കോവിഡ്-19 ആഗോള മഹാമാരിക്കിടെ മാസ്കുകളുടെ ഉപയോഗം
കോവിഡ്-19 ആഗോള മഹാമാരിക്കിടെ, സർജിക്കൽ മാസ്ക്കുകൾ, തുണികൊണ്ടുള്ള മാസ്കുകൾ തുടങ്ങിയ പലതരം മുഖാവരണങ്ങൾ SARS-CoV-2 എന്ന വൈറസ് പടർന്നുപിടിക്കുന്നതിനെതിരായ പ്രതിരോധമാർഗ്ഗമായി ഉപയോഗിക്കപ്പെടുന്നുണ്ട്. ആരോഗ്യ പരിപാലനരംഗത്തും സമൂഹത്തിൽ പൊതുവേയും മാസ്കുകളുടെ ഉപയോഗം രോഗം പടരുന്നതിനെതിരേയുള്ള ഉറവിട നിയന്ത്രണവും, വ്യക്തിസുരക്ഷയും ലക്ഷ്യമിടുന്നു.
രോഗം പകരാനുള്ള സാദ്ധ്യത കുറയ്ക്കുന്നതിനായി ഭരണകൂടങ്ങളും ആരോഗ്യവിദഗ്ദ്ധരും മാസ്കുകളുടെ ഉപയോഗം ശുപാർശ ചെയ്യുന്നുണ്ട്.[1] പാൻഡെമിക് കാലത്ത് പൊതുസ്ഥലത്ത് മാസ്കിന്റെ ഉപയോഗം ശുപാർശ ചെയ്യുകയോ നിഷ്കർഷിക്കുകയോ ചെയ്യുന്ന രാജ്യങ്ങളിലാണ് ലോകജനസംഖ്യയിൽ ഏകദേശം 95% വസിക്കുന്നത്.[2]
വിവിധതരം മാസ്കുകൾ
തിരുത്തുകകോവിഡ്-19 ആഗോള മഹാമാരിക്കിടെ ഭരണകൂടങ്ങൾ രോഗബാധിതരിൽ നിന്ന് മറ്റുള്ളവരിലേയ്ക്ക് അസുഖം പടരുന്നത് തടയുക എന്ന പ്രധാന ലക്ഷ്യത്തോടെയാണ് മാസ്കുകൾ ശുപാർശ ചെയ്യുന്നത്. മാസ്ക് ധരിക്കുന്ന വ്യക്തിയുടെ ഉച്ഛ്വാസവായും ഫിൽറ്റർ ചെയ്യാതെ രോഗകാരിയോടൊപ്പം പുറത്തുവിടുന്നതിനാൽ വാൾവുകൾ ഉള്ള മാസ്കുകൾ ഈ ഉദ്ദേശത്തിന് ശുപാർശ ചെയ്യുന്നില്ല.
കോവിഡ് 19 മഹാമാരിക്കിടെ സംരക്ഷണത്തിനായി പലതരം മാസ്കുകൾ ഉപയോഗിക്കപ്പെടുന്നുണ്ട്:
- സർജിക്കൽ മാസ്കുകൾ (മെഡിക്കൽ മാസ്കുകൾ)
- സെർട്ടിഫൈ ചെയ്യപ്പെട്ടിട്ടില്ലാത്ത മുഖാവരണങ്ങൾ (ഡസ്റ്റ് മാസ്കുകൾ).
- സെർട്ടിഫൈ ചെയ്യപ്പെട്ടിട്ടുള്ള മുഖാവരണങ്ങൾ. എൻ95, എൻ99, എഫ്.എഫ്.പി. മുതലായ സർട്ടിഫിക്കേഷനുകൾ നിലവിലുണ്ട്.
- എൻ95, എൻ99, എഫ്.എഫ്.പി. മുതലായ സർട്ടിഫിക്കേഷനുകളുള്ള ഫിൽറ്ററിങ് റെസ്പിറേറ്ററുകൾ
- ഇലാസ്റ്റോമെട്രിക് റെസ്പിറേറ്റർ ഉൾപ്പെടെയുള്ള റെസ്പിറേറ്ററുകൾ.
മുഖം മറയ്ക്കുന്ന ഷീൽഡുകൾ, മെഡിക്കൽ ഗോഗ്ഗിളുകൾ എന്നിങ്ങനെയുള്ള വ്യക്തി സംരക്ഷണ ഉപകരണങ്ങൾ (പി.പി.ഇ.) ചിലപ്പോൾ മാസ്കുകൾക്കൊപ്പം ഉപയോഗിക്കുമെങ്കിലും ഇവ മാസ്കുകൾക്ക് പകരമാവുന്നില്ല.[3] കയ്യുറകൾ, ഏപ്രനുകൾ, ഗൗണുകൾ, പാദുകങ്ങളെ മറയ്ക്കുന്ന കവറുകൾ, മുടി മറയ്ക്കുന്ന ആവരണങ്ങൾ എന്നിവയും വ്യക്തി സംരക്ഷണത്തിനുപയോഗിക്കുന്ന അനുബന്ധ ഉപകരണങ്ങളാണ്.[4]
മാസ്കുകളുടെ ദൗർലഭ്യം കാരണം ഇത്രത്തോളം ഫലപ്രദമല്ലാത്ത സർട്ടിഫിക്കേഷനില്ലാത്ത മാസ്കുകൾ ഉപയോഗിക്കേണ്ടി വരുന്ന സാഹചര്യമുണ്ടായിട്ടുണ്ട്.[5]
അവലംബം
തിരുത്തുക- ↑ "What Dr. Fauci wants you to know about face masks and staying home as virus spreads". PBS NewsHour (in അമേരിക്കൻ ഇംഗ്ലീഷ്). 3 ഏപ്രിൽ 2020. Retrieved 1 മേയ് 2021.
- ↑ "What Countries Require or Recommend Masks In Public?". #Masks4All (in അമേരിക്കൻ ഇംഗ്ലീഷ്). Retrieved 1 മേയ് 2021.
- ↑ CDC (11 ഫെബ്രുവരി 2020). "Considerations for Wearing Masks". Centers for Disease Control and Prevention (in അമേരിക്കൻ ഇംഗ്ലീഷ്). Retrieved 25 ജനുവരി 2021.
{{cite web}}: CS1 maint: url-status (link) - ↑ "Personal Protective Equipments (PPE) -Prerequisites, Rationale and Challenges during COVID 19 Pandemic". ResearchGate (in ഇംഗ്ലീഷ്). Retrieved 17 ഫെബ്രുവരി 2021.
- ↑ Lam, Simon Ching; Suen, Lorna Kwai Ping; Cheung, Teris Cheuk Chi (മേയ് 2020). "Global risk to the community and clinical setting: Flocking of fake masks and protective gears during the COVID-19 pandemic". American Journal of Infection Control. 48 (8): 964–965. doi:10.1016/j.ajic.2020.05.008. PMC 7219383. PMID 32405127.