കൊല്ലം അസ്സീസി(നാടക സമിതി)
കൊല്ലം കേന്ദ്രീകരിച്ച് പ്രവർത്തിച്ചിരുന്ന ബൈബിൾ ഡ്രാമാസ്‌കോപ്പ് നാടകങ്ങളിലൂടെ ശ്രദ്ധനേടിയ സമിതിയാണ് കൊല്ലം അസ്സീസി. ഫാ. ഫെർഡിനാൻഡ് മനയിലായിരുന്നു ഈ സമിതിയുടെയും ആർട്സ് ക്ലബ്ബിന്റെയും സ്ഥാപകൻ. ഫൗസ്റ്റിൻ കപ്പൂച്ചിൻ അച്ചന്റെ നേതൃത്വത്തിൽ പ്രവർത്തിച്ചിരുന്ന സമിതി കേരളത്തിനകത്തും പുറത്തും അമ്പതോളം നാടകങ്ങൾ അവതരിപ്പിച്ചു. ആത്മീയതയും ധാർമ്മിക തത്വങ്ങളും പ്രചരിപ്പിക്കുക എന്ന ലക്ഷ്യത്തോടെയാണ് അസീസി സ്ഥാപിതമായത്. അസ്സീസി നിർമ്മിച്ച ഗാനങ്ങൾ ഗ്രാമഫോൺ ഡിസ്കുകളിൽ കേരളത്തിലുടനീളവും സംസ്ഥാനത്തിന് പുറത്തും വ്യാപകമായി പ്രചരിച്ചിരുന്നു. കുമരകം രാജപ്പൻ, എം.കെ. അർജുനൻ, ഫ്രാൻസിസ് ടി മാവേലിക്കര, ആർട്ടിസ്റ്റ് സുജാതൻ, രാജീവ് ആലുങ്കൽ തുടങ്ങി നിരവധി പ്രഗത്ഭർ സമിതിയുമായി ബന്ധപ്പെട്ട് പ്രവർത്തിച്ചു. നിലവിൽ അസ്സീസി ആർട്സ് & കമ്മ്യൂണിക്കേഷൻ എന്ന പേരിലാണ് സ്ഥാപനം പ്രവർത്തിക്കുന്നത്.[1]
നാടകങ്ങൾ
തിരുത്തുക- ആത്മവിന്റെ അയൽക്കാർ (2008)
- അമ്മയുടെ ഓർമയ്ക്ക് (2009)
- പഞ്ച നക്ഷത്ര സ്വപ്നം (2010-2011),
- കണ്ണാടി
- ഓർക്കുക വല്ലപ്പോഴും (രചന - ഫ്രാൻസിസ് ടി മാവേലിക്കര)
- നക്ഷത്രങ്ങൾ പറയാതിരുന്നത് (രചന - ഫ്രാൻസിസ് ടി മാവേലിക്കര)