം ) ശാസ്താവ് |
| പ്രധാന ഉത്സവങ്ങൾ: | ആറാട്ട് |
| ക്ഷേത്രങ്ങൾ: | 1 |
| ചരിത്രം | |
| ക്ഷേത്രഭരണസമിതി: | മലബാർ ദേവസ്വം ബോർഡ് |
മലപ്പുറം ജില്ലയിലെ തിരൂർ താലൂക്കിലെ തൃപ്രങ്ങോട് പഞ്ചായത്തിലാണ് ചമ്രവട്ടം ( ശംബരവട്ടം ) അയ്യപ്പ ക്ഷേത്രം സ്ഥിതിചെയ്യുന്നത്. ശംബരമുനി തപസ്സ് ചെയ്ത സ്ഥലമായതിനാൽ ശംബരവട്ടം എന്ന നാമം ലഭിച്ചു. ശംബരവട്ടം കാലാന്തരത്തിൽ ലോപിച്ച് ചമ്രവട്ടമായി മാറി. ഭാരതപ്പുഴയാൽ ചുറ്റപ്പെട്ടുകിടക്കുന്ന ഈ ക്ഷേത്രത്തിന് 400 വർഷത്തിലേറെ പഴക്കമുണ്ട്.[1]
പ്രഭാ എന്ന ഭാര്യയോടും സത്യകൻ എന്ന മകനോടും കൂടിയുള്ള ഗൃഹസ്ഥശാസ്താവാണ് ഈ ക്ഷേത്രത്തിലെ മുഖ്യപ്രതിഷ്ഠ. ചമ്രവട്ടത്ത് അയ്യപ്പൻ ( പ്രഭാ സത്യക സമേത ശാസ്താവ് ) പ്രകൃതിയുടെ ദേവനാണ്. പ്രകൃതി തന്നെയാണ് അയ്യപ്പൻ എന്നാണ് സങ്കൽപ്പം. കൂടാതെ ഉപദേവതകളായി ഗണപതി, ശിവൻ, വിഷ്ണു, സുബ്രഹ്മണ്യൻ, അയ്യപ്പൻ, ദുർഗ്ഗ, ഭദ്രകാളി, നാഗദൈവങ്ങൾ എന്നിവർക്കും പ്രതിഷ്ഠകളുണ്ട്. വൃശ്ചികം 1 മുതൽ ധനു 11 വരെ നീണ്ടുനിൽക്കുന്ന മണ്ഡലകാലത്തിനാണ് ക്ഷേത്രത്തിൽ പ്രാധാന്യം. മണ്ഡലകാലത്തെ അവസാനത്തെ 11 ദിവസം ( ധനുമാസത്തിലെ ദിവസങ്ങൾ ) അതിവവിശേഷമായി കണക്കാക്കപ്പെടുന്നു. മഴക്കാലത്ത് ഭാരതപ്പുഴ ഒഴുകിവന്ന് ക്ഷേത്രത്തിലെ വിഗ്രഹം മുങ്ങുന്ന പതിവുണ്ട്. ആറാട്ട് എന്നാണ് അറിയപ്പെടുന്നത്.
മലബാർ ദേവസ്വം ബോർഡിന്റെ കീഴിലാണ് ഈ മഹാക്ഷേത്രം.
പേരിനു പിന്നിലെ ഐതിഹ്യം
തിരുത്തുകചമ്രവട്ടം അയ്യപ്പക്ഷേത്രം സ്ഥിതി ചെയ്യുന്ന സ്ഥലം നൂറ്റാണ്ടുകൾക്കു മുമ്പ് വനപ്രദേശമായിരുന്നുവെന്നും ഈ സ്ഥലത്ത് “ശംബരൻ” എന്ന മഹർഷി തപസ്സനുഷ്ഠിച്ചിരുന്നുവെന്നും അതിനാൽ അതിനു ചുറ്റുമുള്ള പ്രദേശം പിന്നീട് ശംബരവട്ടം എന്നറിയപ്പെടുകയും കാലക്രമേണ അത് ചമ്രവട്ടമായി മാറുകയും ചെയ്തുവെന്നാണ് ഒരു ഐതിഹ്യം.
