അഫിനിറ്റി ഡിസൈനർ
മാക് ഒഎസ്, ഐപാഡോസ്, മൈക്രോസോഫ്റ്റ് വിൻഡോസ്എന്നിവയ്‌ക്കായി സെരിഫ് എന്ന സോഫ്റ്റ്‌വെയർ കമ്പനി വികസിപ്പിച്ചെടുത്ത ഒരു വെക്റ്റർ ഗ്രാഫിക്സ് എഡിറ്ററാണ് അഫിനിറ്റി ഡിസൈനർ. സെരിഫ് തന്നെ വികസിപ്പിച്ച അഫിനിറ്റി ഫോട്ടോ, അഫിനിറ്റി പബ്ലിഷർ എന്നിവയോടൊപ്പം ഈ സോഫ്റ്റ്‌വെയർ "അഫിനിറ്റി ട്രിനിറ്റി" എന്നറിയപ്പെടുന്ന ഒരു സോഫ്റ്റ്‌വെയർ ത്രയത്തിന്റെ ഭാഗമാവുന്നു. കമ്പനിയുടെ വെബ്‌സൈറ്റിൽ നിന്നും, മാക് ആപ്പ് സ്റ്റോർ, iOS ആപ്പ് സ്റ്റോർ, മൈക്രോസോഫ്റ്റ് സ്റ്റോർ എന്നിവയിൽ നിന്നും അഫിനിറ്റി ഡിസൈനർ വാങ്ങാവുന്നതാണ്.
 | |
 അഫിനിറ്റി ഡിസൈനർ 1.9 വിൻഡോസിൽ | |
| വികസിപ്പിച്ചത് | Serif Europe |
|---|---|
| ആദ്യപതിപ്പ് | 1 ഒക്ടോബർ 2014 |
| Stable release | 1.9.0.932
/ 4 ഫെബ്രുവരി 2021[1] |
| ഓപ്പറേറ്റിങ് സിസ്റ്റം | macOS, Microsoft Windows, iPadOS |
| ലഭ്യമായ ഭാഷകൾ | 9 languages |
| തരം | Vector graphics editor |
| അനുമതിപത്രം | Proprietary |
| വെബ്സൈറ്റ് | affinity |
പ്രവർത്തനം
തിരുത്തുക2017 ഓഗസ്റ്റിൽ കമ്പനി നിർത്തലാക്കിയ ഡ്രോപ്ലസ് സോഫ്റ്റ്‌വെയറിന്റെ പിൻഗാമിയായി അഫിനിറ്റി ഡിസൈനർ പ്രവർത്തിക്കുന്നു. അഫിനിറ്റി ഉൽപ്പന്ന ശ്രേണിയിൽ ശ്രദ്ധ കേന്ദ്രീകരിക്കുന്നതിനായാണ് സെരിഫ് ഡ്രോപ്ലസ് സോഫ്റ്റ്‌വെയർ നിർത്തലാക്കിയത്‌. വെക്റ്റർ ഗ്രാഫിക്സ് എഡിറ്റർ ആയ അഡോബി ഇല്ലസ്ട്രേറ്ററിനു ഒരു ബദൽ എന്നനിലയിൽ അഫിനിറ്റി ഡിസൈനറിനെ വിശേഷിപ്പിക്കുന്നു. അഡോബി ഇല്ലസ്ട്രേറ്റർ (എഐ), സ്കേലബിൾ വെക്റ്റർ ഗ്രാഫിക്സ് (എസ്‌വിജി), അഡോബി ഫോട്ടോഷോപ്പ് (പിഎസ്ഡി), പോർട്ടബിൾ ഡോക്യുമെന്റ് ഫോർമാറ്റ് (പിഡിഎഫ്), എൻ‌ക്യാപ്സുലേറ്റഡ് പോസ്റ്റ്സ്ക്രിപ്റ്റ് (ഇപി‌എസ്) എന്നീ ഫോർമാറ്റുകൾ കൈകാര്യം ചെയ്യാൻ ഈ സോഫ്റ്റ്‌വെയറിന് കഴിയും. ചില അഡോബി ഫോട്ടോഷോപ്പ്അഡോബി ഫ്രീഹാൻഡ് ഫയലുകളിൽ നിന്ന് ഡാറ്റ ഇറക്കുമതി ചെയ്യാനും അഫിനിറ്റി ഡിസൈനറിന് കഴിയും (പ്രത്യേകിച്ചും പതിപ്പുകൾ 10, എംഎക്സ്). [2]
വെക്റ്റർ പേന, ഷേപ്പ് ഡ്രോയിംഗ് ടൂൾസ്, ഭേദഗതി വരുത്തിയ വെക്റ്റർ, റാസ്റ്റർ ബ്രഷുകൾക്കുള്ള പിന്തുണ ( അഡോബ് ഫോട്ടോഷോപ്പ് (എബിആർ) ബ്രഷുകൾ ഇറക്കുമതി ചെയ്യാനുള്ള കഴിവ് അടക്കം), ചലനാത്മക ചിഹ്നങ്ങൾ, സ്ട്രോക്ക് സ്ഥിരത, ടെക്സ്റ്റ് ശൈലി മാനേജുമെന്റ്, വെക്റ്റർ / പിക്സൽ കയറ്റുമതി ഓപ്ഷനുകൾ എന്നിവ അഫിനിറ്റി ഡിസൈനറുടെ പ്രധാന പ്രവർത്തനങ്ങളിൽ ഉൾപ്പെടുന്നു. [3] [4]
