ചെന്നൈ മഹാനഗരസഭ
ഇന്ത്യൻ സംസ്ഥാനമായ തമിഴ്‌നാട്ടിലെ മെട്രോപൊളിറ്റൻ നഗരമായ ചെന്നൈ ഭരിക്കുന്ന ഒരു തദ്ദേശ ഭരണ സ്ഥാപനമാണ് ചെന്നൈ മഹാനഗരസഭ അഥവാ ഗ്രേറ്റർ ചെന്നൈ കോർപ്പറേഷൻ (ജിസിസി) . ഇംഗ്ലണ്ടിലെ ജെയിംസ് രണ്ടാമൻ രാജാവ് 1687 ഡിസംബർ 30-ന് മദ്രാസ് കോർപ്പറേഷനായി പുറപ്പെടുവിച്ച രാജകീയ ചാർട്ടറിന് കീഴിൽ 1688 സെപ്റ്റംബർ 29-ന് ഉദ്ഘാടനം ചെയ്യപ്പെട്ട ഇത് ഗ്രേറ്റ് ബ്രിട്ടന് പുറത്തുള്ള കോമൺവെൽത്ത് രാജ്യങ്ങളിലെ ഏറ്റവും പഴയ മുനിസിപ്പൽ ബോഡിയാണ്. [1] 426 ചതുരശ്ര കി.മീ. വിസ്തീർണ്ണമുള്ള ഇത് തമിഴ്‌നാട്ടിലെ ഏറ്റവും വലിയ മുനിസിപ്പൽ കോർപ്പറേഷനാണ്. നഗരത്തിലെ 200 വാർഡുകളിൽ നിന്നും തെരഞ്ഞെടുക്കപ്പെട്ട കൗൺസിലർമാർ അടങ്ങിയ കൗൺസിലിന്റെയും അധ്യക്ഷനായ ഒരു മേയറുടെയും മുനിസിപ്പൽ കോർപ്പറേഷൻ കമ്മീഷണറുടെയും നേതൃത്വത്തിലാണ് ഇത് പ്രവർത്തിക്കുന്നത്. [2] ലണ്ടൻ നഗരം കഴിഞ്ഞാൽ ലോകത്തിലെ ഏറ്റവും പഴയ കോർപ്പറേഷനാണിത്. വർഷങ്ങളായി നിരവധി തവണ വികസിപ്പിച്ച നഗരപരിധി നിലവിൽ ചെന്നൈ ജില്ലയുമായി ഉൾപ്പെട്ടിരിക്കുന്നു.
| ചെന്നെ മഹാനഗരസഭ Perunakara Ceṉṉai Mānakarāṭci | |
|---|---|
 | |
| വിഭാഗം | |
| തരം | മഹാനഗരസഭ of the ചെന്നെ ജില്ല |
| ചരിത്രം | |
| Founded | 29 സെപ്റ്റംബർ 1688 |
| നേതൃത്വം | |
മഹേഷ് കുമാർ, ഡി.എം.കെ. 4 മാർച്ച് 2022 മുതൽ | |
എം. അരുണ, ഐ.എ.എസ് | |
| വിന്യാസം | |
| സീറ്റുകൾ | 200 |
 | |
രാഷ്ടീയ മുന്നണികൾ | ഭരണകക്ഷി (178)
പ്രതിപക്ഷം (22)
|
| സഭ കൂടുന്ന ഇടം | |
 | |
| റിപ്പൺ ബിൽഡിംഗ്, ചെന്നെ, തമിഴ്നാട്, ഇന്ത്യ | |
| വെബ്സൈറ്റ് | |
| chennaicorporation | |
ചരിത്രം
തിരുത്തുകയുണൈറ്റഡ് കിംഗ്ഡത്തിന് പുറത്തുള്ള കോമൺവെൽത്ത് നേഷൻസിലെ ഏറ്റവും പഴയ മുനിസിപ്പൽ ബോഡിയാണ് മദ്രാസ് കോർപ്പറേഷൻ. മദ്രാസ് ഗവർണറായ എലിഹു യേലിന്റെ അധികാരങ്ങൾ നിയന്ത്രിക്കുന്നതിനായി 1688-ൽ ഇത് രൂപീകരിച്ചു. [3] ഈസ്റ്റ് ഇന്ത്യാ കമ്പനിയുടെ ചെയർമാൻ ജോസിയ ചൈൽഡിന്റെ ഉപദേശപ്രകാരം ജെയിംസ് രണ്ടാമൻ രാജാവ് 1687 ഡിസംബർ 30-ന് പുറപ്പെടുവിച്ച റോയൽ ചാർട്ടർ പ്രകാരമാണ് ഈസ്റ്റ് ഇൻഡീസിലെ ഡച്ച് ഗവൺമെന്റിന്റെ മാതൃകയിൽ കോർപ്പറേഷൻ സൃഷ്ടിച്ചത്. [4] ചാർട്ടർ പ്രകാരം, ഫോർട്ട് സെന്റ് ജോർജ്ജ് എന്ന നിലവിലുള്ള പട്ടണവും കോട്ടയിൽ നിന്ന് പത്ത് മൈലിൽ കവിയാത്ത പട്ടണവുമായി ബന്ധപ്പെട്ട എല്ലാ പ്രദേശങ്ങളും ചേർത്ത് ഒരു കോർപ്പറേഷനായി രൂപീകരിക്കുകയുണ്ടായത്. 