കേരള യൂണിവേഴ്സിറ്റി ഓഫ് ഡിജിറ്റൽ സയൻസസ്, ഇന്നൊവേഷൻ ആൻഡ് ടെക്നോളജി

കേരള യൂണിവേഴ്സിറ്റി ഓഫ് ഡിജിറ്റൽ സയൻസസ് ഇന്നൊവേഷൻ ആൻഡ് ടെക്നോളജി
	പ്രമാണം:Kerala University of Digital Sciences, Innovation and Technology logo.png
ആദർശസൂക്തം	Curating a Responsible Digital World
തരം	State
സ്ഥാപിതം	2020
ചാൻസലർ	Governor of Kerala
വൈസ്-ചാൻസലർ	സജി ഗോപിനാഥ്
സ്ഥലം	തിരുവനന്തപുരം, കേരളം, ഇന്ത്യ
വെബ്‌സൈറ്റ്	duk.ac.in

കേരള യൂണിവേഴ്സിറ്റി ഓഫ് ഡിജിറ്റൽ സയൻസസ് ഇന്നൊവേഷൻ ആൻഡ് ടെക്നോളജി , ഡിജിറ്റൽ യൂണിവേഴ്സിറ്റി കേരള എന്നും അറിയപ്പെടുന്നു. ഇത് കേരളത്തിൽ സ്ഥിതിചെയ്യുന്ന ഒരു സംസ്ഥാന സർവ്വകലാശാലയാണ്. തിരുവനന്തപുരത്ത് ടെക്‌നോസിറ്റിയിലെ കാമ്പസിലാൺ ഈ സർവകലാശാല പ്രവർത്തിക്കുന്നത്. 2000 ൽ സ്ഥാപിതമായ ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി ആൻഡ് മാനേജ്മെന്റ് കേരള (ഐഐഐടിഎം - കെ) നവീകരിച്ചാണ് ഇത് സ്ഥാപിതമായത്. കേരളത്തിലെ പതിനാലാമത്തെ സംസ്ഥാന സർവകലാശാലയും സംസ്ഥാനത്തെ ആദ്യത്തെ ഡിജിറ്റൽ സർവകലാശാലയും ആണിത്.^[1]

ചരിത്രം

ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്‌നോളജി ആൻഡ് മാനേജ്‌മെന്റ്, കേരള (IIITM-K) 2000-ലാണ് സ്ഥാപിതമായത്. ടെക്‌നോസിറ്റിയിലെ കാമ്പസ് നിർമ്മിക്കുന്നതു വരെ ഇത് തിരുവനന്തപുരത്തെ ടെക്‌നോപാർക്കിലെ ഒരു കാമ്പസിൽ നിന്നാണു പ്രവർത്തിച്ചിരുന്നത് . ഇത് കൊച്ചിൻ ശാസ്ത്ര സാങ്കേതിക സർവകലാശാലയുമായി അഫിലിയേറ്റ് ചെയ്ത് പ്രവർത്തിച്ചു വന്നിരുന്നു. ^[2] 2020-ൽ കേരള സർക്കാരിന്റെ ഒരു ഓർഡിനൻസ് വഴി IIITM-K ഒരു സർവ്വകലാശാലയായി ഉയർത്തപ്പെട്ടു. ^[3]

കാമ്പസ്

തിരുവനന്തപുരത്തെ ടെക്‌നോസിറ്റിയുടെ കാമ്പസിലാണ് സർവകലാശാലയുടെ റസിഡൻഷ്യൽ കാമ്പസ് സ്ഥിതി ചെയ്യുന്നത്.

നേതൃത്വം

കേരള ഗവർണർ പദവി അനുസരിച്ച് സർവകലാശാലയുടെ ചാൻസലറും ഇൻഫർമേഷൻ ടെക്നോളജി വകുപ്പിന്റെ ചുമതലയുള്ള മന്ത്രി സർവകലാശാലയുടെ പ്രോ - ചാൻസലറുമാണ്. കേരള സർക്കാർ സജി ഗോപിനാഥിനെ സർവകലാശാലയുടെ ആദ്യ വൈസ് ചാൻസലറായി നിയമിച്ചിരുന്നു.

പ്രധാന സ്കൂളുകൾ

സ്കൂൾ ഓഫ് കമ്പ്യൂട്ടർ സയൻസ് ആൻഡ് എഞ്ചിനീയറിംഗ്
സ്കൂൾ ഓഫ് ഇലക്ട്രോണിക് സിസ്റ്റംസ് ആൻഡ് ഓട്ടോമേഷൻ
സ്കൂൾ ഓഫ് ഡിജിറ്റൽ സയൻസസ്
സ്കൂൾ ഓഫ് ഇൻഫോർമാറ്റിക്സ്
സ്കൂൾ ഓഫ് ഡിജിറ്റൽ ഹ്യുമാനിറ്റീസ് ആൻഡ് ലിബറൽ ആർട്സ്

കേരള ബ്ലോക്ക്ചെയിൻ അക്കാദമി

രാജ്യത്ത് രണ്ടാം സ്ഥാനത്തുള്ള കേരള ബ്ലോക്ക്ചെയിൻ അക്കാദമിയും ഈ സ്ഥാപനത്തിലുണ്ട്.^[4] കേരള ബ്ലോക്ക്ചെയിൻ അക്കാദമി ഹൈപ്പർലെഡ്ജർ കമ്മ്യൂണിറ്റിയിലെ ഒരു അസോസിയേറ്റ് അംഗവുമാണ്.^[5]