താനെ ചുഴലിക്കാറ്റ്

ചുഴലിക്കാറ്റ് താനെ (06B)
Very severe cyclonic storm (IMD scale)
Category 2 tropical cyclone (SSHWS)
	താനെ ചുഴലിക്കാറ്റ് ഡിസംബർ 29ന് ബംഗാൾ ഉൾക്കടലിനു മുകളിലായി, അതിന്റെ ഏറ്റവും തീവ്രതയിൽ
Formed	ഡിസംബർ 25, 2011
Dissipated	ഡിസംബർ 31, 2011
Highest winds	3-minute sustained: 140 km/h (85 mph) ; 1-minute sustained: 165 km/h (105 mph) ;
Lowest pressure	969 hPa (mbar); 28.61 inHg
Fatalities	48
Damage	$235 million (2011 USD)
Areas affected	തെക്കേ ഇന്ത്യ, ശ്രീലങ്ക
	Part of the 2011ലെ ഉത്തര ഇന്ത്യാമഹാസമുദ്ര ചുഴലിക്കാറ്റുകാലം

ഇന്ത്യാമഹാസമുദ്രത്തിൽ ഇൻഡോനേഷ്യയ്ക്ക് സമീപത്തു നിന്നും 2011 ഡിസംബർ 23നു ഉത്ഭവിച്ച ഉഷ്ണമേഖല ചുഴലിക്കാറ്റാണ് താനെ ചുഴലിക്കാറ്റ്. 2011 ഡിസംബർ 30ന് അതിരാവിലെ ഇത് തമിഴ്നാട് , ആന്ധ്രാപ്രദേശ്‌ തീരങ്ങളിൽ ആഞ്ഞടിച്ചു. മണിക്കൂറിൽ 120 കിലോമീറ്റർ വരെ ആഞ്ഞുവീശിയ കാറ്റ് ഒട്ടനവധി ആളപയാവും നാശനഷ്ടങ്ങളും വരുത്തുകയുണ്ടായി. ^[1]

പേരിന്റെ ഉൽഭവം

മ്യാൻമാറിലെ ജ്യോതിഷ്യ പണ്ഡിതനായ മിൻ താനെ കായുടെ സ്മരണാർഥമാണ് താനെ എന്ന പേരിട്ടത്. അതത് മേഖലകളിലെ വിവിധ രാജ്യങ്ങൾ ഊഴമനുസരിച്ചാണ് കാറ്റുകൾക്ക് പേരിട്ടു കൊണ്ടിരിക്കുന്നത്. 2004 മുതൽ അഞ്ച് തവണ രൂപം കൊണ്ട ചുഴലികാറ്റുകൾക്ക് ലൈല (പാകിസ്താൻ), ബന്ധു (ശ്രീലങ്ക), ബെറ്റ്(തായലന്റ്), ഗിരി(ബംഗ്ളാദേശ്), ജൽ (ഇന്ത്യ), കെയ്ല (മാലദ്വീപ്) എന്നിങ്ങനെയാണ് നാമകരണം ചെയ്തത്. ബംഗാൾ ഉൾക്കടലിലും അറബിക്കടലിലും ഉണ്ടാകുന്ന ചുഴലിക്കാറ്റിന് പേരിടാനുള്ള അവകാശം ഇന്ത്യ, പാകിസ്താൻ, ശ്രീലങ്ക, ബംഗ്ളാദേശ്, മാലദ്വീപ്, മ്യാൻമർ, ഒമാൻ, തായ്ലൻഡ് എന്നീ രാജ്യങ്ങൾക്കാണ്.^[2] അടുത്തതായി ബംഗാൾ ഉൾക്കടലിൽ രൂപം കൊള്ളുന്ന കൊടുങ്കാറ്റിന് ശ്രീലങ്കയുടെ നിർദ്ദേശ പ്രകാരം മഹേശൻ എന്നു പേരിടുമെന്ന് ചെന്നൈ കാലാവസ്ഥാ നിരീക്ഷണ കേന്ദ്രത്തിന്റെ മേധാവി രമണൻ 2013 ഏപ്രിൽ 29-ാം തിയതി അറിയിച്ചു.^[3]