ഘേവർ

പരമ്പരാഗതമായി തീജ് ഉത്സവവുമായി ബന്ധപ്പെട്ട ഒരു രാജസ്ഥാനി പലഹാരമാണ് ഘേവർ (ദേവനാഗരി: घेवर). രാജസ്ഥാനെ കൂടാതെ, ഹരിയാന, ദില്ലി, ഗുജറാത്ത്, പടിഞ്ഞാറൻ ഉത്തർപ്രദേശ്, മധ്യപ്രദേശ് തുടങ്ങിയ സംസ്ഥാനങ്ങളിലും ഇത് പ്രസിദ്ധമാണ്.

Ghevar

ഘേവർ
ഉത്ഭവ വിവരണം
ഉത്ഭവ സ്ഥലം	India
പ്രദേശം/രാജ്യം	Rajasthan
വിഭവത്തിന്റെ വിവരണം
Course	Dessert
പ്രധാന ചേരുവ(കൾ)	Maida, Ghee, Sugar, Milk
വ്യതിയാനങ്ങൾ	Mava Ghevar, Malai Ghevar

തയ്യാറാക്കുന്നത്

വൃത്താകൃതിയിൽ ഏകദേശം അരയിഞ്ച് കനത്തിലുള്ള മധുരമുള്ള ഈ പലഹാരം, മൈദ, നെയ്യ് എന്നിവ ഉപയോഗിച്ചാണ് തയ്യാറാക്കുന്നത്. ശേഷം പഞ്ചസാര പാവ് കാച്ചിയത് ഉപയോഗിച്ച് ഇതിന് മധുരം നൽകുന്നു. സാധാരണ ഘേവറിനു പുറമേ മാവ ഘേവർ, മലായ് ഘേവർ എന്നിവയുൾപ്പെടെ നിരവധി തരം വകഭേദങ്ങളിൽ ഘേവറുകളുണ്ട്. ജൂലൈ-ഓഗസ്റ്റ് മാസങ്ങളിൽ തീജ് അല്ലെങ്കിൽ രക്ഷാബന്ധൻ ഉത്സവത്തിനായി ഇത് തയ്യാറാക്കാറുണ്ട്. ആയുർവേദമനുസരിച്ച്, ശ്രാവണ-ഭദ്രപദ മാസങ്ങൾ (ജൂലൈ, ഓഗസ്റ്റ്, സെപ്റ്റംബർ) വാത, പിത്ത രോഗങ്ങളുടെ കാലമാണ്. ഇത് ശരീരത്തിലുടനീളം വരൾച്ചയ്ക്കും അസിഡിറ്റിക്കും കാരണമാകുന്നു. മധുരവും നെയ്യും നിറഞ്ഞ ഘേവർ, അസിഡിറ്റിയിൽ നിന്ന് ആശ്വാസം നൽകുന്നതായി കരുതപ്പെടുന്നു. ഈ പലഹാരം കേസർ റബഡിയോടൊപ്പം വിളമ്പുകയും, പഴവർഗ്ഗങ്ങൾ ഉപയോഗിച്ച് അലങ്കരിക്കുകയും ചെയ്യാറുണ്ട്.