സുനിത വില്യംസ്

അമേരിക്കൻ പൗരത്വമുള്ള, ഇന്ത്യൻ-സ്ലോവേനിയൻ വംശജയായ ബഹിരാകാശയാത്രിക

(ജനനം: സെപ്റ്റംബർ 19 1965, യൂക്ലിഡ്, ഒഹയോ).[1] ദീപക് പാണ്ഡ്യയുടെയും ബോണി പാണ്ഡ്യയുടെയും മകളായി സുനിത 1965 സെപ്റ്റംബർ 19ന് ഓഹിയോവിലെ യൂക്ലിഡിലാണ് ജനിച്ചത്. അമേരിക്കൻ പൗരത്വമുള്ള സുനിത, പിതാവിലൂടെയും മാതാവിലൂടെയും യഥാക്രമം ഇന്ത്യൻ-സ്ലൊവേനിയൻ വംശപാരമ്പര്യം പിന്തുടരുന്നു.[2] മൈക്കേൽ ജെ. വില്യംസ് എന്ന പോലീസ് ഓഫീസറെയാണ് വിവാഹം കഴിച്ചിരിക്കുന്നത്. ബഹിരാകാശയാത്രക്ക് നാസ തെരഞ്ഞെടുക്കുന്ന രണ്ടാമത്തെ ഇന്ത്യൻ വംശജയാണ് സുനിത വില്യംസ്. ആദ്യത്തേത് കല്പന ചൗള ആയിരുന്നു. സ്ലോവേനിയൻ വംശജ എന്ന നിലയിലും ഇവർക്ക് രണ്ടാം സ്ഥാനമാണുള്ളത്. എന്നാൽ മറ്റു പല കാര്യങ്ങളിലും ഇവർക്ക് ഒന്നാംസ്ഥാനമാണുള്ളത്: ഉദ്ധരിച്ചതിൽ പിഴവ്: <ref> റ്റാഗിനു </ref> എന്ന അന്ത്യറ്റാഗ് നൽകിയിട്ടില്ല

സുനിത വില്യംസ്
Sunita Williams.jpg
നാസ ബഹിരാ‍കാശ സഞ്ചാരി
ദേശീയതഅമ്മേരിക്ക
മറ്റു തൊഴിൽ
Test pilot
റാങ്ക്കമ്മാൻഡർ, USN
ബഹിരാകാശത്ത് ചെലവഴിച്ച സമയം
194d 18h 02m
തിരഞ്ഞെടുക്കപ്പെട്ടത്1998 NASA Group
ദൗത്യങ്ങൾSTS-116, Expedition 14, Expedition 15, STS-117
ദൗത്യമുദ്ര
Sts-116-patch.png ISS Expedition 14 Patch.svg ISS Expedition 15 patch.svg STS-117 patch new2.svg

ബഹിരാകാശയാത്രകൾതിരുത്തുക

2006 ഡിസംബർ 9ന് ഡിസ്കവറി ബഹിരാകാശ പേടകത്തിൽ സുനിത വില്യംസ് തന്റെ ആദ്യത്തെ ബഹിരകാശ യാത്രക്ക് തുടക്കമിട്ടു. STS-116 എന്ന് പേരു നല്കിയിരുന്ന ഈ സംഘം പതിനാലാമത് പര്യവേക്ഷണസംഘത്തിൽ ചേർന്നു. പിന്നീട് ഈ സംഘത്തിലെ റഷ്യൻ അംഗങ്ങൾ മാറി പുതിയവർ വന്നതോടെ പതിനഞ്ചാം പര്യവേക്ഷണസംഘമായപ്പോൾ സുനിത അതിലും അംഗമായി. 2007 ജനുവരി 31ന് അവർ ആദ്യമായി ബഹിരാകാശത്തു നടന്നു. പിന്നീട് ഫെബ്രുവരി 7,9 ദിവസങ്ങളിൽ രണ്ടു നടത്തങ്ങൾ കൂടി. ഒമ്പതു ദിവസങ്ങൾക്കുള്ളിൽ മൂന്നു പ്രാവശ്യമായി ഇവർ 6മണിക്കൂറും 40 മിനിറ്റും ബഹിരാകാശത്തു നടന്നു. നാലാമത്തെ ബഹിരാകാശ നടത്തം കൂടി കഴിഞ്ഞതോടെ അവർ 29 മണിക്കൂറും 17 മിനിറ്റും ബഹിരാകശത്തു നടന്ന് പുതിയ റെക്കോർഡിനുടമായയി. 2007 ഡിസം 18ന് പെഗ്ഗി വിറ്റ്സൺ 32 മണിക്കൂറും 32 മിനിറ്റും പൂർത്തിയാക്കുന്നതു വരെ ഇതു നിലനിന്നു.[3][4]

