ദമാസ്കസ് സർവ്വകലാശാല

(Damascus University എന്ന താളിൽ നിന്നും തിരിച്ചുവിട്ടതു പ്രകാരം)

ദമാസ്കസ് സർവ്വകലാശാല (അറബിക്: جَامِعَةُ دِمَشْقَ, Jāmi‘atu Dimashq) സിറിയയിലെ ഏറ്റവും വലുതും പഴക്കമുള്ളതുമായ ഒരു സർവ്വകലാശാലയാണ്. തലസ്ഥാനമായ ദമാസ്കസിൽ സ്ഥിതി ചെയ്യുന്ന ഈ സർവ്വകലാശാലയ്ക്ക് മറ്റ് സിറിയൻ നഗരങ്ങളിലും കാമ്പസുകളുമുണ്ട്. സ്കൂൾ ഓഫ് മെഡിസിൻ (സ്ഥാപിതം 1903), ഇൻസ്റ്റിറ്റ്യൂട്ട് ഓഫ് ലോ (സ്ഥാപിതം 1913) എന്നീ രണ്ട് സ്ഥാപനങ്ങളുടെ ലയനത്തിലൂടെ 1923 ൽ ഇത് സ്ഥാപിതമായി. 1958 വരെ സിറിയൻ സർവ്വകലാശാല എന്ന പേര് വഹിച്ചിരുന്ന ഇത് അലപ്പോ സർവ്വകലാശാല സ്ഥാപിതമായതിനുശേഷം പേര് മാറി. ഒമ്പത് പൊതു സർവ്വകലാശാലകളും പത്തിലധികം സ്വകാര്യ സർവ്വകലാശാലകളും സിറിയയിലുണ്ട്. 2011 ൽ സിറിയയിൽ യുദ്ധം ആരംഭിക്കുന്നതിന് മുമ്പ് അറബ് ലോകത്തെ ഏറ്റവും മതിപ്പുള്ള സർവകലാശാലകളിലൊന്നായിരുന്നു ഡമാസ്കസ് സർവകലാശാല.[4] ദമാസ്കസ് സർവകലാശാലയിൽ നിരവധി ഫാക്കൽറ്റികൾ, ഉന്നത ഇൻസ്റ്റിറ്റ്യൂട്ടുകൾ, ഇന്റർമീഡിയറ്റ് ഇൻസ്റ്റിറ്റ്യൂട്ടുകൾ, നഴ്സിങ് വിദ്യാലയം എന്നിവ ഉൾപ്പെടുന്നു. അറബ് ലോകത്തെ ഇത്തരത്തിലുള്ള ഏറ്റവും വലിയ സ്ഥാപനമായ വിദേശികളെ അറബി ഭാഷ പഠിപ്പിക്കുന്ന ഒരു സ്ഥാപനം ഇതിൽ പ്രത്യേകം ശ്രദ്ധിക്കപ്പെടുന്നു.[5]

ദമാസ്കസ് സർവ്വകലാശാല
جَامِعَةُ دِمَشْقَ
പ്രമാണം:Damascus University.png
ദമാസ്കസ് സർവ്വകലാശാല
മുൻ പേരു(കൾ)
സിറിയൻ സർവ്വകലാശാല (1923–1958)
ആദർശസൂക്തം"وَقُل رَّبِّ زِدْنِي عِلْمًا" 20:114
തരംPublic
സ്ഥാപിതം1923 (1903-ൽ മെഡിക്കൽ സ്കൂൾ)
പ്രസിഡന്റ്മുഹമ്മദ് ഒസാമ അൽജബ്ബാൻ [1]
കാര്യനിർവ്വാഹകർ
2,653 [2]
വിദ്യാർത്ഥികൾ210,929 [3]
ബിരുദവിദ്യാർത്ഥികൾ197,493
13,436
ഗവേഷണവിദ്യാർത്ഥികൾ
1,211
സ്ഥലംദമാസ്കസ്, സിറിയ
ക്യാമ്പസ്Urban
വെബ്‌സൈറ്റ്damascusuniversity.edu.sy

