വിക്കിപീഡിയ

അമൃതാഞ്ജൻ ഹെൽത്ത്കെയർ ലിമിറ്റഡ്

ഇന്ത്യാക്കാരനും സ്വാതന്ത്ര്യസമരസേനാനിയുമായിരുന്ന കാസിനാഥുണി നാഗേശ്വരറാവു (Kasinadhuni Nageswara Rao) സ്ഥാപിച്ച ഫാർമസ്യൂട്ടിക്കൽ കമ്പനിയാണ് അമൃതാഞ്ജൻ ഹെൽത്ത്കെയർ ലിമിറ്റഡ്. 1893-ൽ പേറ്റന്റ് നേടി വിപണനം ആരംഭിച്ച അമൃതാഞ്ജൻ എന്ന വേദനാസംഹാരി കുഴമ്പ് കണ്ടെത്തിയതും ഇദ്ദേഹമാണ്. 2007 നവംബർ 13 നാണ് അമൃതാഞ്ജൻ പബ്ലിക് ലിമിറ്റഡ് എന്ന കമ്പനി അമൃതാഞ്ജൻ ഹെൽത്ത്കെയർ ലിമിറ്റഡ് ആയി പേര് മാറ്റിയത്. [1]
സ്വാതന്ത്ര്യസമരസേനാനിയും സാമൂഹ്യപരിഷ്കർത്താവും പത്രപ്രവർത്തകനുമായിരുന്ന കെ. നാഗേശ്വരറാവു പാണ്ഡുലു (K. Nageswara Rao Pantulu)[2][3][4] 1893 ൽ ബോംബെയിൽ പേറ്റന്റ് മരുന്നായി വില്പന ആരംഭിച്ചതാണ് അമൃതാഞ്ജൻ.[5][6] 1914 ൽ സ്ഥാപനത്തിന്റെ ഹെഡ്ക്വാർട്ടേഴ്സ് ബോംബേയിൽ നിന്ന് ചെന്നൈയിലേയ്ക്ക് മാറ്റി.[5][6][4] എന്നാൽ ഇന്നും ബോംബെ എന്ന വാക്ക് അമൃതാഞ്ജൻ വേദനാ സംഹാരിയുടെ പുറത്ത് മുദ്രണം ചെയ്തിരിക്കുന്നു. 1936ൽ, അമൃതാഞ്ജൻ ലിമിറ്റഡ് എന്ന പേരിൽ ഒരു പബ്ലിക് ലിമിറ്റഡ് കമ്പനിയായി ഇത് ആരംഭിച്ചു. [5][7] സംഗീതസദസ്സുകളിൽ ഇത് സൗജന്യമായി വിതരണം ചെയ്ത് മരുന്നിന്റെ പ്രശസ്തി നാഗേശ്വരറാവു വർദ്ധിപ്പിച്ചു..[3]
2007 നവംബർ 13 ന് കമ്പനിയുടെ പേര് അമൃതാഞ്ജൻ ലിമിറ്റഡ് എന്നതിൽ നിന്ന് അമൃതാഞ്ജൻ ഹെൽത്ത്കെയർ ലിമിറ്റഡ് എന്നുമാറി. [8]ഇന്ത്യാ ഗവൺമെന്റ് ഷെഡ്യൂൾ ടിയിൽ ഉൾപ്പെടുത്തിയ ഗുഡ് മാനുഫാക്ചറിംഗ് പ്രാക്ടീസ് (ജി.എം.പി) അമൃതാഞ്ജൻ കമ്പനി നേടിയിട്ടുണ്ട്.[9]

അമൃതാഞ്ജൻ ഹെൽത്ത്കെയർ ലിമിറ്റഡ്
പൊതുസഥാപനം
വ്യവസായംആയുർവേദ, ആരോഗ്യസംരക്ഷക ഉൽപ്പന്നങ്ങൾ, സൗന്ദര്യവർദ്ധക ഉത്പ്പന്നങ്ങൾ, വിവരസാങ്കേതിക വിദ്യ, ബിസിനസ് പ്രോസസ്സ് ഔട്ട്സോഴ്സിംഗ്.
സ്ഥാപിതം1893
ആസ്ഥാനം42–45 ലസ് ചർച്ച് റോഡ് (Luz Church Road, Mylapore), ചെന്നൈ – 600004, ഇന്ത്യ
വരുമാനംIncrease US$
Increase US$
വെബ്സൈറ്റ്amrutanjan.com/

2002 ജൂലൈ 4 ന് അമേരിക്കൻ മാർക്കറ്റിൽ കമ്പനി പ്രവേശിച്ചു.[10] നാഗേശ്വരറാവുവിന്റെ പൗത്രനായ അരവിന്ദിനാണ് ഈ ചുമതല.

