വരേണ്യത
ഉയർന്ന ബുദ്ധി, സമ്പത്ത്, ശക്തി, ശാരീരിക ആകർഷണം, ശ്രദ്ധേയത, പ്രത്യേക കഴിവുകൾ, അനുഭവം അല്ലെങ്കിൽ മറ്റ് അഭിലഷണീയമായ സ്വഭാവവിശേഷതകൾ എന്നിങ്ങനെയുള്ള അന്തർലീനവും അഭിലഷണീയവുമായ ഗുണങ്ങളുള്ളതായി സ്വയം കരുതുകയും, , അതിനാൽ മറ്റുള്ളവരേക്കാൾ തനിക്ക് വലിയ സ്വാധീനമോ അധികാരമോ അർഹിക്കുന്നുവെന്നും ചിന്തിക്കുന്ന, ഒരു വരേണ്യവർഗത്തെ രൂപപ്പെടുത്തുന്ന വ്യക്തികളുടെ വിശ്വാസമോ ധാരണയോ ആണ് വരേണ്യത അഥവാ എലൈറ്റിസം. [1] പരിമിതമായ ആളുകളുടെ കൈകളിൽ അധികാരം കേന്ദ്രീകരിക്കപ്പെടുന്ന ഒരു സാഹചര്യത്തെ വിവരിക്കാൻ എലൈറ്റിസം എന്ന പദം ഉപയോഗിക്കാം. സമത്വവാദം, ആന്റി-ഇന്റലെക്ചലിസം, പോപ്പുലിസം, ബഹുസ്വരതയുടെ രാഷ്ട്രീയ സിദ്ധാന്തം എന്നിവ വരേണ്യത്വത്തിന് എതിരായ വിശ്വാസങ്ങളിൽ ഉൾപ്പെടുന്നു.
സമൂഹത്തിലെ വരേണ്യ സ്വാധീനത്തിന്റെ സാമൂഹ്യശാസ്ത്രപരമോ രാഷ്ട്രീയപരമോ ആയ വിശകലനമാണ് എലൈറ്റ് സിദ്ധാന്തം: വരേണ്യ സൈദ്ധാന്തികർ ബഹുസ്വരതയെ ഒരു ഉട്ടോപ്യൻ ആദർശമായി കണക്കാക്കുന്നു.
എലൈറ്റിസം, സാമൂഹ്യശാസ്ത്രജ്ഞർ "സോഷ്യൽ സ്‌ട്രാറ്റിഫിക്കേഷൻ" വിളിക്കുന്ന സാമൂഹിക വിഭാഗവുമായും അടുത്ത് ബന്ധപ്പെട്ടിരിക്കുന്നു. ആധുനിക പാശ്ചാത്യ സമൂഹങ്ങളിൽ, സോഷ്യൽ സ്‌ട്രാറ്റിഫിക്കേഷൻ സാധാരണയായി, ഉയർന്ന ക്ലാസ്, മധ്യവർഗം, താഴ്ന്ന ക്ലാസ് എന്നിങ്ങനെ മൂന്ന് വ്യത്യസ്ത സാമൂഹിക വിഭാഗങ്ങളുടെ അടിസ്ഥാനത്തിൽ നിർവചിക്കപ്പെടുന്നു. [2]
"എലൈറ്റ്" എന്നതിന്റെ ചില പര്യായങ്ങൾ "ഉന്നതവർഗ്ഗം" അല്ലെങ്കിൽ "പ്രഭുവർഗ്ഗം" ആയിരിക്കാം, ഇത് സൂചിപ്പിക്കുന്നത് ഒരു സമൂഹത്തിൽ പ്രസ്തുത വ്യക്തിക്ക് താരതമ്യേന വലിയ നിയന്ത്രണമുണ്ടെന്ന് ആണ്. വ്യക്തിപരമായ നേട്ടങ്ങളല്ല, സാമൂഹിക സാമ്പത്തിക മാർഗങ്ങൾ കാരണം ഈ സ്ഥാനം നേടുന്നവരും ഇതിൽ ഉൾപ്പെടുന്നു. എന്നിരുന്നാലും, വരേണ്യതയെ ഒരു രാഷ്ട്രീയ സിദ്ധാന്തമായി ചർച്ച ചെയ്യുമ്പോൾ ഈ നിബന്ധനകൾ തെറ്റിദ്ധരിപ്പിക്കുന്നതാണ്, കാരണം അവ പലപ്പോഴും നെഗറ്റീവ് "ക്ലാസ്" അർത്ഥങ്ങളുമായി ബന്ധപ്പെട്ടിരിക്കുന്നു. [3]
സ്വഭാവഗുണങ്ങൾ
തിരുത്തുകഒരു എലൈറ്റിനെ തിരിച്ചറിയുന്ന ആട്രിബ്യൂട്ടുകൾ വ്യത്യാസപ്പെടുന്നു; വ്യക്തിപരമായ നേട്ടം അതിന് അത്യാവശ്യമാകണമെന്നില്ല. എന്നാൽ ഉന്നത നിലവാരത്തിലുള്ള സർവ്വകലാശാലകളിൽ നിന്നുള്ള ബിരുദങ്ങൾ അല്ലെങ്കിൽ ശ്രദ്ധേയമായ ഇന്റേൺഷിപ്പുകളും ജോലി വാഗ്ദാനങ്ങളും, അതുപോലെ മാതാപിതാക്കളിൽ നിന്നോ മുത്തശ്ശിമാരിൽ നിന്നുള്ള പാരമ്പര്യമോ പോലുള്ള വ്യക്തിഗത അവസ്ഥകളെ അടിസ്ഥാനമാക്കിയും എലൈറ്റ് സ്റ്റാറ്റസ് ലഭിക്കാം.