1792-ലെ പാർലമെന്ററി നിയമ പ്രകാരം നഗരത്തിൽ മുനിസിപ്പൽ നികുതി ഈടാക്കാനുള്ള അധികാരം പുതിയ കോർപ്പറേഷന് നൽകി. നഗരത്തിന്റെ ഭരണത്തിന് വ്യവസ്ഥ ചെയ്യുന്ന മുനിസിപ്പൽ അധികാര സംവിധാനവും ഈ നിയമത്തിൽ നിന്നാണ് ആരംഭിച്ചത്. കോർപ്പറേഷന്റെ ഭരണഘടനയിലും അധികാരങ്ങളിലും കാലാകാലങ്ങളിൽ വലിയ മാറ്റങ്ങൾ വരുത്തിക്കൊണ്ട് മുനിസിപ്പൽ നിയമം ഭേദഗതി ചെയ്തുകൊണ്ടിരുന്നു. [4]
കോർപ്പറേഷൻ സ്ഥാപിതമാകുന്നതിന് മുമ്പ്, മദ്രാസ് ഗവർണർ അല്ലെങ്കിൽ കമ്പനിയുടെ ഏജന്റ് ഫോർട്ട് സെന്റ് ജോർജ്ജിന്റെയും അതിലെ താമസക്കാരുടെയും കാര്യങ്ങൾ ഒരു ഹെഡ്മാൻ, ഒരു അക്കൗണ്ടന്റ്, വാച്ച് ആൻഡ് വാർഡ് മേധാവി എന്നിവരുടെ സഹായത്തോടെ കൈകാര്യം ചെയ്തു പോന്നു. മദ്രാസിലെ നീതിന്യായ സംവിധാനത്തിന്റെ മേധാവിയായി ഗവർണർ വർത്തിച്ചു. ഗവർണർ സ്ട്രെയിൻഷാം മാസ്റ്റർ (1678–1681) ആണ് നികുതികൾ അവതരിപ്പിച്ചത്. ഈ അടിച്ചേൽപ്പിക്കലുകളിൽ നിന്ന് ഉണ്ടാകുന്ന സങ്കീർണതകളും വികസിച്ചുകൊണ്ടിരിക്കുന്ന നഗരത്തിന്റെ വർദ്ധിച്ചുവരുന്ന ചെലവുകളും ഈസ്റ്റ് ഇന്ത്യാ കമ്പനി മേധാവി സർ ജോസിയയെ കൂടുതൽ ഔപചാരികമായ ഒരു പൗര ഭരണസംവിധാനത്തിനായി പദ്ധതികൾ തയ്യാറാക്കുന്നതിലേക്ക് നയിച്ചു. അതാണ് 1688 സെപ്തംബർ 29 ന് പുതിയ കോർപ്പറേഷന്റെ സ്ഥാപനത്തിലേക്ക് നയിച്ചത്. മേയറും 12 ആൾഡർമെൻമാരും 60 ബർഗെസുമാരും അടങ്ങുന്ന കോർപ്പറേഷൻ സത്യപ്രതിജ്ഞ ചെയ്തപ്പോൾ, പെറ്റി കേസുകൾ തീർപ്പാക്കാനും, സ്‌കൂൾ, ടൗൺ ഹാൾ, ജയിൽ എന്നിവ പ്രവർത്തിപ്പിക്കുന്നതിനുള്ള നിരക്കുകൾ നിവാസികളിൽ നിന്ന് ഈടാക്കാനുമുള്ള അധികാരം അനുവദിച്ചിരുന്നു. [4] വിവിധ വംശങ്ങളിൽ നിന്നുള്ള പ്രതിനിധികളായിരുന്നു കോർപ്പറേഷന്റെ ആദ്യ അംഗങ്ങൾ. നഥാനിയൽ ഹിഗ്ഗിൻസൺ ആയിരുന്നു ആദ്യത്തെ മേയർ, അദ്ദേഹം ഇംഗ്ലീഷ്, സ്കോട്ടിഷ്, ഫ്രഞ്ച്, പോർച്ചുഗീസ്, ഇന്ത്യൻ മെർക്കന്റൈൽ കമ്മ്യൂണിറ്റികളിൽ നിന്നുള്ള പ്രതിനിധികളെ ആൽഡർമെൻ ആയി നിയമിച്ചു. മേയറെ തിരഞ്ഞെടുക്കുന്നത് ആജീവനാന്ത കാലാവധിയിൽ തെരഞ്ഞെടുക്കപ്പെട്ട ആൾഡർമെൻമാരാണ്. മേയറുടെ കാലാവധി ഒരു വർഷക്കാലയളവായിരുന്നു.