ചരിത്രംതിരുത്തുക

1901-ൽ, ദമാസ്കസിലെ സ്കൂൾ ഓഫ് മെഡിസിൻ ഓഫീസ് സ്ഥാപിക്കുന്നതിന് അംഗീകാരം ലഭിച്ചതോടെ 1903-ൽ സർവ്വകലാശാലയുടെ മർമ്മ ഭാഗമായ ഈ സ്കൂൾ ആരംഭിച്ചു. മെഡിസിൻ, ഫാർമസി ശാഖകൾ ഉൾപ്പെടുന്ന ഈ വിദ്യാലയത്തിലെ പ്രബോധന ഭാഷ തുർക്കിഷ് ആയിരുന്നു. 1913-ൽ ബെയ്റൂത്തിൽ ആരംഭിച്ച ഒരു നിയമ വിദ്യാലയത്തിലെ ഭൂരിഭാഗം അധ്യാപകരും അറബികളും പ്രബോധന ഭാഷ അറബിയും ആയിരുന്നു. 1914-ൽ സ്കൂൾ ഓഫ് മെഡിസിൻ ബെയ്റൂത്തിലേക്ക് മാറിയതുപോലെ ഈ വിദ്യാലയും ദമാസ്കസിലേക്കും മാറ്റി. ഒന്നാം ലോകമഹായുദ്ധത്തിന്റെ അവസാന വർഷങ്ങളിൽ നിയമവിദ്യാലയം ബെയ്റൂട്ടിലേക്ക് തിരിച്ചെത്തി. അതിനെത്തുടർന്ന് ഇൻസ്റ്റിറ്റ്യൂട്ട് ഓഫ് മെഡിസിനും സ്കൂൾ ഓഫ് ലോയും ഡമാസ്കസിൽ ആരംഭിക്കുകയും ആദ്യത്തേത് 1919 ജനുവരിയുടെ തുടക്കത്തിലും രണ്ടാമത്തേത് അതേ വർഷം സെപ്റ്റംബറിലുമാണ് ആരംഭിച്ചത്. 1923-ൽ സ്കൂൾ ഓഫ് ലോയെ ഇൻസ്റ്റിറ്റ്യൂട്ട് ഓഫ് ലോ എന്ന് പുനർനാമകരണം നടത്തുകയും ഈ സ്ഥാപനം ഇൻസ്റ്റിറ്റ്യൂട്ട് ഓഫ് മെഡിസിൻ, അറബ് സൊസൈറ്റി, സെന്റർ ഓഫ് അറബിക് ഹെറിറ്റേജ് എന്നിവയുമായി ബന്ധപ്പെടുത്തി സിറിയൻ സർവ്വകലാശാല എന്ന പേരിൽ സംഘടിപ്പിച്ചു.

ചിത്രശാലതിരുത്തുക

അവലംബംതിരുത്തുക

  1. "President of Damascus University".
  2. "جامعة دمشق". Mohe.gov.sy. 2012-01-02. ശേഖരിച്ചത് 2015-08-25.
  3. [1] Archived 14 July 2014 at the Wayback Machine.
  4. "Top Arab World (Ranking as of 2010)". മൂലതാളിൽ നിന്നും 22 February 2010-ന് ആർക്കൈവ് ചെയ്തത്. ശേഖരിച്ചത് 15 January 2022.
  5. Spender, Tom (10 May 2005). "A new 'Mecca of Arabic studies'?". The Christian Science Monitor. ശേഖരിച്ചത് 31 March 2007.
"https://ml.wikipedia.org/w/index.php?title=ദമാസ്കസ്_സർവ്വകലാശാല&oldid=3735298" എന്ന താളിൽനിന്ന് ശേഖരിച്ചത്