കാസിമർ ഫങ്ക്

പോളിഷ് ജൈവരസതന്ത്രജ്ഞനായിരിന്നു കാസിമർ ഫങ്ക് (1884-1967). ജീവകങ്ങളുടെ (വിറ്റാമിൻ) കണ്ടുപിടിത്തവുമായി ബന്ധെപ്പെട്ടാണ് അറിയപ്പെടുന്നത്. ജീവകം ബി കോംപ്ലക്സിലെ തയാമിൻ (ജീവകം ബി-1) ആദ്യമായി വേർതിരിച്ചെടുത്തതും, അത്തരത്തിലുള്ള പോഷക ഘടകങ്ങളെ വിറ്റാമിൻ (ജീവകം) എന്ന പേര് നിർദ്ദേശിച്ചതും ഇദ്ദേഹമാണ്.

കാസിമർ ഫങ്ക് Casimir Funk
ജനനം	(1884-02-23)ഫെബ്രുവരി 23, 1884 പോളണ്ട്
മരണം	നവംബർ 19, 1967(1967-11-19) (പ്രായം 83) ന്യൂയോർക്ക്
പൗരത്വം	പോളണ്ട് അമേരിക്കൻ ഐക്യനാടുകൾ
ദേശീയത	പോളിഷ്
മേഖലകൾ	ജൈവരസതന്ത്രം
സ്ഥാപനങ്ങൾ	Pasteur Institute Lister Institute Funk Foundation for Medical Research
ബിരുദം	വൈദ്യശാസ്ത്രം, ബേൺ സർവകലാശാല, സ്വിറ്റ്സർലാൻഡ്
അറിയപ്പെടുന്നത്	ജീവകങ്ങൾ (വിറ്റാമിൻ)

ജീവചരിത്രം

ഒരു ഭിഷഗ്വരന്റെ മകനായി 1884 ഫെബ്രുവരി 23 ന് പോളണ്ടിലെ വാർസായിൽ ജനിച്ചു. ബേൺ സർവകലാശാലയിൽ നിന്നും വൈദ്യശാസ്ത്രത്തിൽ ബിരുദം നേടിയശേഷം പാരീസ്, ലണ്ടൻ, ബർലിൻ എന്നിവിടങ്ങളിൽ ജോലിചെയ്തു. 1920 ൽ അമേരിക്കയിലേക്ക് പോയ കാസിമർ അമേരിക്കൻ പൌരത്വം സ്വീകരിച്ചു. പിന്നീട് വാർസായിൽ തിരിച്ചെത്തി അവിടുത്തെ സ്റ്റേറ്റ് ഇൻസ്റ്റിറ്റ്യൂട്ടിൽ ഡയരക്ടർ ആയി സേവനമനുഷ്ടിച്ചു. അവിടെവച്ച് ബെറിബെറി എന്ന രോഗത്തിന്റെ പ്രതിഘടകമായ തയാമിൻ വേർതിരിച്ചെടുത്തു. നിക്കൊട്ടനിക് അമ്ലവും (നയാസിൻ കാസിമർ വേർതിരിചെടുത്തെങ്കിലും അതൊരു ജീവകമാണെന്ന് അദ്ദേഹത്തിന് മനസ്സിലായിരിന്നില്ല.