വ്യവഹാരമാല
മഴമംഗലത്തു നാരായണൻനമ്പൂരി രചിച്ച ഗ്രന്ഥമാണ് വ്യവഹാരമാല.
| “ | ക്രി. പി. പത്തൊൻപതാംശതകത്തിന്റെ ആരംഭത്തിലാണല്ലോ ആംഗ്ലേയസമ്പ്രദായത്തിൽ വ്യവഹാരങ്ങൾക്കു വിധി കല്പിക്കുന്നതിന്നുള്ള കോടതികൾ കേരളത്തിൽ സ്ഥാപിയ്ക്കപ്പെട്ടതു്. അതുവരെ 250 വർഷക്കാലത്തേക്കു പ്രാഡ്വിവാകന്മാർക്കു ശരണീകരണീയമായിരുന്ന നിയമഗ്രന്ഥം വ്യവഹാരമാല മാത്രമായിരുന്നു. | ” |
| — കേരള സാഹിത്യ ചരിത്രത്തിലെ പരാമർശം (ഉള്ളൂർ)) | ||
വ്യവഹാരമാല പരാശരമാധവീയത്തേയും വ്യവഹാരനിർണ്ണയത്തേയും ഉപജീവിക്കുന്നു. സിവിലായും ക്രിമിനലായും ഉണ്ടാകുന്ന കേസ്സുകൾ തീരുമാനിക്കുവാൻ കേരളത്തിൽ അതിനുമുമ്പു് അത്തരത്തിൽ ക്രോഡീകൃതമായ ഒരു നിയമഗ്രന്ഥമില്ലായിരുന്നതിനാൽ ആ ന്യൂനത പരിഹരിക്കുന്നതിനുവേണ്ടിയാണു് മഴമംഗലം പ്രസ്തുത നിബന്ധം രചിച്ചതെന്ന് കരുതപ്പെടുന്നു.[1]
പ്രകരണങ്ങൾ
തിരുത്തുക- ഋണാദാനം
- അസ്വാമിവിക്രയം
- സംഭൂയ സമുസ്ഥാനം
- ദത്താപ്രദാനികം
- അഭ്യുപേത്യാശുശ്രുഷ
- വേതനാനപാകർമ്മം
- സ്വാമിപാലവിവാദം
- സമയാനപാകർമ്മം
- വിക്രിയാസമ്പാദനം
- ക്രീത്വാനുശയം
- സീമാവിവാദം
- വാൿപാരുഷ്യം
- ദണ്ഡപാരുഷ്യം
- സ്തേയം
- സാഹസം
- സ്ത്രീസംഗ്രഹണം
- ദായവിഭാഗം
- ദ്യൂതസമാഹ്വയം
- പ്രകീർണ്ണകം
എന്നിങ്ങനെ പത്തൊൻപതു പ്രകരണങ്ങളിലായി സകല വ്യവഹാരങ്ങളെയും ഉൾപ്പെടുത്തി അവയെ സംക്ഷിപ്തമായും സമഞ്ജസമായും നിരൂപണംചെയ്യുന്നു.
അവലംബം
തിരുത്തുക- ↑ ഉള്ളൂർ. "സംസ്കൃതസാഹിത്യം 2.II : മഴമങ്ഗലത്തു നാരായണൻനമ്പൂരി". കേരളസാഹിത്യചരിത്രം. ml.sayahna.org.