അക്കോണിറ്റിൻ

അക്കോണിറ്റിൻ വിഷവീര്യമുള്ള ഒരു ആൽക്കലോയ്ഡ് ആണ്. അതിവിടയം, വത്സനാഭി എന്നും മറ്റും പേരുള്ള അക്കൊണൈറ്റ് പൂച്ചെടികളിൽനിന്നു ഇതു പ്രകൃത്യാ ലഭ്യമാണ്. ഗീഗർ (Gieger), ഹെസ്സേ (Hesse) എന്നീ ശാസ്ത്രജ്ഞന്മാർ 1833-ൽ ശുദ്ധരൂപത്തിൽ ഈ പദാർഥം പൃഥക്കരിച്ചെടുത്തു. രാസപരമായി ഇതു ക്വിനൊലിൻ എന്ന വസ്തുവിൽ നിന്നു വ്യുത്പാദിപ്പിക്കാവുന്ന അക്കോണിൻ എന്ന ബേസിന്റെ അസറ്റൈൽ ബെൻസോയിക് എസ്റ്റർ ആണ്. ഫോർമുല, C₃₄ H₄₇ O₁₁ N ലായനിയിൽ ചൂടാക്കിയാൽ ഇതു വിഘടിച്ചു ബെൻസോയിൽ അക്കോണിൻ, അക്കോണിൻ എന്നീ പദാർഥങ്ങൾ ലഭിക്കുന്നു. അമോണിയം വാനഡേറ്റ് കലർത്തിയ സൾഫ്യൂറിക് അമ്ളത്തിൽ അക്കോണിറ്റിൻ ചേർത്താൽ ഓറഞ്ചുനിറം കിട്ടും. പ്രയോഗശാലയിൽ ഈ ആൽക്കലോയ്ഡ് തിരിച്ചറിയുവാൻ പ്രസ്തുത പരീക്ഷണതത്ത്വം പ്രയോജനപ്പെടുത്താം.

അക്കോണിറ്റിൻ

Names
IUPAC name (1α,3α,6α,14α,16β)-8-(acetyloxy)-20-ethyl-3,13,15-trihydroxy-1,6,16-trimethoxy-4-(methoxymethyl)aconitan-14-yl benzoate
Identifiers
CAS Number	302-27-2 N
3D model (JSmol)	Interactive image
ECHA InfoCard	100.005.566
PubChem CID	245005
CompTox Dashboard (EPA)	DTXSID4046319
SMILES
Properties
തന്മാത്രാ വാക്യം
Molar mass	0 g mol−1
Except where otherwise noted, data are given for materials in their standard state (at 25 °C [77 °F], 100 kPa). | colspan=2 |  Y verify (what is: Y/N?) Infobox references

ഹൃദ്രോഗം, അതിരക്തമർദം മുതലായവയ്ക്കു അക്കോണിറ്റിൻ ഒരു പ്രത്യൌഷധമാണ്. സ്ഥാനീയനിശ്ചേതകമായി ഇതിനെ ഉപയോഗിക്കാം.

പുറംകണ്ണി

• http://www.ncbi.nlm.nih.gov/pubmed/1475787

കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അക്കോണിറ്റിൻ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം.