കാരമാവ്

കാരമാവ്
	കാരമാവിന്റെ കായകൾ
ശാസ്ത്രീയ വർഗ്ഗീകരണം
കിങ്ഡം:	Plantae
(unranked):	Angiosperms
(unranked):	Eudicots
(unranked):	Rosids
Order:	Oxalidales
Family:	Elaeocarpaceae
Genus:	Elaeocarpus
Species:	E. serratus
Binomial name
	Elaeocarpus serratus; Linnaeus, 1753
Synonyms
	Elaeocarpus adenophyllus Wall. [Invalid]; Elaeocarpus barnardii Burkill; Elaeocarpus cuneatus Wight; Elaeocarpus ganitrus Roxb. ex G.Don; Elaeocarpus malabaricus Oken; Elaeocarpus perim-kara DC.; Elaeocarpus perincara Buch.-Ham.; Elaeocarpus sphaericus (Gaertn.) K.Schum. [Illegitimate]; Ganitrus roxburghii Wight; Ganitrus sphaerica Gaertn.; Misipus serratus Raf.; Monocera serrata Turcz.;

ഇലിയോകാർപ്പേസീ സസ്യകുടുംബത്തിൽപ്പെട്ട, ഇന്ത്യൻ ഉപഭൂഖണ്ഡത്തിലും, ഇന്തോ- ചൈന തെക്ക് കിഴക്കൻ ഏഷ്യ എന്നിവിടങ്ങളിലും കണ്ടുവരുന്ന ഒരു ഫലവൃക്ഷമാണ് കാരമാവ്. ശ്രീലങ്കയാണ് സ്വദേശം. (ശാസ്ത്രീയനാമം: Elaeocarpus serratus). അവി, അവിൽ, നല്ലകാര, പെരിങ്കാര, പെരുങ്കാര, വലിയ കാര എന്നെല്ലാം അറിയപ്പെടുന്നു.

വിവരണം

18 മീറ്ററോളം ഉയരം വയ്ക്കും^[2]. ഏകാന്തരന്യാസത്തിൽ വിന്യസിച്ചിട്ടുള്ള മിനുസമുള്ള ലഘുപത്രങ്ങളുടെ അരികുകൾ ദന്തുരങ്ങളാണ്. കൊഴിയാറാകുമ്പോൾ ഇലകൾക്ക് ചുവന്ന നിറം ആകുന്നു.^[3] വെളുത്ത പൂക്കൾ പത്രകക്ഷങ്ങളിലെ റെസീം പൂങ്കുലകളിൽ വിരിയുന്നു. പച്ചനിറത്തിലുള്ള മാംസളമായ കായകൾക്കുള്ളിൽ കട്ടിയുള്ള ഒറ്റ വിത്ത് ഉണ്ട്. ^[4] ഇലകൾ വിഷത്തിനെതിരെയും വാതത്തിനും ഔഷധമാണ്^[5]. കാരയ്ക്ക എന്ന് വിളിക്കുന്ന കായകൾ ഭക്ഷ്യയോഗ്യമാണ്. നല്ല അളവിൽ പ്രോട്ടീനും അന്നജവും അടങ്ങിയിട്ടുണ്ട്.