എൻ. കുഞ്ഞുരാമൻ

കേരളത്തിലെ ഒരു കോൺഗ്രസ് പ്രവർത്തകനും മുൻ നിയമസഭാംഗവുമായിരുന്നു എൻ. കുഞ്ഞുരാമൻ. ആറ്റിങ്ങൽ നിയമസഭാമണ്ഡലത്തിൽ നിന്നും കോൺഗ്രസ് സ്ഥാനാർഥിയായി വിജയിച്ചാണ് ഇദ്ദേഹം രണ്ടാം കേരളനിയമസഭയിൽ അംഗമായത്. 1906 ജൂണിലായിരുന്നു ജനനം. കേരള നിയമസഭയിൽ അംഗമാകുന്നതിനു മുൻപ് തിരുവിതാംകൂർ ലെജിസ്ലേറ്റീവ് അസംബ്ലിയിലും തിരു-ക്കൊച്ചി നിയമസഭയിലും ഇദ്ദേഹം അംഗമായിരുന്നു. ഏകദേശം രണ്ടരക്കൊല്ലത്തോളം തിരുവിതാംകൂറിലേയും. തിരു-ക്കൊച്ചിയിലേയും വിദ്യാഭ്യാസം, സഹകരണ വകുപ്പ്, തൊഴിൽ, വ്യവസായം തുടങ്ങിയ വകുപ്പുകളുടെ മന്ത്രിയായിരുന്നു. സ്വാതന്ത്ര്യസമരത്തിൽ പങ്കെടുത്തതിന്റെ പേരിൽ ആറ് മാസത്തോളം ജയിൽവാസം അനുഭവിച്ചു.

എൻ. കുഞ്ഞുരാമൻ
കേരള നിയമസഭയിലെ അംഗം
ഓഫീസിൽ ഫെബ്രുവരി 9 1960 – സെപ്റ്റംബർ 10 1964
മുൻഗാമി	ആർ. പ്രകാശം
പിൻഗാമി	കെ.പി. കോസലരാമദാസ്
മണ്ഡലം	ആറ്റിങ്ങൽ
വ്യക്തിഗത വിവരങ്ങൾ
ജനനം	(1906-06-00)ജൂൺ , 1906
മരണം	1980(1980-00-00) (പ്രായം 73–74)
രാഷ്ട്രീയ കക്ഷി	കോൺഗ്രസ്
As of നവംബർ 27, 2020 ഉറവിടം: നിയമസഭ

വഹിച്ച പദവികൾ

• കേരള നിയമസഭാംഗം - ആറ്റിങ്ങൽ മണ്ഡലം - രണ്ടാം കേരളനിയമസഭ
• തിരുവിതാംകൂറിലേയും തിരു-ക്കൊച്ചിയുടേയും വിദ്യാഭ്യാസം, സഹകരണ വകുപ്പ്, തൊഴിൽ, വ്യവസായം വകുപ്പ് മന്ത്രി
• തിരുവിതാംകൂർ ലെജിസ്ലേറ്റീവ് അസംബ്ലി അംഗം - 1948
• തിരു-ക്കൊച്ചി നിയമസഭാംഗം - 1949-52
• ചെയർമാൻ - തിരുവനന്തപുരം ജില്ലാ ലാൻഡ് മോർട്ടേജ് ബാങ്ക്
• ചെയർമാൻ - പെറ്റീഷൻ കമ്മിറ്റി -1961-64
• വൈസ് ചെയർമാൻ - ഓൾ ഇന്ത്യ കയർ ബോർഡ്