വേളൂർ കൃഷ്ണൻകുട്ടി

ഒരു മലയാള ഹാസ്യസാഹിത്യകാരനാണ് വേളൂർ കൃഷ്ണൻകുട്ടി. ഇദ്ദേഹം നൂറ്റമ്പതിലധികം ഹാസ്യകൃതികളുടെ കർത്താവാണു്.

ജീവിതരേഖ

കോട്ടയത്തു് വേളൂരിൽ നടുവിലേക്കരവീട്ടിൽ ജനിച്ചു (ജനനം:1933 മരണം: ഓഗസ്റ്റ് 22, 2003 ). പിതാവിന്റെ പേര് എൻ. എൻ. കുഞ്ഞുണ്ണി, മാതാവ് പാർവ്വതിയമ്മ. ഭാര്യയുടെ പേര് ശാന്ത.

കൃതികൾ

1. ദൈവത്തെ തൊട്ടാൽ തൊട്ടോനെ തട്ടും
2. വേല മനസ്സിലിരിക്കട്ടെ
3. മാസപ്പടി മാതുപിള്ള (ചലച്ചിത്രമാക്കി)
4. പഞ്ചവടിപ്പാലം (ചലച്ചിത്രമാക്കി)
5. അമ്പിളി അമ്മാവൻ (ചലച്ചിത്രമാക്കി)
6. ജർമ്മൻ കിസ്സ്
7. വീണപൂവിലെ സാത്വികഹാസ്യം (പഠനഗ്രന്ഥം)

ഔദ്യോഗികപദവികൾ

• കേരളദ്ധ്വനി, ദീപിക, ഈ നാട് എന്നീ പത്രങ്ങളുടെ പത്രാധിപസമിതി അംഗമായി 20 വർഷത്തോളം സേവിച്ചു.
• ദീപിക ആഴ്ചപ്പതിപ്പിന്റെ പത്രാധിപരായിരുന്നു.
• കൊച്ചിൻ യൂണിവേഴ്സിറ്റി സെനറ്റ് അംഗമായിരുന്നു.
• കേരളാ സ്റ്റേറ്റ് ബാലസാഹിത്യ ഇൻസ്റ്റിറ്റ്യൂട്ട് അംഗമായിരുന്നു.
• കെ.എസ്.ആർ.ടി.സി. ഉപദേശകസമിതി അംഗമായിരുന്നു.
• ആകാശവാണി തിരുവനന്തപുരം നിലയത്തിലെ ഉപദേശകസമിതിയംഗമായിരുന്നു.

പുരസ്കാരങ്ങൾ

• വേല മനസ്സിലിരിക്കട്ടെ എന്ന കൃതിയ്ക്കു് 1974-ൽ കേരള സാഹിത്യ അക്കാദമിയുടെ പുരസ്കാരം.
• ഇ. വി. കൃഷ്ണപിള്ള മെമ്മോറിയൽ അവാർഡ് - 1984
• ഇ. വി. കൃഷ്ണപിള്ള ജന്മശതാബ്ദി സ്മാരകപുരസ്കാരം - 1995
• കെ. കരുണാകരൻ സപ്തതി സ്മാരക സേവാസംഘത്തിന്റെ അവാർഡ് - 1995

സാഹിത്യേതരപ്രവർത്തനങ്ങൾ

• ദൂരദർശനിൽ ഇന്റർവ്യൂകളും ചിരിയരങ്ങുകളും നടത്തി.
• രാജവീഥി, ചുഴലി, ക്ലാരമ്മയുടെ ക്ലാ, അവൻതാൻ ഇവൻ എന്നീ ദൂർദർശൻ സീരിയലുകൾ.
• ആകാശവാണിയിൽ 30 വർഷത്തിലധികം ഹാസ്യപ്രഭാഷണം നടത്തി.
• രണ്ടു തവണ ജർമ്മനിയിലും ഓരോ തവണ അമേരിക്ക, അബുദാബി, ദുബായ്, ഷാർജ, റാസൽഖൈമ, അലയ്ൻ, അജ്മാൻ എന്നീ രാജ്യങ്ങളിൽ ചിരിയരങ്ങുകൾ നടത്തിയിട്ടുണ്ടു്.
• പതിനായിരത്തിലേറെ വേദികളിൽ പ്രസംഗിച്ചിട്ടുണ്ടു്.

പുറം കണ്ണികൾ

• http://blogoforum.com/tag/blogoforum/veloor-krishnankutti-drkanam-13091.html Archived 2008-12-04 at the Wayback Machine.