ഏൽ (ദൈവം)

Ēl (אל) എന്നത് ദൈവം എന്നർത്ഥമാക്കുന്ന ഒരു വടക്കുകിഴക്കേ സെമിറ്റിക്ക് പദമാണ്. ലെവന്റ് ഭാഗത്ത് ഉഗാരിത്ത് ഫലകങ്ങളിലെ ലിഖിതങ്ങൾ പ്രകാരം ഏൽ അഥവാ ഇൽ പരമാധികാരിയായ ദൈവമായി, സകല മനുഷ്യരുടെയും ജീവികളുടെയും പിതാവും ആഷേറാ ദേവിയുടെ ഭർത്താവുമായി, വിശ്വസിക്കപ്പെട്ടു പോന്നു. സിറിയയിൽ ക്രി. മു. 2300 വർഷം പഴക്കമുള്ള എബ്ലാ സംസ്കാരത്തിന്റെ അവശിഷ്ടങ്ങളിൽ ഏൽ എന്ന പദം ദേവന്മാരുടെ പട്ടികയിൽ ഏറ്റവും മുകളിലായി ദേവാന്മാരുടെ പിതാവായി രേഖപ്പെടുത്തിയിരുന്നതായി കണ്ടു. ഏൽ ഒരു മരുഭൂമി ദൈവമായിരുന്നിരിക്കണം; ഐതിഹ്യങ്ങൾ പ്രകാരം രണ്ടു ഭാര്യമാരുണ്ടായിരുന്ന ഏൽ കുട്ടികളുമൊത്ത് മരുഭൂമിയിൽ ഒരു സങ്കേതം നിർമിച്ചുവത്രേ. ഏൽ നിരവധി ദേവന്മാരുടെ പിതാവായിരുന്നു, അവയിൽ ഏറ്റവും പ്രമുഖർ, ഗ്രീക്ക് സീയൂസ്, പോസിഡോൺ അല്ലെങ്കിൽ ഓഫിയോൺ, ഹേയ്ഡ്സ് അല്ലെങ്കിൽ താന്റോസ് എന്നിവർക്കു സമാനമായ സ്വഭാവങ്ങളുള്ള ഹദാദ്, യാം, മൊട് എന്നിവരായിരുന്നു.

പദഭേദങ്ങളും അർത്ഥങ്ങളും

ഇസ്ലാം മതത്തിൽ ഇലാഹ് ( إله )Ela എന്ന അറബി വാക്കിനും ദൈവം എന്നാണർത്ഥം,മുസ്ലിംകൾ ദൈവത്തെ ഇലാഹ് എന്നും الله എന്നുമാണ് വിളിക്കുന്നത്.

ഏൽ ക്രിസ്ത്യൻ ദൈവശാസ്ത്രത്തിൽ

ആദ്യകാല സഭാപിതാക്കന്മാരുടെ വീക്ഷണപ്രകാരം ഏൽ എന്നത് ദൈവത്തിന്റെ ആദ്യ ഹീബ്രു നാമമായിരുന്നു. ഡാന്റെ അലിഗിയേരി അദ്ദേഹത്തിന്റെ De vulgari eloquentiaഇൽ ഏൽ എന്ന പദമാണ് ആദം ഉച്ചരിച്ച ആദ്യ ശബ്ദം എന്നു അഭിപ്രായപ്പെടുന്നു.

ഇവയും കാണുക

• യഹൂദമതത്തിൽ ദൈവത്തിന്റെ പേരുകൾ
• ഏൽ എന്നു സൂചിപ്പിക്കുന്ന പേരുകൾ
• ഇലാ‍ഹ്

ആധാരം, പുറത്തേക്കുള്ള കണ്ണികൾ

• Bruneau, P. (1970). Recherches sur les cultes de Délos à l'époque hellénistique et à l'époque imperiale. Paris: E. de Broccard.
• Cross, Frank Moore (1973). Canaanite Myth and Hebrew Epic. Cambridge, Mass.: Harvard University Press. ISBN 0-674-09176-0.
• Rosenthal, Franz (1969). "The Amulet from Arslan Tash". Trans. in Ancient Near Eastern Texts, 3rd ed. with Supplement, p. 658. Princeton: Princeton University Press. ISBN 0-691-03503-2.
• Teixidor, James (1977). The Pagan God Princeton: Princeton University Press. ISBN 0-691-07220-5
• Bartleby: American Heritage Dictionary: Semitic Roots: ʾl
• The Divine Council: "Deuteronomy 32:8 and the Sons of God", by Michael S. Heiser Archived 2005-05-14 at the Wayback Machine. (PDF.)
• ഏൽ എന്ന പദത്തിന്റെ (ശബ്ദ)ഉച്ചാരണം Archived 2011-01-02 at the Wayback Machine.
• പിർഗിയുടെ ഫലകങ്ങൾ
• The Rise of God Archived 2005-04-04 at the Wayback Machine.
• Biblaridion magazine: Archived 2007-10-11 at the Wayback Machine. Bene-ha-elohim: Deuteronomistic theology as an interpretive model for the ‘Sons of God’ in Genesis 6:1-4