ഡൈഡോ

ഒരു ബ്രിട്ടീഷ് പോപ് ഗായികയും സംഗീതജ്ഞയുമാണ് ഡൈഡോ (ജനനനാമം: ഫ്ലോറിയൻ ക്ലൊഡ് ഡി ബോൻവില്ലെ ആംസ്റ്റ്രോങ്; ജനനം: 25 ഡിസംബർ 1979). 21 ദശക്ഷത്തിലധികം റെക്കോഡുകൾ വിറ്റഴിച്ച ഡൈഡോ ലോകത്തിലെ ഏറ്റവുമധികം വിൽക്കപ്പെടുന്ന ആർടിസ്റ്റുകളിൽ ഒരാളാണ്.

ഡൈഡോ
ജന്മനാമം	ഫ്ലോറിയൻ ക്ലൊഡ് ഡി ബോൻവില്ലെ ആംസ്റ്റ്രോങ്
ഉത്ഭവം	ലണ്ടൻ, യു.കെ.
തൊഴിൽ(കൾ)	സംഗീതജ്ഞ
ഉപകരണ(ങ്ങൾ)	വോക്കൽസ്, പിയാനോ, ഗിറ്റാർ, ഡ്രംസ്, റെക്കോഡർ
വർഷങ്ങളായി സജീവം	1995–present
ലേബലുകൾ	ചീക്കി, അരിസ്റ്റ, സോണി മ്യൂസിക്

Dido (2019)

ജീവിതരേഖ

1979-ലെ ക്രിസ്തുമസ് രാത്രിയിൽ ലണ്ടനിലെ കെൻസിങ്ടണിലാണ് ഡൈഡോ ജനിച്ചത്. ഫ്ലോറിയൻ ക്ലൊഡ് ഡി ബോൻവില്ലെ ആംസ്റ്റ്രോങ് എന്നയിരുന്നു ജനനനാമെങ്കിലും ഇതിഹാസ കഥാപാത്രമായ കാത്രിജിലെ രാജ്ഞിയുടെ നാമമായ ഡൈഡോ എന്ന പേർ പിന്നീട് സ്വീകരിച്ചു. ഡൈഡോ എന്നാണ് യഥാർഥ ഉച്ചാരണമെങ്കിലും ഡിഡോ എന്നാണ് യൂറോപ്പും ഇന്ത്യയും ഉൾപ്പെടെ പല രാജ്യങ്ങളിലും അറിയപ്പെടുന്നത്.

1995-ൽ ഓഡ്സ് & എൻഡ്സ് എന്ന ആൽബം റെക്കോഡ് ചെയ്താണു ഡൈഡോ കരിയർ ആരംഭിക്കുന്നത്. എന്നാൽ ഈ ആൽബം റിലീസു ചെയ്യുകയോ ശ്രദ്ധിക്കപ്പെടുകയോ ഉണ്ടായില്ല. 1999-ൽ ചെയ്ത നോ ഏഞ്ജൽ എന്ന ആൽബവും പ്രാരംഭത്തിൽ വൻ പരാജയമായിരുന്നു. എന്നാൽ പിന്നീട് നോ ഏഞ്ജലിലെ "താങ്ക് യു" എന്ന ഗാനം എമിനെം അദ്ദേഹത്തിന്റെ "സ്റ്റാൻ" എന്ന ഗാനത്തിനായി സാമ്പിൾ ചെയ്തതോടെ ആ ആൽബം ശ്രദ്ധിക്കപ്പെട്ടു, ഒപ്പം ഡൈഡോയും. "നോ ഏഞ്ജൽ" 2001-ലെ ലോകത്തിൽ ഏറ്റവും കൂടുതൽ വിറ്റഴിഞ്ഞ ആൽബമായി മാറി. പിന്നീട് റിലീസ് ചെയ്ത ലൈഫ് ഫോർ റെന്റ് (2003), സേഫ് ട്രിപ് ഹോം (2008) എന്നീ ആൽബങ്ങളും വൻ വിജയങ്ങളായതോടെ ഡൈഡോ ലോകത്തിലെ ഏറ്റവും വലിയ പോപ് സംഗീതജ്ഞരിലൊരാളായി മാറി. നിരവധി ബ്രിറ്റ് പുരസ്കാരങ്ങളും ഗ്രാമ്മി നോമിനേഷനുകളും ലഭിച്ച ഡൈഡോ 2011-ലെ ഓസ്കാർ പുരസ്കാരത്തിനു നോമിനേറ്റ് ചെയ്യപ്പെട്ടിട്ടുണ്ട്. ഇന്ത്യൻ സംഗീതജ്ഞനായ എ.ആർ. റഹ്‌മാന്റെ സംഗീതത്തിൽ 127 അവേർസ് എന്ന ചിത്രത്തിനായി പാടിയ "ഇഫ് ഐ റൈസ്" എന്ന ഗാനത്തിനാണ് നോമിനേഷൻ ലഭിച്ചത്.

