എം.ടി. പത്മ
1991 മുതൽ 1995 വരെ കേരളത്തിലെ ഫിഷറീസ് -ഗ്രാമ വികസന വകുപ്പ് മന്ത്രിയും എട്ടും ഒൻപതും നിയമസഭകളിലെ കൊയിലാണ്ടിയിൽ നിന്നുള്ള നിയമസഭ അംഗവും കോഴിക്കോട് ജില്ലയിൽ നിന്നുള്ള മുതിർന്ന കോൺഗ്രസ് നേതാവുമായിരുന്നു എം.ടി. പത്മ [1] (9 ജനുവരി 1943 - 12 നവംബർ 2024)[2]
എം.ടി. പത്മ | |
|---|---|
| കേരളത്തിലെ ഫിഷറീസ് ഗ്രാമവികസന രജിസ്ട്രേഷൻ വകുപ്പ് മന്ത്രി | |
| ഓഫീസിൽ 1995-1996 1991-1995 | |
| മുൻഗാമി | ടി കെ രാമകൃഷ്ണൻ |
| പിൻഗാമി | ടി കെ രാമകൃഷ്ണൻ |
| കേരള നിയമസഭാംഗം | |
| ഓഫീസിൽ 1991-1996, 1987-1991 | |
| മണ്ഡലം | കൊയിലാണ്ടി |
| വ്യക്തിഗത വിവരങ്ങൾ | |
| ജനനം | 1943 ജനുവരി 9 കണ്ണൂർ |
| മരണം | നവംബർ 12, 2024 (പ്രായം 81) മുംബൈ |
| രാഷ്ട്രീയ കക്ഷി | ഇന്ത്യൻ നാഷണൽ കോൺഗ്രസ് |
| പങ്കാളി | രാധാകൃഷ്ണൻ |
| കുട്ടികൾ | 1 son and 1 daughter |
As of നവംബർ 12, 2024 ഉറവിടം: asianet news | |
ജീവിതരേഖ
തിരുത്തുകഎ.ഗോവിന്ദന്റെയും സി. ടി. കൗസല്യയുടെയും മകളായി കണ്ണൂരിൽ ജനനം. ഗവ.ലോ കോളേജിൽ പഠിക്കുമ്പോൾ വിദ്യാർത്ഥി രാഷ്ട്രീയത്തിലൂടെ പൊതു രംഗത്തെത്തി. ബിരുദാനന്തര ബിരുദവും നിയമത്തിൽ ബിരുദവും നേടി. 14 വർഷത്തോളം വിവിധ കോടതികളിൽ അഭിഭാഷകയായിരുന്നു. കെ.എസ്.യു സംസ്ഥാന വൈസ് പ്രസിഡന്റായിരുന്നു. കോഴിക്കോട് ഡി.സി.സി സെക്രട്ടറിയും ട്രഷററുമായി പ്രവർത്തിച്ചു. മഹിളാ കോൺഗ്രസ് ജനറൽ സെക്രട്ടറി, കെ.പി.സി.സി അംഗം എന്നീ നിലകളിലൊക്കെ പൊതു രംഗത്ത് സജീവമായിരുന്നു. ഫിഷറീസ് -ഗ്രാമ വികസന - രജിസ്ട്രേഷൻ വകുപ്പ് മന്ത്രിയായി 2 ജൂലൈ 1991 മുതൽ 16 മാർച്ച് 1995 വരെയും ഫിഷറീസ് - രജിസ്ട്രേഷൻ വകുപ്പ് മന്ത്രിയായി 3 മേയ് 1995 മുതൽ 9 മേയ് 1996 വരെയും പ്രവർത്തിച്ചു.[3]
1999 ൽ പാലക്കാട് നിന്ന് ലോക്‌സഭയിലേക്ക് മത്സരിച്ചെങ്കിലും എൻ.എൻ. കൃഷ്ണദാസിനോട് പരാജയപ്പെട്ടു. 2004 ൽ വടകര മണ്ഡലത്തിൽ നിന്നു മത്സരിച്ചെങ്കിലും പരാജയപ്പെട്ടു. കെ. കരുണാകരൻ ഡി.ഐ.സി രൂപീകരിച്ചപ്പോൾ അതിലേക്കു പോയ പത്മ പിന്നീട് കോൺഗ്രസിൽ തിരിച്ചു വന്നു. 2010-ൽ കോൺഗ്രസ് പ്രതിനിധിയായി കോഴിക്കോട് കോർപ്പറേഷനിലേക്ക് കൗൺസിലറായി തെരഞ്ഞെടുക്കപ്പെട്ടു. 2013 മുതൽ 2015 വരെ കോർപ്പറേഷനിലെ പ്രതിപക്ഷ നേതാവായും പ്രവർത്തിച്ചിട്ടുണ്ട്.
സ്വകാര്യ ജീവിതം
- ഭർത്താവ് : രാധാകൃഷ്ണൻ
- മക്കൾ
- ബിന്ദു (റിസർവ് ബാങ്ക് മുംബൈ)
- അർജുൻ (യുഎസ് )
മരണം
തിരുത്തുകവാർധക്യ സഹജമായ അസുഖങ്ങൾക്ക് ചികിത്സയിൽ തുടരവെ മുംബൈയിലെ മകളുടെ വസതിയിൽ വച്ച് 2024 നവംബർ 12ന് അന്തരിച്ചു.[4]
തിരഞ്ഞെടുപ്പുകൾ
തിരുത്തുക| വർഷം | മണ്ഡലം | വിജയിച്ച സ്ഥാനാർത്ഥി | പാർട്ടിയും മുന്നണിയും വോട്ടും | മുഖ്യ എതിരാളി | പാർട്ടിയും മുന്നണിയും വോട്ടും | രണ്ടാമത്തെ മുഖ്യ എതിരാളി | പാർട്ടിയും മുന്നണിയും വോട്ടും |
|---|---|---|---|---|---|---|---|
| 1999 | പാലക്കാട് ലോകസഭാമണ്ഡലം | എൻ.എൻ. കൃഷ്ണദാസ് | സി.പി.എം., എൽ.ഡി.എഫ്. | എം.ടി. പത്മ | കോൺഗ്രസ് (ഐ.), യു.ഡി.എഫ്. |
അവലംബം
തിരുത്തുക- ↑ മുൻ മന്ത്രിയും മുതിർന്ന കോൺഗ്രസ് നേതാവുമായ എം.ടി പത്മ അന്തരിച്ചു
- ↑ http://www.niyamasabha.org/codes/members/m487.htm
- ↑ "ആർക്കൈവ് പകർപ്പ്". Archived from the original on 2013-10-27. Retrieved 2013-03-23.
- ↑ മുൻ മന്ത്രി എം.ടി.പത്മ അന്തരിച്ചു
- ↑ "ആർക്കൈവ് പകർപ്പ്". Archived from the original on 2021-11-11. Retrieved 2020-10-29.
- ↑ http://www.keralaassembly.org