കാർത്തിക നായർ

ഒരു മലയാളം, തമിഴ്, തെലുഗു ചലച്ചിത്ര അഭിനേത്രിയാണ് കാർത്തിക നായർ.

കാർത്തിക നായർ
ജനനം	ഇന്ത്യ
തൊഴിൽ	അഭിനേത്രി, മോഡൽ
സജീവ കാലം	2009 - മുതൽ

ജീവിതരേഖ

തമിഴ്, മലയാളം ചലച്ചിത്രനടി രാധയുടെ (നടി അംബികയുടെ സഹോദരി) മൂന്ന് മക്കളിൽ മുതിർന്നയാളാണ് കാർത്തിക. 2009 - ൽ ജോഷ് എന്ന തെലുഗു ചലച്ചിത്രത്തിലാണ് ആദ്യമായി അഭിനയിച്ചത്. മുംബൈയിലെ പോഡാർ ഇന്റർനാഷണൽ സ്കൂളിലാണ് പ്രാഥമിക വിദ്യാഭ്യാസം പൂർത്തിയാക്കിയത്. ഇപ്പോൾ ലണ്ടൻ സ്കൂൾ ഓഫ് എക്കണോമിക്സിൽ ഡിഗ്രി വിദ്യാഭ്യാസം നടത്തി വരുന്നു. 2011 - ൽ കോ എന്ന തമിഴ് ചലച്ചിത്രത്തിൽ അഭിനയിച്ചു. ലെനിൻ രാജേന്ദ്രൻ സംവിധാനം നിർവഹിക്കുന്ന മകരമഞ്ഞ് എന്ന ചലച്ചിത്രത്തിലാണ് മലയാളത്തിൽ ആദ്യമായി അഭിനയിക്കുന്നത്. ഈ ചിത്രത്തിൽ ഛായാഗ്രാഹകൻ സന്തോഷ് ശിവനൊപ്പമാണ് കാർത്തിക അഭിനയിക്കുന്നത്.

അഭിനയിച്ച ചലച്ചിത്രങ്ങൾ

വർഷം	ചലച്ചിത്രം	കഥാപാത്രം	ഭാക്ഷ	കുറിപ്പ്
2009	ജോഷ്	വിദ്യ	തെലുഗു
2010	മകരമഞ്ഞ്	അഞ്ജലി ഭായ് , ഉർവശി	മലയാളം
2011	കോ	രേണുക നാരായണൻ	തമിഴ്

പുറത്തേക്കുള്ള കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് കാർത്തിക നായർ