പരിധിയില്ലാത്ത ലെയറുകൾ, വിനാശകരമല്ലാത്ത എഡിറ്റിംഗ് സവിശേഷതകൾ, 60 എഫ്പി‌എസിൽ പാനും സൂമും ചെയ്യാനുള്ള ശേഷി, തത്സമയം എഫക്റ്റുകളും ട്രാൻസ്ഫോർമേഷനുകളും കാണാനുള്ള കഴിവ് എന്നിവ അഫിനിറ്റി ഡിസൈനർ നൽകുന്നു. ആർജിബി, ആർജിബി ഹെക്സ്, ലാബ്, സിഎംവൈകെ, ഗ്രേസ്‌കെയിൽ കളർ മോഡലുകളെ ഈ സോഫ്റ്റ്‌വെയർ പിന്തുണയ്‌ക്കുന്നു. പാന്റോൺ കളർ സ്വാച്ചുകളും, സിഎംവൈകെ വർ‌ക്ക്ഫ്ലോയും, ഓരോ ചാനലിലും 16-ബിറ്റ് എഡിറ്റിംഗും അഫിനിറ്റി ഡിസൈനറിന്റെ പ്രത്യേകതയാണ്. [4]
വികസനം
തിരുത്തുകമാക് ഒഎസിൽ മാത്രം പ്രവർത്തിക്കുന്ന ഒരു വെക്റ്റർ ഗ്രാഫിക്സ് എഡിറ്റർ ആയി ആണ് അഫിനിറ്റി ഡിസൈനറിന്റെ തുടക്കം. ഈ ഓപ്പറേറ്റിംഗ് സിസ്റ്റത്തിന്റെ പ്രധാന നേറ്റീവ് സാങ്കേതികവിദ്യകളായ ഓപ്പൺജിഎൽ, ഗ്രാൻഡ് സെൻട്രൽ ഡിസ്‌പാച്ച്, കോർ ഗ്രാഫിക്സ് എന്നിവ പ്രയോജനപ്പെടുത്താൻ അഫിനിറ്റി ഡിസൈനറിന്റെ കോഡ് പൂർണമായും ആദ്യം മുതൽ വികസിപ്പിച്ചതാണ്.
ആദ്യ പതിപ്പ് 2014 ഒക്ടോബറിൽ പുറത്തിറക്കി, ഇത് സെരിഫ് പുറത്തിറക്കിയ അഫിനിറ്റി അപ്ലിക്കേഷനുകളിൽ ആദ്യത്തേതാണ് (അവരുടെ ആദ്യത്തെ മാക് ഒഎസ് റിലീസും). ആ സമയത്ത്, ഡ്രോപ്ലസ് ആയിരുന്നു വിൻഡോസിന് വേണ്ടി സെരിഫ് പുറത്തിറക്കിയിരുന്നു വെക്റ്റർ ഗ്രാഫിക്സ് എഡിറ്റർ. എന്നാൽ അഫിനിറ്റി ഡിസൈനർ പുറത്തിറങ്ങിയതിന് ശേഷം, ഈ സോഫ്റ്റ്‌വെയർ നിർത്തലാക്കി.
2016 നവംബറിൽ ആപ്ലിക്കേഷൻ മറ്റ് പ്ലാറ്റ്ഫോമുകളിലേക്ക് വ്യാപിപ്പിക്കാൻ തുടങ്ങി. [5] മൈക്രോസോഫ്റ്റ് വിൻഡോസ് പതിപ്പ് ഈ സമയത്തു പുറത്തിറങ്ങി.
സ്വീകരണം
തിരുത്തുകഅഫിനിറ്റി ഡിസൈനർ മാക് ആപ്പ് സ്റ്റോറിന്റെയും ഐട്യൂൺസ് സ്റ്റോറിന്റെയും മാക് ഒഎസ് ആപ്ലിക്കേഷൻ വിഭാഗത്തിൽ "ബെസ്റ്റ് ഓഫ് 2014" ലിസ്റ്റിൽ റണ്ണറപ്പായി. 2015 ലെ ആപ്പിൾ ഡിസൈൻ അവാർഡ് ജേതാക്കളിൽ ഒന്നായിരുന്നു ഈ സോഫ്റ്റ്‌വെയർ .
2018 ൽ, വിൻഡോസ് ഡെവലപ്പർ അവാർഡുകളിൽ അഫിനിറ്റി ഡിസൈനറുടെ വിൻഡോസ് പതിപ്പ് 'ആപ്ലിക്കേഷൻ ക്രിയേറ്റർ ഓഫ് ദി ഇയർ' നേടി. [6]
ഇതും കാണുക
തിരുത്തുക- വെക്റ്റർ ഗ്രാഫിക്സ് എഡിറ്റർമാരുടെ താരതമ്യം
അവലംബം
തിരുത്തുക- ↑ "Affinity Designer for Windows - 1.9.0". Affinity Forum. Retrieved 2021-02-04.
- ↑ "Import and export file formats - Affinity Designer Help". affinity.help (in ഇംഗ്ലീഷ്). Retrieved 2018-08-06.
- ↑ "Affinity - One Year Review". Cargo Creative. Retrieved 2018-09-05.
- ↑ 4.0 4.1 "Affinity Designer - Complete Feature List". affinity.serif.com (in ഇംഗ്ലീഷ്). Retrieved 2018-09-05.
- ↑ "Affinity Spotlight - Photography, Design & Illustration". Affinity Spotlight.
- ↑ "Windows Developer Awards - Build 2018 - Windows app development". developer.microsoft.com (in യൂറോപ്യൻ സ്‌പാനിഷ്). Retrieved 2018-08-14.