ഗാരി ഓൾഡ്മാൻ
ഒരു ഇംഗ്ലീഷ് നടനാണ് ഗാരി ലിയോനാർഡ് ഓൾഡ്മാൻ (ജനനം: 21 മാർച്ച് 1958) [1]. പ്രകടനാത്മകവും വൈവിധ്യമാർന്നതുമായ അഭിനയശൈലിക്ക് പേരുകേട്ടയാളാണ് ഓൾഡ്മാൻ. ഹാരി പോട്ടർ ചലച്ചിത്രപരമ്പരയിൽ സിരിയസ് ബ്ലാക്ക് എന്ന കഥാപാത്രമായും ബാറ്റ്മാൻ എന്ന കഥാപാത്രത്തെ ആധാരമാക്കി ഇറങ്ങിയ 'ഡാർക്ക് നൈറ്റ്' ചലച്ചിത്രപരമ്പരയിൽ ജെയിംസ് ഗോർഡൻ എന്ന കഥാപാത്രമായും അഭിനയിച്ചു. 1994-ൽ 'ലിയോൺ: ദി പ്രൊഫഷണൽ' എന്ന ചിത്രത്തിൽ ഓൾഡ്മാൻ ചെയ്ത കഥാപാത്രം സിനിമയുടെ ചരിത്രത്തിലെ തന്നെ ഏറ്റവും മികച്ച വില്ലൻ കഥാപാത്രങ്ങളിലൊന്നായി കരുതപ്പെടുന്നു. 1997-ൽ 'നിൽ ബൈ മൗത്ത്' എന്ന ചിത്രം സംവിധാനം ചെയ്തു. ഈ ചിത്രം രണ്ട് ബാഫ്റ്റ അവാർഡുകൾ നേടുകയുണ്ടായി. 2017-ൽ പുറത്തിറങ്ങിയ 'ഡാർക്കസ്റ്റ് അവർ' എന്ന ചിത്രത്തിൽ ബ്രിട്ടീഷ് പ്രധാനമന്ത്രിയായിരുന്ന വിൻസ്റ്റൺ ചർച്ചിലിനെ അവതരിപ്പിച്ചു. ഈ ചിത്രത്തിലൂടെ മികച്ച നടനുള്ള ഗോൾഡൻ ഗ്ലോബ്[2], ഓസ്ക്കാർ[3] എന്നിവ അടക്കം നിരവധി പുരസ്ക്കാരങ്ങൾ ലഭിക്കുകയുണ്ടായി.
ഗാരി ഓൾഡ്മാൻ | |
|---|---|
 ഗാരി ഓൾഡ്മാൻ, 2014 | |
| ജനനം | ഗാരി ലിയോനാർഡ് ഓൾഡ്മാൻ 21 മാർച്ച് 1958 ന്യൂ ക്രോസ്സ്, ലണ്ടൻ, ഇംഗ്ലണ്ട് |
| തൊഴിൽ | അഭിനേതാവ്, സംവിധായകൻ, സംഗീതജ്ഞൻ |
| സജീവ കാലം | 1979– തുടരുന്നു |
| ജീവിതപങ്കാളി(കൾ) | ലെസ്ലി മാൻവിൽ
(m. 1987; വേർപിരിഞ്ഞു 1990)ഉമാ തുർമൻ
(m. 1990; വേർപിരിഞ്ഞു 1992)ഡൊണ്യ ഫിയോർന്റീനോ
(m. 1997; വേർപിരിഞ്ഞു 2001)അലക്സാണ്ട്ര ഏദൻബറോ
(m. 2008; വേർപിരിഞ്ഞു 2015)ഗിസൽ ഷ്മിറ്റ്
(m. 2017) |
| കുട്ടികൾ | 3 |
| കുടുംബം | ലൈല മോർസേ ( സഹോദരി) |
അവലംബം
തിരുത്തുക- ↑ OLDMAN, Gary. Who's Who. Vol. 2015 (online Oxford University Press ed.). A & C Black, an imprint of Bloomsbury Publishing plc. (subscription required)
- ↑ മനോരമ ഓൺലൈൻ
- ↑ മാധ്യമം, മാർച്ച് 6, 2018