സി.എച്ച്. കുഞ്ഞമ്പു
പന്ത്രണ്ടാം കേരളനിയമസഭയിൽ മഞ്ചേശ്വരത്തെ പ്രതിനിധീകരിക്കുകയും പതിനഞ്ചാം കേരളനിയമസഭയിൽ ഉദുമയെ പ്രതിനിധീകരിക്കുകയും ചെയ്യുന്ന സി. പി. ഐ(എം) പ്രവർത്തകനാണ് സി. എച്ച്. കുഞ്ഞമ്പു. [1]
2006-ലെ തിരഞ്ഞെടുപ്പ്
തിരുത്തുക1987-മുതൽ നാലുതവണ തുടർച്ചയായി മഞ്ചേശ്വരം നിയമസഭാ മണ്ഡലത്തിൽനിന്നും വിജയിച്ച ചെർക്കുളം അബ്‌ദുള്ളയെ (IUML) മൂന്നാം സ്ഥാനത്തേക്ക് പിന്തള്ളിയാണ്‌ കുഞ്ഞമ്പു 2006-ൽ വിജയിച്ചത്. [2] ആകെ പോൾ ചെയ്ത വോട്ടുകളുടെ 35.71% വോട്ടുകൾ (39242) ലഭിച്ച കുഞ്ഞമ്പു, തൊട്ടടുത്ത സ്ഥാനാർത്ഥിയായ ബി.ജെ.പിയിലെ നാരായണ ഭട്ടിനെ (ലഭിച്ച വോട്ടുകൾ 34413) 4829 വോട്ടുകളുടെ ഭൂരിപക്ഷത്തിനാണ്‌ പരാജയപ്പെടുത്തിയത്. [3]
ജീവിതരേഖ
തിരുത്തുകപിതാവ് അമ്പു കാരണവർ, മാതാവ് കുഞ്ഞമ്മാർ അമ്മ, കാസർഗോഡ് ജില്ലയിലെ ബേദടുക്കയിൽ 1959 ആഗസ്റ്റ് 20-നാണ്‌ ജനിച്ചത്. ഭാര്യ: എം. സുമതി. ബി.എ, എൽ.എൽ.ബി ബിരുദധാരിയായ ഇദ്ദേഹം കാസർഗോഡ് ബാറിലെ അഭിഭാഷകനായാണ്‌ ഔദ്യോഗികജീവിതം ആരംഭിച്ചത്. [4].
കണ്ണൂർ, കോഴിക്കോട് സർവകലാശാലകളുടെ സെനറ്റ് മെമ്പറായിരുന്ന അദ്ദേഹം ഇപ്പോൾ സി. പി. ഐ(എം) കാസർഗോഡ് ജില്ലാ സെക്രട്ടറി, കേരള കർഷകസംഘം പ്രസിഡണ്ട് എന്നീ സ്ഥാനങ്ങളും വഹിക്കുന്നു.
അവലംബം
തിരുത്തുക- ↑ http://archive.eci.gov.in/May2006/pollupd/ac/states/S11/Aconst01.htm[പ്രവർത്തിക്കാത്ത കണ്ണി]
- ↑ http://archive.eci.gov.in/ElectionAnalysis/AE/S11/Partycomp01.htm[പ്രവർത്തിക്കാത്ത കണ്ണി]
- ↑ "ആർക്കൈവ് പകർപ്പ്". Archived from the original on 2016-03-04. Retrieved 2008-09-11.
- ↑ കേരള നിയമസഭ അംഗങ്ങളുടെ വിവരങ്ങൾ, ശേഖരിച്ച തീയതി: 11സപ്തംബർ 2008
|
കേരളത്തിലെ രാഷ്ട്രീയപ്രവർത്തകരെ കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |