ഹെങ്കീലിയ പ്രദീപിയാന
|
ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക. |
കോഴിക്കോട് ജില്ലയിലെ വയനാടൻ മലനിരകളോട് ചേർന്നുകിടക്കുന്ന ജില്ലയിലെ വെള്ളരിമലയിൽ നിന്നും കണ്ടെത്തിയ സസ്യമാണ് ഹെങ്കീലിയ പ്രദീപിയാന (ശാസ്ത്രീയനാമം: Henckelia pradeepiana). ഈ സസ്യത്തെ ആദ്യമായി കണ്ടെത്തിയ ഡോ. എം.കെ. പ്രദീപിനോടുള്ള ബഹുമാനാർഥമാണ് ചെടിക്ക് ഈ പേരു നൽകിയത്[1]. ജസ്‌നീറിയേസി സസ്യകുടുംബത്തിൽ ഉൾപ്പെടുന്നതാണ് ഈ സസ്യം.
| ഹെങ്കീലിയ പ്രദീപിയാന | |
|---|---|
| ശാസ്ത്രീയ വർഗ്ഗീകരണം | |
| കിങ്ഡം: | |
| (unranked): | |
| (unranked): | |
| (unranked): | |
| Order: | |
| Family: | |
| Genus: | |
| Species: | H. pradeepiana
|
| Binomial name | |
| ഹെങ്കീലിയ പ്രദീപിയാന (Henckelia pradeepiana) | |
വിവരണം
തിരുത്തുകചെറു ഭൂകാണ്ഡങ്ങളും ഒറ്റയായുള്ള ഇലകളും ഗോളാകൃതിയുള്ള ഫലങ്ങളും വ്യത്യസ്തമായ നീളത്തിൽ ജോഡിതിരിഞ്ഞ പൂങ്കുലകളുമാണ് ഈ സസ്യത്തിനുള്ളത്.[2] മഴക്കാലം ആരംഭിക്കുന്നതോടെ മുളയ്ക്കുന്ന ചെടികൾ ജൂലൈ - ഓഗസ്റ്റ് മാസങ്ങളിൽ പുഷ്പിക്കുന്നു. ഒക്ടോബർ മാസം അവസാനിക്കുന്നതോടെ കായ്കൾ പൊട്ടുകയും ചെടി നശിച്ചുപോകുകയും ചെയ്യുന്നു.[1]
കണ്ടെത്തൽ
തിരുത്തുകഡോ. എം.കെ. പ്രദീപാണ് ഈ സസ്യത്തെ ആദ്യമായി കണ്ടെത്തിയത്. 1997-ൽ അദ്ദേഹം വെള്ളരിമല പ്രദേശത്ത് നിന്ന് സസ്യത്തെ കണ്ടെത്തി ശേഖരിച്ചിരുന്നു.[1][2] എന്നാൽ ഈ കണ്ടെത്തൽ സ്ഥിരീകരിക്കാനായി സസ്യത്തിന്റെ കൂടുതൽ സാമ്പിളുകൾ ലഭിച്ചിരുന്നില്ല. പിന്നീട് കാലിക്കറ്റ് യൂണിവേഴ്‌സിറ്റിയിലെ സസ്യശാസ്‌ത്ര വിഭാഗത്തിലെ പ്രൊഫ. സന്തോഷ് നമ്പിയും സസ്യ ഗവേഷകനായ കെ.എം. മനുദേവും ഉൾപ്പെട്ട സംഘം 2012-ൽ പ്രദേശത്തുനിന്നും കൂടുതൽ സസ്യങ്ങളെ കണ്ടെത്തി. മുത്തപ്പൻപുഴയുടെ വനപ്രദശത്തുനിന്നുമാണ് ഇവയെ കണ്ടെത്തിയത്[2]. ഈ സസ്യത്തെ ആദ്യമായി കണ്ടെത്തിയ ഡോ. എം.കെ. പ്രദീപിനോടുള്ള ബഹുമാനാർഥം ഇതിന് ഹെങ്കീലിയ പ്രദീപിയാന എന്ന പേരും നൽകി.
അവലംബം
തിരുത്തുക- ↑ 1.0 1.1 1.2 "ആർക്കൈവ് പകർപ്പ്". Archived from the original on 2013-03-27. Retrieved 2013-03-26.
- ↑ 2.0 2.1 2.2 "ആർക്കൈവ് പകർപ്പ്" (PDF). Archived from the original (PDF) on 2013-03-10. Retrieved 2013-03-27.