1856 ആയപ്പോഴേക്കും കോർപ്പറേഷന്റെ ചുമതലകൾ കൂടുതൽ വ്യക്തമായി നിർവചിക്കപ്പെട്ടു. 1919-ൽ, ആൽഡർമെൻമാരെ 'കൗൺസിലർമാർ' എന്ന് പുനഃക്രമീകരിച്ചു. 'മേയർ' എന്ന സ്ഥാനപ്പേര് 'പ്രസിഡന്റ്' എന്നാക്കി മാറ്റി, പി. തിയാഗരായ ചെട്ടി പ്രസിഡന്റായി നാമനിർദ്ദേശം ചെയ്യപ്പെട്ടു, അങ്ങനെ തിരഞ്ഞെടുക്കപ്പെട്ട ആദ്യ ഇന്ത്യക്കാരൻ ആയിരുന്നു അദ്ദേഹം. എന്നിരുന്നാലും, 1933-ൽ കുമാരരാജ എം.എ മുത്തയ്യ ചെട്ടിയാർ കഴിഞ്ഞ പ്രസിഡന്റായി തെരഞ്ഞെെടുക്കപ്പെട്ടപ്പോൾ വീണ്ടും മേയർ എന്ന പദവി നൽകി മേയർ ഓഫീസ് പുനഃസൃഷ്ടിക്കപ്പെട്ടു. അതിനുശേഷം മേയർ പദവി തുടർന്നു.
1901 ആയപ്പോഴേക്കും കോർപ്പറേഷൻ 540,000 ജനസംഖ്യയും 30 ടെറിട്ടോറിയൽ ഡിവിഷനുകൾ ഉൾക്കൊള്ളുന്ന 68 ചതുരശ്ര കി.മീ. വിസ്തൃതിയുള്ളു പ്രദേശമായി വളർന്നു [5] 1913-ൽ കോർപ്പറേഷൻ, പീപ്പിൾസ് പാർക്കിന്റെ ഭാഗങ്ങളിൽ പുതുതായി നിർമ്മിച്ച റിപ്പൺ ബിൽഡിംഗിലേക്ക് മാറ്റി. 1880 മുതൽ 1884 വരെ ഇന്ത്യയുടെ വൈസ്രോയി എന്ന നിലയിൽ പ്രാദേശിക ഭരണ പരിഷ്കാരങ്ങൾ കൊണ്ടുവന്ന റിപ്പൺ പ്രഭുവിന്റെ പേരിലാണ് ഈ കെട്ടിടം അറിയപ്പെടുന്നത്. കോർപ്പറേഷൻ വളപ്പിൽ അദ്ദേഹത്തിന്റെ സ്മരണാർത്ഥമുള്ള പ്രതിമ സ്ഥാപിച്ചിട്ടുണ്ട്. 1930-കളിലും 1940-കളിലും സേവനമനുഷ്ഠിച്ച ബഹുമാനപ്പെട്ട കെ. ശ്രീരാമുലു നായിഡുവാണ് മദ്രാസ് പ്രസിഡൻസി ഭരിക്കുകയും പിന്നീട് മദ്രാസ് മേയറായി സേവനമനുഷ്ഠിക്കുകയും ചെയ്ത ആദ്യ സ്വദേശി. 1978-ൽ കോർപ്പറേഷൻ ഭരിക്കുന്ന പ്രദേശത്തിന്റെ അതിർത്തി 174 ചതുരശ്ര കി.മീ. ആയി വർദ്ധിച്ചു. [5]
ഇപ്പോൾ കോർപ്പറേഷൻ ഭരണത്തിന് അടിസ്ഥാനം 1919 ലെ മദ്രാസ് മുനിസിപ്പൽ കോർപ്പറേഷൻ നിയമം ആണ്. [4]
അവലംബം
തിരുത്തുക- ↑ "Daman Municipal Council". Archived from the original on 2021-10-17. Retrieved 2023-08-29.
- ↑ http://www.chennaicorporation.gov.in/images/wards_commitee[പ്രവർത്തിക്കാത്ത കണ്ണി].pdf
- ↑ The First Corporation - The Hindu, 2 April 2003
- ↑ 4.0 4.1 4.2 4.3 "About Corporation of Chennai". Corporation of Chennai. Archived from the original on 2015-06-02. Retrieved 9 December 2012.
- ↑ 5.0 5.1 "Bus Route Roads". Corporation of Chennai. Retrieved 16 December 2012.