ഈ സ്ഥലത്ത് ധർമ്മശാസ്താവ് പത്മാസനസ്ഥനായി ചമ്രം പടിഞ്ഞിരുന്നുവെന്നും, അങ്ങനെ ചമ്രവട്ടം എന്ന സ്ഥലനാമം ഉണ്ടായിയെന്നുമാണ് മറ്റൊരു ഐതിഹ്യം.[2]
പ്രത്യേകത
തിരുത്തുകപ്രകൃതിയുടെ നിയന്ത്രണത്തിൽ സ്വഭാവികമായി ആറാട്ട് നടക്കുന്ന ചുരുക്കം ക്ഷേത്രങ്ങളിൽ ഒന്നാണ് ചമ്രവട്ടം. മഴക്കാലത്ത് ഭാരതപ്പുഴ നിറഞ്ഞൊഴുകി വിഗ്രഹം വെള്ളത്തിൽ മുങ്ങുമ്പോഴാണ് ഇവിടെ ആറാട്ട് നടക്കുക എന്നത് ഈ ക്ഷേത്രത്തിന്റെ പ്രത്യേകതയാണ്.[3] തന്മൂലം ക്ഷേത്രത്തിൽ പ്രത്യേകമായി കൊടിയേറ്റുത്സവവും ആറാട്ടുമില്ല.
ആലുവ മണപ്പുറം ശിവക്ഷേത്രം, താന്നിക്കുടം ഭഗവതി ക്ഷേത്രം, ഊരമന ശാസ്താക്ഷേത്രം, തൃപ്പുലിക്കൽ ശിവക്ഷേത്രം എന്നിവയാണ് ഇതുപോലെ സ്വഭാവികമായി ആറാട്ട് നടക്കുന്ന കേരളത്തിലെ മറ്റ് ക്ഷേത്രങ്ങൾ.[4]
അപകടങ്ങൾ
തിരുത്തുക2013 മാർച്ച് 2ന് ഉണ്ടായ അഗ്നിബാധയിൽ ഈ ക്ഷേത്രത്തിന്റെ തിടപ്പള്ളി, ചുറ്റമ്പലം, പൂമുഖം, ശ്രീകോവിൽ എന്നിവ പൂർണമായി കത്തിനശിച്ചു.[1]
അവലംബം
തിരുത്തുക- ↑ 1.0 1.1 "ചമ്രവട്ടം അയ്യപ്പക്ഷേത്രം കത്തിനശിച്ചു; ഒരു കോടിയുടെ നഷ്ടം". മാധ്യമം. 3 Mar 2013. Retrieved 16 Aug 2013-.
{{cite news}}: Check date values in:|accessdate=(help)[പ്രവർത്തിക്കാത്ത കണ്ണി] - ↑ തൃപ്രങ്ങോട് ഗ്രാമപഞ്ചായത്ത് - സാംസ്കാരികചരിത്രം[പ്രവർത്തിക്കാത്ത കണ്ണി]
- ↑ "ചമ്രവട്ടം അയ്യപ്പക്ഷേത്രം ആറാട്ടിനൊരുങ്ങുന്നു". mathrubhumi. 28 Jun 2013. Retrieved 16 Aug 2013-.
{{cite news}}: Check date values in:|accessdate=(help)[പ്രവർത്തിക്കാത്ത കണ്ണി] - ↑ "സ്വയം ആറാടുന്ന അമ്പലങ്ങൾ". മലയാള മനോരമ. 10 August 2013. Retrieved 16 Aug 2013-.
{{cite news}}: Check date values in:|accessdate=(help)[പ്രവർത്തിക്കാത്ത കണ്ണി]
ചിത്രശാല
തിരുത്തുക-
ചമ്രവട്ടം ക്ഷേത്രവും സമീപത്തെ റെഗുലേറ്റർ പാലവും -
ചമ്രവട്ടം റഗുലേറ്റർ കം-ബ്രിഡ്ജ് -
ചമ്രവട്ടം ക്ഷേത്രവും മുൻവശത്തെ നടപ്പാലവും
