മലമ്പുഴ റൊട്ടാല

ലിത്രേസീ സസ്യകുടുംബത്തിലെ ഒരു വാർഷിക ഓഷധിയാണ് മലമ്പുഴ റൊട്ടാല (Rotala malampuzhensis). പശ്ചിമഘട്ടത്തിലെ തദ്ദേശീയ സസ്യമായ ഈ ചെടി കേരളത്തിൽ ആലപ്പുഴ, കോഴിക്കോട്, മലപ്പുറം, പാലക്കാട്, കോട്ടയം, കണ്ണൂർ ജില്ലകളിൽ കണ്ടെത്തിയിട്ടുണ്ട്. ഒട്ടേറെ ശാഖകളോടുകൂടി കൂട്ടമായി കാണപ്പെടുന്ന ഈ ചെടി മഴക്കാലത്ത് ചെങ്കൽപ്പരപ്പിന്മേൽ രൂപംകൊള്ളുന്ന ചെറിയ വെള്ളക്കെട്ടുകളിലാണ് വളരുന്നത്.

Rotala malampuzhensis
മലമ്പുഴ റൊട്ടാല, നീലിയാർകോട്ടത്ത് നിന്നും.
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Rosids
Order:	Myrtales
Family:	Lythraceae
Genus:	Rotala
Species:	R. malampuzhensis
Binomial name
Rotala malampuzhensis Pradeep, K.T.Joseph & Sivar.

ധാരാളം ശാഖകളുള്ള തണ്ടുകളുടെ സന്ധികളിൽ നിന്നാണ് വേരുകൾ വളരുന്നത്. ഇലകൾ അഭിമുഖമായി വിന്യസിച്ചിരിക്കുന്നു. ഇലകൾക്കും പൂക്കൾക്കും ഞെട്ടുകളില്ല. വീതികുറഞ്ഞ് നീണ്ട ഇലകളുടെ അഗ്രം നേരിയതായി മുറിച്ചുകളഞ്ഞതുപോലെ ഉള്ളതാണ്. പൂക്കളും ഫലങ്ങളും ക്രിംസൺ നിറമാണ്.