എം.കെ. ശങ്കരൻ നമ്പൂതിരി

മലയാളിയായ ചലച്ചിത്രപിന്നണിഗായകനും കർണാടക ശാസ്ത്രീയസംഗീതജ്ഞനുമാണ് എം.കെ. ശങ്കരൻ നമ്പൂതിരി (ജനനം: 1971).

Sankaran Namboodiri
പ്രമാണം:ശങ്കരൻ നമ്പൂതിരി ശങ്കരൻ നമ്പൂതിരി
ജീവിതരേഖ
Born	പെരുമ്പാവൂർ
സ്വദേശം	കൊച്ചി
സംഗീതശൈലി	കർണാടക ശാസ്ത്രീയസംഗീതം, ചലച്ചിത്രപിന്നണി
തൊഴിലു(കൾ)	ഗായകൻ
സജീവമായ കാലയളവ്	1980-present

ജീവിതരേഖ

എറണാകുളം ജില്ലയിലെ പെരുമ്പാവൂരിൽ കഥകളി നടനും ഗായകനുമായ കൃഷ്ണൻ നമ്പൂതിരിയുടെയും അദിതി അന്തർജനത്തിന്റെയും ഇളയ മകനായി 1971-ൽ ജനിച്ചു. ചെറിയ കൃഷ്ണൻ നമ്പൂതിരി, നാരായണൻ നമ്പൂതിരി എന്നിവരാണ് സഹോദരന്മാർ. ബാലപ്രതിഭയെന്ന നിലയിൽ കുട്ടിക്കാലത്തേ സംഗീത രംഗത്ത് സജീവമായി. 1982 മുതൽ 85 വരെ നാലു വർഷം തുടർച്ചയായി കേരള സ്കൂൾ കലോത്സവത്തിൽ കർണാടക സംഗീത മത്സരത്തിൽ വിജയിയായിരുന്നു. മഹാത്മാഗാന്ധി സർവകലാശാല കലാപ്രതിഭയായും തെരഞ്ഞെടുക്കപ്പെട്ടു. സംഗീതത്തിൽ ബിരുദാനന്ദര ബിരുദം നേടി.

പെരുമ്പാവൂർ രവീന്ദ്രനാഥ്, ടി.വി. ഗോപാലകൃഷ്ണൻ, മാവേലിക്കര ആർ. പ്രഭാകര വർമ്മ, പാലക്കാട് കെ.വി. നാരായണ സ്വാമി എന്നിവരുടെ പക്കൽ സംഗീതം അഭ്യസിച്ചു. പതിനൊന്ന് വയസ്സു മുതൽ കച്ചേരികൾ അവതരിപ്പിച്ചു തുടങ്ങി.

ചലച്ചിത്രഗാനങ്ങൾ

വർഷം	ഗാനം	ചിത്രം	സംഗീതം
2006	കഥകളി പദം	വടക്കും നാഥൻ	രവീന്ദ്രൻ
2006	ചക്കനി രാജ ...	മധുചന്ദ്രലേഖ	എം. ജയചന്ദ്രൻ
2007	അഴകാർന്ന ...	കനക സിംഹാസനം	എം. ജയചന്ദ്രൻ
2007	ചിറ്റാറ്റിൻ കാവിൽ ...	നിവേദ്യം	എം. ജയചന്ദ്രൻ
2007	പാൽകടലിലുയരും പരമാനന്ദമേ	റോമിയോ	അലക്സ് പോൾ
2008	വിധിയിൽ	സ്വർണ്ണം	മോഹൻ സിതാര
2012	സൊഗസുഗാ	നീരാജനം	ത്യാഗരാജ

പുരസ്കാരങ്ങൾ

• കേരള സംഗീത നാടക അക്കാദമി കലാശ്രീ പുരസ്‌കാരം (2013)
• യുവകലാഭാരതി പുരസ്കാരം

പുറം കണ്ണികൾ

• വെബ്സൈറ്റ് [1]