കാവാലം ചുണ്ടൻ

നെഹ്റു ട്രോഫി വള്ളംകളിയിൽ മത്സരിക്കുന്ന ഒരു ചുണ്ടൻ വള്ളമാണ് കാവാലം ചുണ്ടൻ. കാവാലം ഗ്രാമത്തിൽപ്പെട്ട ഒരു ചുണ്ടൻവള്ളമാണിത്. ഈ ചുണ്ടൻവള്ളം മുമ്പ് കൈനകരി പുത്തൻ ചുണ്ടൻ എന്നപേരിലാണ് അറിയപ്പെട്ടിരുന്നത്.

പിന്നീട് 1942ൽ കൊച്ചുപുരക്കൽ ഔസെഫ് തൊമ്മൻ ഇത് വാങ്ങി. 1943ൽ ഇത് പുനർനിർമ്മിക്കുകയും കാവാലം ചുണ്ടൻ എന്ന് നാമകരണം ചെയ്യുകയും ചെയ്തു. ഔസെഫ് തൊമ്മന്റെ മരണശേഷം അദ്ദേഹത്തിന്റെ മകൻ തൊമ്മൻ ജോസഫ് ഉടമസ്ഥാവകാശം ഏറ്റെടുത്തു. 1949, 1950, 1958, 1960, 1962 വർഷങ്ങളിൽ ഈ ചുണ്ടൻവള്ളം നെഹ്റു ട്രോഫി വള്ളംകളിയിൽ വിജയിച്ചിട്ടുണ്ട്. അതിൻ്റെ കഥയെ അടിസ്ഥാനമാക്കിയുള്ള മലയാളം സിനിമയാണ് കാവാലം ചുണ്ടൻ.

ഇതും കാണുക

• കാരിച്ചാൽ ചുണ്ടൻ
• ചമ്പക്കുളം ചുണ്ടൻ
• ചെറുതന ചുണ്ടൻ
• നടുഭാഗം ചുണ്ടൻ
• നെഹ്‌റു ട്രോഫി വള്ളംകളി