കുളത്തൂപ്പുഴ

കൊല്ലം ജില്ലയിലെ ഒരു ഗ്രാമം
കുളത്തൂപ്പുഴ എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ കുളത്തൂപ്പുഴ (വിവക്ഷകൾ) എന്ന താൾ കാണുക. കുളത്തൂപ്പുഴ (വിവക്ഷകൾ)

Coordinates: 8°54′25.78″N 77°3′23.87″E / 8.9071611°N 77.0566306°E / 8.9071611; 77.0566306 കേരളത്തിലെ കൊല്ലം ജില്ലയുടെ കിഴക്കുഭാഗത്ത് തിരുവനന്തപുരം - ചെങ്കോട്ട റോഡിൽ തെൻമല റയിൽവേ സ്റ്റേഷനിൽ നിന്നും 10 കി.മീ മാറി സ്ഥിതിചെയ്യുന്ന ചെറു പട്ടണമാണ് കുളത്തൂപ്പുഴ.

പ്രത്യേകതകൾതിരുത്തുക

പ്രശസ്തനായ സംഗീത സംവിധായകൻ രവീന്ദ്രൻമാഷിന്റെ(കുളത്തൂപ്പുഴ രവി) ജന്മസ്ഥലമാണ് കുളത്തൂപ്പുഴ. ഇലകൊഴിയും കാടുകൾ മുതൽ വന്യജീവിസങ്കേതങ്ങൾ വരെയുള്ള ഇവിടെ സർക്കാർ നേതൃത്വത്തിലുള്ള പശുവളർത്തൽ ഫാംപ്രവർത്തിക്കുന്നു.

ഭൂമിശാസ്ത്രംതിരുത്തുക

  • കല്ലടയാറിന്റെ/കുളത്തൂപ്പുഴയാറിന്റെ ഉൽഭവം കുളത്തൂപ്പുഴ നിന്നാണ്.
  • തെന്മല ഡാം കല്ലടയാർ/കുളത്തൂപ്പുഴയാറിലാണ് സ്ഥിതിചെയ്യുന്നത്
  • റിഹാബിലിറ്റേഷൻ പ്ലാന്റേഷൻ ലിമിട്ടട്ന്റെ റബർ തോട്ടം കുളത്തുപ്പുഴയിലാണ്
  • ഓയിൽ പാാം ഇന്ത്യയുടെ പാം മര തോട്ടം
  • സഞ്ജീവനി സംരക്ഷിത സസ്യ തോട്ടം
  • റബർ,കുരുമുളക് പ്രധാന കൃഷി
  • ഹൈട്ടെക്ക് ഡയറി ഫാം കുളത്തുപ്പുഴയിലാണ്
  • ഫോറസ്റ്റ് മ്യൂസിയം
  • ശുദ്ധജല മൽസ്യം കുഞ്ഞ് ഉൽപ്പാദനകേന്ദ്രം

ആരാധനാലയങ്ങൾതിരുത്തുക

ബാലശാസ്താക്ഷേത്രംതിരുത്തുക

കേരളത്തിലെ പഞ്ചശാസ്താക്ഷേത്രങ്ങളിൽ ആദ്യത്തേതായ കുളത്തൂപ്പുഴയിലെ ശാസ്താ ക്ഷേത്രം കൊല്ലം ജില്ലയിലെ‍‍ പ്രസിദ്ധമായ ആരാധനാലയമാണ്. ഇവിടുത്തെ വിഷു ഉൽസവവും മീനൂട്ടും ധാരാളം വിശ്വാസികളെ ആകർഷിക്കുന്നു. മേടവിഷുവിനോടനുബന്ധിച്ച് വർഷത്തിൽ ഒരിക്കൽ മാത്രമാണ് ക്ഷേത്രമതിൽക്കെട്ടിനുപുറത്തേക്ക് ഭഗവാനെ എഴുന്നള്ളിക്കുന്നത്. വിനോദസഞ്ചാരികളെ കൂടുതൽ ആകർശിക്കുന്നതിനുള്ള സർക്കാരിന്റെ സമഗ്രമായ കർമ്മപരിപാടികളുടെ പ്രവർത്തനാഭിമുഖ്യത്തിൽ ശാസ്താക്ഷേത്രം നവീകരിക്കുന്നു.

വളരെയധികം വിനോദ സഞ്ചാരികളെ ആകർഷിക്കുന്ന ഒരു സ്ഥലമാണിത്. ഇവിടുത്തെ കാലാവസ്ഥ കൃഷിക്ക് വളരെ നല്ലതാണു. നാനാ ജാതി മത വിഭാവങ്ങൾ വളരെ തന്മയതോടും സഹകരണത്തോടും വസിക്കുന്ന ഇടമാണിത്. [

"https://ml.wikipedia.org/w/index.php?title=കുളത്തൂപ്പുഴ&oldid=3585051" എന്ന താളിൽനിന്ന് ശേഖരിച്ചത്