ഗാനരചയിതാവും സംഗീതജ്ഞനുമായ റോളോ ആംസ്റ്റ്രോങ് സഹോദരനാണ്.

ഡിസ്കോഗ്രഫി

ആൽബങ്ങൾ

• ഓഡ്സ് & എൻഡ്സ് (പുറത്തിറങ്ങാത്ത ആൽബം)
• നോ ഏഞ്ജൽ (1991)
• ലൈഫ് ഫോർ റെന്റ് (2003)
• സേഫ് ട്രിപ് ഹോം (2008)

സിംഗിളുകൾ

• "താങ്ക് യു" (നോ ഏഞ്ജൽ; 2000)
• "ഹിയർ വിത് മി" (നോ ഏഞ്ജൽ; 2001)
• "ഹൻടർ" (നോ ഏഞ്ജൽ; 2001)
• "ഓൾ യൂ വാൻട്" (നോ ഏഞ്ജൽ; 2001)
• "വൈറ്റ് ഫ്ലാഗ്" (ലൈഫ് ഫോർ റെന്റ്; 2003)
• "ലൈഫ് ഫോർ റെന്റ്" (ലൈഫ് ഫോർ റെന്റ്; 2003)
• "ഡോണ്ട് ലീവ് ഹോം" (ലൈഫ് ഫോർ റെന്റ്; 2004)
• "സാന്റ് ഇൻ മൈ ഷൂസ്" (ലൈഫ് ഫോർ റെന്റ്; 2004)
• "ഡോണ്ട് ബിലീവ് ഇൻ ലവ്" (സേഫ് ട്രിപ് ഹോം; 2008)
• "ക്വയറ്റ് ടൈംസ്" (സേഫ് ട്രിപ് ഹോം; 2009)
• "ഇറ്റ് കംസ് ആൻഡ് ഇറ്റ് ഗോസ്" (സേഫ് ട്രിപ് ഹോം; 2009)
• "എവെരിതിംഗ് ടു ലൂസ്" (പുറത്തിറങ്ങാനിരിക്കുന്ന ആൽബത്തിലെ ഗാനം)

മറ്റു പ്രധാന ഗാനങ്ങൾ

• "സ്റ്റാൻ" (എമിനെമുമായി ചേർന്ന്; ആൽബം: ദ മാർഷൽ മാതേർസ്)
• "ഫീൽസ് ലൈക് ഫയർ" (സന്റാനയുമായി ചേർന്ന്; ആൽബം: ഷാമൻ)
• "ഐ ഈറ്റ് ഡിന്നർ" (റൂഫസ് വെയിന്രൈറ്റുമായി ചേർന്ന്; ചിത്രം: ബ്രിജിറ്റ് ജോൺസ്: ദി എഡ്ജ് ഓഫ് റീസൺ)
• "ഇഫ് ഐ റൈസ്" (എ.ആർ. റഹ്‌മാനുമായി ചേർന്ന്; ചിത്രം: 127 അവേർസ്)