ഒരു പദമെന്ന നിലയിൽ, "വരേണ്യത" എന്നത് സാധാരണയായി സമൂഹത്തിലെ ഏറ്റവും ഉയർന്ന വിഭാഗത്തിലെ അംഗങ്ങളായ ഒരു വ്യക്തിയെ അല്ലെങ്കിൽ ആളുകളുടെ ഗ്രൂപ്പിനെ വിവരിക്കുന്നു, സമ്പത്തിന് ആ വർഗ്ഗ നിർണ്ണയത്തിന് സംഭാവന നൽകാൻ കഴിയും. എലൈറ്റ് സൈദ്ധാന്തികർ സാധാരണഗതിയിൽ വരേണ്യവർഗത്തിന്റെ സ്വഭാവസവിശേഷതകളായി ഉദ്ധരിക്കപ്പെടുന്ന വ്യക്തിഗത സ്വാബ സവിശേഷതകളിൽ ഒരു പ്രത്യേക മേഖലയെ കുറിച്ചുള്ള കഠിനമായ പഠനം അല്ലെങ്കിൽ അതിനുള്ളിലെ മഹത്തായ നേട്ടം; ആവശ്യപ്പെടുന്ന ഫീൽഡിലെ കഴിവിന്റെ ഒരു നീണ്ട ട്രാക്ക് റെക്കോർഡ്; ഒരു നിർദ്ദിഷ്‌ട ജോലിയിൽ (ഉദാ: വൈദ്യം അല്ലെങ്കിൽ നിയമം) സമർപ്പണത്തിന്റെയും പ്രയത്നത്തിന്റെയും വിപുലമായ ചരിത്രം അല്ലെങ്കിൽ ഒരു നിശ്ചിത മേഖലയ്ക്കുള്ളിൽ ഉയർന്ന തോതിലുള്ള നേട്ടം, പരിശീലനം അല്ലെങ്കിൽ ജ്ഞാനം ഇവ ഉൾപ്പെടുന്നു.
രാഷ്ട്രീയ സമത്വവാദത്തിനും ജനകീയതയ്ക്കും വിരുദ്ധമായി ടെക്നോക്രസി, മെറിറ്റൊക്രസി, കൂടാതെ/അല്ലെങ്കിൽ പ്ലൂട്ടോക്രസി പോലുള്ള സാമൂഹിക വ്യവസ്ഥകളെ എലൈറ്റിസ്റ്റുകൾ അനുകൂലിക്കുന്നു. കുറച്ച്വ്യക്തികൾ മാത്രമേ സമൂഹത്തെ യഥാർത്ഥത്തിൽ മാറ്റുന്നുള്ളൂവെന്ന് വരേണ്യവാദികൾ വിശ്വസിക്കുന്നു. [4]
വരേണ്യത ഒരേ സ്വഭാവ രീതിയിൽ പൂർണ്ണമായും നിർവചിക്കാൻ കഴിയില്ല. അതിന്റെ വ്യാഖ്യാനങ്ങൾ കാലക്രമേണ വിശാലമായേക്കാം. കമ്മ്യൂണിറ്റികൾക്കോ ഗ്രൂപ്പുകൾക്കോ വരേണ്യതയുടെ സ്വന്തം വ്യാഖ്യാനങ്ങൾ സൃഷ്ടിക്കാൻ കഴിയും. ഈ എലൈറ്റിസത്തിന്റെ എല്ലാ രൂപങ്ങളുടെയും പൊതുവായ സ്വഭാവം, അത് ഏതെങ്കിലും തരത്തിലുള്ള കനത്ത ശ്രേഷ്ഠത കാണിക്കുന്നു എന്നതാണ്.
ഇതും കാണുക
തിരുത്തുക
അവലംബം
തിരുത്തുക- ↑ "elitist | Definition of elitist in English by Oxford Dictionaries". Oxford Dictionaries | English. Archived from the original on September 25, 2016. Retrieved March 4, 2019.
- ↑ Saunders, Peter (1990). Social Class and Stratification. Routledge. ISBN 978-0-415-04125-6.
- ↑ "ELITIST | meaning in the Cambridge English Dictionary". dictionary.cambridge.org (in ഇംഗ്ലീഷ്). Retrieved March 4, 2019.
- ↑ "Elite (elitist) theory". auburn.edu. Auburn University. Retrieved 13 August 2014.
പുറം കണ്ണികൾ
തിരുത്തുക- ഡെറെസിവിക്‌സ്, വില്യം (ജൂൺ 2008). എലൈറ്റ് വിദ്യാഭ്യാസത്തിന്റെ പോരായ്മകൾ. "നമ്മുടെ മികച്ച സർവ്വകലാശാലകൾ മറന്നുപോയിരിക്കുന്നു, അവ നിലനിൽക്കുന്നതിന്റെ കാരണം വ്യക്തിത്വം സൃഷ്ടിക്കലാണ്, ജോലിയുണ്ടാക്കാലല്ല എന്ന്." അമേരിക്കൻ സ്കോളർ. വില്യം ഡെറെസിവിച്ചിന്റെ എക്സലന്റ് ഷീപ്പ് (ഏപ്രിൽ 2015), ഫോറിൻ അഫയേഴ്സ് എന്ന പുസ്തകത്തിന്റെ അവലോകനം