ഉത്പ്പന്നങ്ങൾ

തിരുത്തുക

കമ്പനിയുടെ മുഖ്യഉത്പന്നം വേദനാസംഹാരിയാണ്. 2002 ൽ അമൃതാഞ്ജൻ ഹെൽത്ത്കെയർ പ്രമേഹത്തെ പ്രതിരോധിക്കുന്ന മരുന്നുകളുടെ ശ്രേണി ഡിയാക്യുവർ (Diakyur) എന്ന പേരിൽ പുറത്തിറക്കി..[11] ഒലീവ് എണ്ണയും ചിലയിനം കീടനാശിനികളും ഉത്പാദിപ്പിച്ച് വിതരണം ചെയ്യുന്നതിനും കമ്പനി ആലോചിക്കുന്നു.[12] 2004 ൽ ആയുർവേദ മൗത്ത്‌വാഷ് അഫയർ(Affair) എന്ന ബ്രാൻഡ് നാമത്തിൽ വിപണിയിലിറക്കി.[13]

അമൃതാഞ്ജൻ ഇൻഫോടെക്ക് എന്ന പേരിൽ ഒരു സോഫ്റ്റ്‌വെയർ കമ്പനിയും നിലവിലുണ്ട്. ജൂലൈ 2001 ലാണ് ഇതിന്റെ കാൾ സെന്റർ പ്രവർത്തനമാരംഭിച്ചത്[14]

അമൃതാഞ്ജൻ

തിരുത്തുക

പൂർണ്ണമായും ആയുർവേദമരുന്നുകൾ ഉപയോഗിച്ചിട്ടുള്ള ഉൽപ്പന്നമാണ് അമൃതാഞ്ജൻ.[15]യൂക്കാലി, കാംഫർ, മെന്തോൾ, വിന്റർഗ്രീൻ, സിന്നാമൺ എന്നിങ്ങനെയുള്ള ഘടകങ്ങളാണ് വേദനാസംഹാരിയായി പ്രവർത്തിക്കുന്നത്.

അവലംബം

തിരുത്തുക
  1. ↑ മാതൃഭൂമി ഹരിശ്രീ, 2011 ഒക്ടോബർ 01, പേജ് 31
  2. ↑ Madras Rediscovered, Pg 206
  3. ↑ 3.0 3.1 Clayton, Mary (2007). Music and Orientalism in the British Empire, 1780s–1940s: Portrayal of the East. Ashgate Publishing Ltd. p. 206. ISBN 0754656047, ISBN 978-0-7546-5604-3. {{cite book}}: Unknown parameter |coauthors= ignored (|author= suggested) (help)
  4. ↑ 4.0 4.1 Playne, Somerset (1914). Southern India: Its History, People, Commerce, and Industrial Resources. pp. 642. {{cite book}}: Unknown parameter |coauthors= ignored (|author= suggested) (help)
  5. ↑ 5.0 5.1 5.2 "Profile of Amrutanjan Healthcare Limited". Amrutanjan Healthcare Limited. Archived from the original on 2008-06-16. Retrieved 2013-04-21.
  6. ↑ 6.0 6.1 Jain, Kajri (2007). Gods in the Bazaar: The Economies of Indian Calendar Art. Duke University Press. pp. 124. ISBN 0822339269, ISBN 978-0-8223-3926-7.
  7. ↑ Agarwala, Prakash Narain (1985). The History of Indian Business: A Complete Account of Trade Exchanges from 3000 B.C. to the Present Day. Vikas. p. 566. ISBN 0706926099, ISBN 978-0-7069-2609-5.
  8. ↑ "Amrutanjan becomes Amrutanjan Health". The Hindu: Business. November 13, 2007. Archived from the original on 2008-10-26. Retrieved 2008-10-21.
  9. ↑ "ആർക്കൈവ് പകർപ്പ്". Archived from the original on 2008-06-16. Retrieved 2013-04-21.
  10. ↑ "Amrutanjan set to enter US market". The Tribune. July 5, 2002. Retrieved 2008-10-21.
  11. ↑ "Amrutanjan launches Diakyur". Express Pharma Online. June 13, 2002. Archived from the original on 2011-07-10. Retrieved 2008-10-21.
  12. ↑ Venkat, Archana (November 6, 2007). "Amrutanjan adding olive oil, home insecticides to portfolio". The Hindu Business Line. Archived from the original on 2008-10-12. Retrieved 2008-10-21.
  13. ↑ Venkat, Archana (September 28, 2004). "Amrutanjan's Affair with mouth fresheners". The Hindu Business Line. Retrieved 2008-10-21.
  14. ↑ "Amrutanjan Infotech's call centre to go online shortly". The Hindu. Retrieved 2008-10-21.[പ്രവർത്തിക്കാത്ത കണ്ണി]
  15. ↑ http://www.favorfinesse.com/amrutanjan.shtml

ഇതുംകൂടി കാണുക

തിരുത്തുക
  • Muthiah, S. (2004). Madras Rediscovered. East West Books (Madras) Pvt Ltd. ISBN 81-88661-24-4.

പുറത്തേയ്ക്കുള്ള കണ്ണികൾ

തിരുത്തുക
"https://ml.wikipedia.org/w/index.php?title=അമൃതാഞ്ജൻ_ഹെൽത്ത്കെയർ_ലിമിറ്റഡ്&oldid=3828196" എന്ന താളിൽനിന്ന് ശേഖരിച്ചത്