കാനം രാജേന്ദ്രൻ
2015 മുതൽ 2023 വരെ സി.പി.ഐയുടെ കേരള സംസ്ഥാന സെക്രട്ടറിയായിരുന്നു കാനം രാജേന്ദ്രൻ (ജനനം : 10 നവംബർ 1950 - മരണം : ഡിസംബർ 8 2023) സി.പി.ഐ നേതാവും എ ഐ ടി യു സിയുടെ മുൻ സംസ്ഥാന സെക്രട്ടറിയുമായിരുന്നു. ഏഴും എട്ടും കേരള നിയമ സഭകളിലെ അംഗമായിരുന്നു. 2023 ഡിസംബർ 8 ന് പ്രമേഹരോഗ സങ്കീർണ്ണതകൾ മൂലം 73-ാം വയസ്സിൽ അന്തരിച്ചു.[1]എറണാകുളത്തെ അമൃത ആശുപത്രിയിൽ വച്ചാണ് അന്ത്യം സംഭവിച്ചത്. ഹൃദയസ്തംഭനമാണ് മരണകാരണം.
കാനം രാജേന്ദ്രൻ | |
|---|---|
 | |
| സെക്രട്ടറി, സി.പി.ഐ സംസ്ഥാന കൗൺസിൽ | |
| ഓഫീസിൽ 2015-2023 | |
| മുൻഗാമി | പന്ന്യൻ രവീന്ദ്രൻ |
| പിൻഗാമി | ബിനോയ് വിശ്വം |
| കേരള നിയമസഭാംഗം | |
| ഓഫീസിൽ 1987, 1982 | |
| മുൻഗാമി | എം.കെ.ജോസഫ് |
| പിൻഗാമി | കെ.നാരായണക്കുറുപ്പ് |
| മണ്ഡലം | വാഴൂർ |
| വ്യക്തിഗത വിവരങ്ങൾ | |
| ജനനം | 10 നവംബർ 1950 വാഴൂർ താലൂക്ക്, കാനം, കോട്ടയം ജില്ല |
| മരണം | 8 ഡിസംബർ 2023 (പ്രായം 73) എറണാകുളം ജില്ല |
| രാഷ്ട്രീയ കക്ഷി | സി.പി.ഐ |
| പങ്കാളി | വനജ |
| കുട്ടികൾ | 2 |
As of 8 ഡിസംബർ, 2023 | |
ജീവിതരേഖ തിരുത്തുക
കോട്ടയം ജില്ലയിലെ വാഴൂർ താലൂക്കിലെ കാനം എന്ന ഗ്രാമത്തിൽ വി.കെ. പരമേശ്വരൻ നായരുടെയും ചെല്ലമ്മയുടേയും മകനായി 1950 നവംബർ 10-ന് ജനിച്ചു. പ്രാഥമിക വിദ്യാഭ്യാസത്തിന് ശേഷം കോട്ടയം സി.എം.എസ് കോളേജ്,ബസേലിയൂസ് കോളേജ് എന്നിവിടങ്ങളിൽ നിന്ന് ബിരുദം നേടി. എഴുപതുകളിൽ വിദ്യാർത്ഥി രാഷ്ട്രീയത്തിലൂടെ കാനം രാഷ്ട്രീയരംഗത്ത് പ്രവേശിക്കുന്നത്. 1982,1987 എന്നീ വർഷങ്ങളിൽ വാഴൂർ നിന്ന് നിയമസഭാംഗമായി തെരഞ്ഞെടുക്കപ്പെട്ടു.[2]
സ്ഥാനമാനങ്ങൾ തിരുത്തുക
- 2015 മാർച്ച് 2ന് സി.പി.ഐ. സംസ്ഥാന സെക്രട്ടറിയായി.
- 2012 ൽ സിപിഐ ദേശീയ എക്‌സിക്യുട്ടീവ് അംഗവുമായി.
- 2006-ൽ എ.ഐ.ടി.യു.സി.യുടെ സംസ്ഥാന ജനറൽ സെക്രട്ടറി.
- 2006, 1996, 1991 എന്നീ വർഷങ്ങളിൽ വാഴൂരിൽ നിന്ന് മത്സരിച്ചെങ്കിലും പരാജയപ്പെട്ടു
- 1982-1987 : സി.പി.ഐ കോട്ടയം ജില്ലാ സെക്രട്ടറി
- 1978 : എ.ഐ.വൈ.എഫ് ദേശീയ പ്രസിഡന്റ്
- 1978-ൽ സി.പി.ഐ.യുടെ സംസ്ഥാന സെക്രട്ടേറിയറ്റിലേക്ക് തിരഞ്ഞെടുക്കപ്പെട്ടു.
- 1973 : എ.ഐ.വൈ.എഫ്. സംസ്ഥാന സെക്രട്ടറി
- 1970 : സി.പി.ഐ സംസ്ഥാന കൗൺസിൽ അംഗം
- 1969 : എ.ഐ.എസ്.എഫ് സംസ്ഥാന സെക്രട്ടറി[3]
- ചലച്ചിത്ര പ്രവർത്തകരുടെ സംഘടനയായ മാക്റ്റയുടെ സംസ്ഥാന പ്രസിഡന്റായിരുന്നു[4]
തിരഞ്ഞെടുപ്പുകൾ തിരുത്തുക
| വർഷം | മണ്ഡലം | വിജയിച്ച സ്ഥാനാർത്ഥി | പാർട്ടിയും മുന്നണിയും | പരാജയപ്പെട്ട മുഖ്യസ്ഥാനാർത്ഥി | പാർട്ടിയും മുന്നണിയും |
| 1987 | വാഴൂർ നിയമസഭാമണ്ഡലം | കാനം രാജേന്ദ്രൻ | സി.പി.ഐ., എൽ.ഡി.എഫ്. | ||
| 1982 | വാഴൂർ നിയമസഭാമണ്ഡലം | കാനം രാജേന്ദ്രൻ | സി.പി.ഐ., എൽ.ഡി.എഫ്. |
അവലംബം തിരുത്തുക
- ↑ "കാനം രാജേന്ദ്രൻ അന്തരിച്ചു" (in ഇംഗ്ലീഷ്). 2023-12-08. Retrieved 2023-12-08.
- ↑ http://www.niyamasabha.org/codes/members/m552.htm
- ↑ "ആർക്കൈവ് പകർപ്പ്". Archived from the original on 2015-03-04. Retrieved 2015-03-02.
- ↑ http://www.malayalammovies.org/news/kanam-rajendran-president-macta-federation[പ്രവർത്തിക്കാത്ത കണ്ണി]
- ↑ http://www.ceo.kerala.gov.in/electionhistory.html Archived 2021-11-11 at the Wayback Machine. http://www.ceo.kerala.gov.in/electionhistory.html Archived 2021-11-11 at the Wayback Machine.