2007 ഏപ്രിൽ 16ന് അന്താരാഷ്ട്ര ബഹിരകാശനിലയത്തിലെ ട്രെഡ് മില്ലിൽ ഓടിക്കൊണ്ട് അവർ 2007 ബോസ്റ്റൺ മാരത്തോണിൽ പങ്കെടുത്തു.[5] നാലു മണിക്കൂറും 24 മിനിറ്റുമാണ് അവർ അവിടെ ഓടിത്തീർത്തത്. അങ്ങനെ അദ്യമായി ബഹിരാകാശത്തു കൂടെ ഭൂമിയെ വലംവെച്ചുകൊണ്ട് മരത്തോൺ മത്സരത്തിൽ പങ്കെടുത്ത ആദ്യത്തെ വ്യക്തിയായി സുനിത..[6][7][8] 2008ൽ ബോസ്റ്റണിൽ വെച്ചു നടന്ന മാരത്തണിൽ ഇവർ ശരിക്കും പങ്കെടുത്തു.

 
ബോസ്റ്റൺ മാരത്തോണിൽ പങ്കെടുക്കുന്ന ആദ്യത്തെ ബഹിരാകാശ യാത്രിക.

STS 117 ദൗത്യത്തിലും പങ്കാളിയായ സുനിത വില്യം ഈ ദൗത്യസംഘത്തോടൊപ്പം 2007 ജൂൺ 22നാണ് ഭൂമിയിൽ മടങ്ങിയെത്തിയത്. അങ്ങനെ 195 ദിവസം ബഹിരാകാശത്തു താമസിച്ചുകൊണ്ട് ഇവർ പുതിയ ഒരു റെക്കാർഡ് കൂടി സൃഷ്ടിച്ചു. 215 ദിവസം ബഹിരാകാശത്തു കഴിച്ചു കൂട്ടിയ മിഷേൽ ലോപസ് അലേഗ്രിയ മാത്രമേ ഇപ്പോൾ സുനിത വില്യംസിനെക്കാൾ മുന്നിലുള്ളു. വനിതകളിൽ ഇവർ തന്നെയാണ് ഒന്നാമത്.[1][9][10]

മുപ്പത്തിരണ്ടാമത് പര്യവേക്ഷകസംഘത്തിന്റെ ഭാഗമായി സുനിതവില്യംസ് 2012 ജൂലൈ 14ന് റഷ്യൻ ബഹിരാകാശ പേടകമായ Soyuz TMA-05M എന്ന ബഹിരാകാശ പേടകത്തിൽ യാത്ര തിരിച്ചു. മുപ്പത്തിമൂന്നാമത് പര്യവേക്ഷകസംഘത്തിന്റെ കമാന്റർ പദവിയും അവർക്കായിരിക്കും.[11]

ബാഹിരാകാശനടത്തങ്ങൾതിരുത്തുക

സുനിതവില്യംസ് നാലു പ്രാവശ്യം ബഹിരാകാശത്ത് നടക്കുകയുണ്ടായിട്ടുണ്ട്.[12] നാലു പ്രാവശ്യവും കൂടി അവർ നടന്ന സമയം 29 മണിക്കൂറും 17 മിനിറ്റുമാണ്. 2012 ആഗസ്റ്റ് 30ന് ജപ്പാനീസ് ആസ്ട്രോനോട്ട് ആയ ഹോഷിഡെയോടൊത്ത് അവർ അഞ്ചാം വട്ടം ബഹിരാകാശത്ത് ഇറങ്ങി നടക്കും. കേടുവന്ന മെയിൻ ബസ് സ്വിച്ചിങ് യൂണിറ്റ്-1 മാറ്റിവെക്കുക, പ്രഷറൈസ്ഡ് മാറ്റിങ് അഡാപ്റ്റർ-2 സ്ഥാപിക്കുക എന്നീ കാര്യങ്ങൾ ചെയ്യുന്നതിനു വേണ്ടിയാണ് ഇപ്രാവശ്യം അവർ പേടകത്തിനു പുറത്തിറങ്ങുന്നത്.[13]

