വികല്പം (അലങ്കാരം)

വികല്പം (അലങ്കാരം) സമബലങ്ങളും അന്യോന്യ വിരോധത്താൽ ഒന്നിച്ചു വരാൻ പാടില്ലാത്തതുമായ രണ്ടെണ്ണത്തിൽ വച്ച് ഒന്നു വരുന്നത് വികല്പം. ഇത് സമുച്ചയത്തിനു നേരെ വിപരീതമാണ്.

ലക്ഷണം

'വികല്പം തുല്യബലമാം
രണ്ടാലൊന്നു വരേണ്ടത്'

ഉദാ: 'വില്ലുതാൻ തലതാനിന്നു
വളയ്കട്ടെ വിരോധികൾ' ലക്ഷ്യത്തിൽ വീരന്റെ പോരിനു വിളി ഒന്നുകിൽ നേരെ യുദ്ധത്തിനു വരട്ടെ, അല്ലെങ്കിൽ കീഴടങ്ങട്ടെ എന്നു താത്പര്യം.