ഭദ്രാക്ഷം

ഭദ്രാക്ഷം
	ഭദ്രാക്ഷത്തിന്റെ ഇലകളും മൊട്ടുകളും
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Rosids
Order:	Oxalidales
Family:	Elaeocarpaceae
Genus:	Elaeocarpus
Species:	E. tuberculatus
Binomial name
	Elaeocarpus tuberculatus; Roxb.

ഭദ്രാക്ഷം എന്നറിയപ്പെടുന്ന മറ്റൊരു ചെടിയെക്കുറിച്ചറിയാൻ, ദയവായി വെള്ളമോദകം കാണുക.

രുദ്രാക്ഷത്തിന്റെ കുടുംബമായ ഇലിയോകാർപേസീയിലെ ഒരു വലിയമരമാണ് ഭദ്രാക്ഷം അഥവാ അമ്മക്കാരം (ശാസ്ത്രീയനാമം: Elaeocarpus tuberculatus). ഈ മരത്തെയും രുദ്രാക്ഷം എന്നു വിളിക്കാറുണ്ട്. ഏകദേശം 40 മീറ്ററോളം ഉയരം വയ്ക്കുന്ന വന്മരമാണിത്. പൊതുവേ ഇന്തോമലേഷ്യൻ ജൈവമണ്ഡലത്തിൽ കാണപ്പെടുന്ന ഭദ്രാക്ഷം പശ്ചിമഘട്ടത്തിലും കണ്ടെത്താനാവും^[1]. കാഴ്ചയ്ക്ക് തല്ലിമരവുമായി നല്ല സാമ്യം തോന്നും. രുദ്രാക്ഷത്തിന്റെ കായ ഉരുണ്ടതാണ്. അതിന്റെ കുറച്ച് പരന്ന രൂപമാണ് ഭദ്രാക്ഷത്തിന്റെ കായയ്ക്ക്. കായയ്ക്ക് ഔഷധഗുണമുണ്ട്^[2]. കായകൾക്ക് മുളയ്ക്കൽ ശേഷി കുറവാണ്^[3]. രുദ്രാക്ഷത്തിന് പകരം ഇതിന്റെ കായകൾ ഉപയോഗിക്കാറുണ്ട്^[4].