2007ലെ ഇന്ത്യാസന്ദർശനംതിരുത്തുക

2007ൽ സുനിതവില്യംസ് ഇന്ത്യയിലെത്തി സബർമതി ആശ്രമവും ഗുജറാത്തിൽ അവരുടെ പിതാവിന്റെ ജന്മഗ്രാമമായ ഝുലാസൻ എന്നിവിടങ്ങൾ സന്ദർശിച്ചു. ഈ സന്ദർശനവേളയിൽ വേൾഡ് ഗുജറാത്തി സൊസൈറ്റി അവർക്ക് സർദാർ വല്ലഭായി പട്ടേൽ വിശ്വപ്രതിഭാ അവാർഡ് നല്കുകയുണ്ടായി.[14] 2007 ഒക്ടോബർ 4ന് അമേരിക്കൻ എംബസി സ്ക്കൂളിൽ പ്രഭാഷണം നടത്തുകയും ഇന്ത്യൻ പ്രധാനമന്ത്രി മൻമോഹൻ സിങുമായി കൂടിക്കാഴ്ച നടത്തുകയും ചെയ്തു.[15]

അവലംബംതിരുത്തുക

  1. 1.0 1.1 NASA (2007). "Sunita L. Williams (Commander, USN)". National Aeronautics and Space Administration. ശേഖരിച്ചത് December 19, 2007.
  2. Jenny May (2006-12-06). "Woman takes leap to moon with part of Euclid". news-herald.com. മൂലതാളിൽ നിന്നും 2008-06-11-ന് ആർക്കൈവ് ചെയ്തത്. ശേഖരിച്ചത് 2007-06-08.
  3. CollectSpace (2007). "Astronauts make 100th station spacewalk". CollectSpace. ശേഖരിച്ചത് December 18, 2007.
  4. NASA (2007). "Spacewalkers Find No Solar Wing Smoking Gun". NASA. ശേഖരിച്ചത് December 18, 2007.
  5. Eldora Valentine (2007-04-06). "Race From Space Coincides with Race on Earth". NASA. ശേഖരിച്ചത് 2007-06-08.
  6. Zee News Limited (2007-04-17). "Sunita Williams Runs Marathon in Space". zeenews.com. ശേഖരിച്ചത് 2007-06-08.
  7. Jimmy Golen for The Associated Press (2007). "Astronaut to run Boston Marathon — in space". MSNBC. മൂലതാളിൽ നിന്നും 2010-01-02-ന് ആർക്കൈവ് ചെയ്തത്. ശേഖരിച്ചത് December 19, 2007.
  8. NASA (2007). "NASA Astronaut to Run Boston Marathon in Space". NASA. ശേഖരിച്ചത് December 19, 2007.
  9. Amateur Radio News (2007-02-05). "Ham-astronauts setting records in space". Amateur Radio News. ശേഖരിച്ചത് 2007-06-08.
  10. Mike Schneider for The Associated Press (2007). "Astronaut stuck in space — for now". MSNBC. മൂലതാളിൽ നിന്നും 2008-11-18-ന് ആർക്കൈവ് ചെയ്തത്. ശേഖരിച്ചത് December 19, 2007.
  11. "Sunita Williams' spacecraft docks with ISS". 17 July 2012.
  12. Bharat Yagnik (14 July 2012). "How Sunita Williams's dream lifted off". Times of India. ശേഖരിച്ചത് 18 July 2012.[പ്രവർത്തിക്കാത്ത കണ്ണി]
  13. Pete Harding, Chris Bergin and William Graham (14 July 2012). "Soyuz TMA-05M launches trio to the International Space Station". NASAspaceflight.com. ശേഖരിച്ചത് 18 July 2012.
  14. "Sunita Williams". മൂലതാളിൽ നിന്നും 2013-01-22-ന് ആർക്കൈവ് ചെയ്തത്. ശേഖരിച്ചത് 2012-05-24.
  15. American Embassy School (2007-10-05). "Astronaut Sunita Williams Visits AES". American Embassy School. മൂലതാളിൽ നിന്നും 2007-10-11-ന് ആർക്കൈവ് ചെയ്തത്. ശേഖരിച്ചത് 2007-10-07.



"https://ml.wikipedia.org/w/index.php?title=സുനിത_വില്യംസ്&oldid=3742053" എന്ന താളിൽനിന്ന് ശേഖരിച്ചത്