കണ്ണിൻ ചിറകിലൊരു മഴത്തുള്ളി

നിർമ്മിത ബുദ്ധിയിൽ പുറത്തിറങ്ങിയ മലയാളത്തിലെ ആദ്യത്തെ ഓഡിയോ കളക്ഷനാണ് കണ്ണിൻ ചിറകിലൊരു മഴത്തുള്ളി. ഓണവുമായി ബന്ധപ്പെട്ട എട്ട് ഗാനങ്ങളാണ് ഇതിലുള്ളത്. സതീഷ് കളത്തിൽ എഴുതിയ ഓണപ്പാട്ടുകൾ ആർട്ടിഫിഷ്യൽ ഇൻ്റലിജൻസ് സൈറ്റിൽ സംഗീതവും ആലാപനവും ചെയ്തെടുത്ത ആൽബമാണ് ഇത്. ഇതിലെ, തൃശ്ശൂരിലെ പുലിക്കളിയെ പ്രതിപാദിക്കുന്ന പുലിക്കൊട്ടും പനംതേങ്ങേം എന്ന പാട്ടിന്റെ വീഡിയോ ആവിഷ്കാരം മാധ്യമ ശ്രദ്ധ നേടുകയുണ്ടായി.

സംഗ്രഹം

വയനാട്ടിലെ ഉരുൾപൊട്ടൽ ദുരന്തം അടിസ്ഥാനമാക്കി മൺപുഴയുടെ സ്മൃതിമണ്ഡപം, അത്തം മുതൽ തിരുവോണം വരെയുള്ള പൂക്കളങ്ങളുടെ പ്രത്യേകതകൾ പറയുന്ന, പോരുന്നോ കൂടെ, പൂക്കളം കണ്ടു നടക്കാൻ തുടങ്ങി, എട്ട് ലിറിക്കുകളിലായി പത്ത് പാട്ടുകളാണ് ആൽബത്തിൽ ഉള്ളത്. ആൽബത്തിന്റെ ടൈറ്റിൽ സോങ്ങായ കണ്ണിൻ ചിറകിലൊരു മഴത്തുള്ളിക്ക് മെയിൽ, ഫീമെയിൽ, ഡ്യൂയറ്റ് വേർഷനുകളുണ്ട്. 'മൺപുഴയുടെ സ്മൃതിമണ്ഡപം' കവിതയായും പത്രങ്ങളിൽ പ്രസിദ്ധീകരിച്ചിട്ടുണ്ട്.

പാട്ടുകൾ

• പുലിക്കൊട്ടും പനംതേങ്ങേം - തൃശ്ശൂരിൽ കാലങ്ങളായി നടന്നുവരുന്ന നാടൻ കലാരൂപമായ പുലിക്കളിയെ കുറിച്ച് നിർമ്മിച്ച പാട്ട്
• പോരുന്നോ കൂടെ, പൂക്കളം കണ്ടു നടക്കാൻ - പൂക്കളങ്ങളുടെ പ്രത്യേകതകളെ പ്രതിപാദിക്കുന്ന ഒരു ഓണപ്പാട്ട്
• പാടാം വീണ്ടുമാ കഥകൾ - ഓണത്തിന്റെ പ്രധാന ഐതിഹ്യമായ മഹാബലി- വാമനൻ കഥയെ ആസ്പദമാക്കി നിർമ്മിച്ച പാട്ട്
• ഓണംവിളി - കുടുംബങ്ങളിൽ സ്ത്രീകൾക്ക് ഉണ്ടാകുന്ന പണിത്തിരക്കിനെ പ്രതിനിധീകരിക്കുന്ന ഒരു ഓണപ്പാട്ടാണ്
• ശ്രാവണം വന്നു വിളിയ്ക്കുന്നു - കുട്ടികൾ പൂവിറുക്കാൻ നടക്കുന്നതിന്റെ സ്മരണ പ്രതിപാദിക്കുന്ന ഒരു ഓണപ്പാട്ടാണ്
• മൺപുഴയുടെ സ്മൃതിമണ്ഡപം - മലമുത്തൻ തുമ്പി വിഭാഗത്തിൽ പെട്ട ഒരു ഓണത്തുമ്പിയുടെ ഓണക്കാല ഓർമ്മയെ പ്രതിപാദിക്കുന്ന ഓണപ്പാട്ടാണ്
• കാലം കണ്ണാരംപൊത്തി കളിക്കുന്നു - ഓണക്കാലത്ത് നടന്നുവരാറുള്ള നടൻ കളികൾ ഉൾപ്പെടെയുള്ള ഓണക്കാലത്തിന്റെ ഗൃഹാതുരത്വം പറയുന്ന ഒരു ഓണപ്പാട്ടാണ്
• കണ്ണിൻ ചിറകിലൊരു മഴത്തുള്ളി

പുറത്തേക്കുള്ള കണ്ണികൾ

• Kannin Chirakiloru Mazhatthulli