ലോറൽ ക്ലാർക്ക്
അമേരിക്കൻ മെഡിക്കൽ ഡോക്ടറും, യുണൈറ്റഡ് സ്റ്റേറ്റ്സ് നേവി ക്യാപ്റ്റനും, നാസ ബഹിരാകാശയാത്രികയും, ബഹിരാകാശവാഹന മിഷൻ സ്പെഷ്യലിസ്റ്റും ആയിരുന്നു ലോറൽ ബ്ലെയർ ക്ലാർക്ക് (മാർച്ച് 10, 1961 - ഫെബ്രുവരി 1, 2003). മറ്റ് ആറ് ക്രൂ അംഗങ്ങൾക്കൊപ്പം 2003ലെ കൊളംബിയ ബഹിരാകാശ ദുരന്തത്തിൽ മരണമടഞ്ഞ നാസ ബഹിരാകാശയാത്രികയാണ് ക്ലാർക്ക്. മരണാനന്തരം അവർക്ക് കോൺഗ്രഷണൽ സ്പേസ് മെഡൽ ലഭിച്ചു.
| ലോറൽ ക്ലാർക്ക് | |
|---|---|
 | |
| നാസ ബഹിരാകാശയാത്രിക | |
| ദേശീയത | അമേരിക്കൻ |
| ജനനം | ലോറൽ ബ്ലെയർ സാൽട്ടൺ മാർച്ച് 10, 1961 അമേസ്, അമേരിക്ക |
| മരണം | ഫെബ്രുവരി 1, 2003 (പ്രായം 41) ടെക്സസിനു മുകളിൽവച്ച് |
മുൻ തൊഴിൽ | ഫ്ലൈറ്റ് സർജൻ |
| റാങ്ക് | ക്യാപ്റ്റൻ, യു.എസ്. നേവി |
ബഹിരാകാശത്ത് ചെലവഴിച്ച സമയം | 15d 22h 20m |
| തിരഞ്ഞെടുക്കപ്പെട്ടത് | 1996 നാസ ഗ്രൂപ്പ് |
| ദൗത്യങ്ങൾ | STS-107 |
ദൗത്യമുദ്ര |  |
| അവാർഡുകൾ |  |
ആദ്യകാലജീവിതംതിരുത്തുക
ക്ലാർക്ക് ഐയവയിലെ അമേസിൽ ജനിച്ചുവെങ്കിലും വിസ്കോൺസിനിലെ റേസിൻ അവളുടെ ജന്മനാടായി കണക്കാക്കപ്പെടുന്നു.[1] 1979 ൽ റേസിനിലുള്ള വില്യം ഹോർലിക് ഹൈസ്കൂളിൽ നിന്ന് വിദ്യാഭ്യാസം പൂർത്തിയാക്കിയ ലോറൽ ക്ലാർക്ക് 1983 ൽ വിസ്കോൺസിൻ-മാഡിസൺ സർവകലാശാലയിൽ നിന്ന് സുവോളജിയിൽ ബിരുദവും 1987 ൽ മെഡിസിനിൽ ഡോക്ടറേറ്റും പൂർത്തിയാക്കി.[2][3]
കരിയർതിരുത്തുക
മെഡിക്കൽ സ്കൂൾ പൂർത്തിയാക്കിയ ശേഷം ക്ലാർക്ക് 1987-1988 വരെ മേരിലാൻഡിലെ നേവൽ ഹോസ്പിറ്റൽ ബെഥെസ്ഡയിൽ പീഡിയാട്രിക്സിൽ ബിരുദാനന്തര മെഡിക്കൽ വിദ്യാഭ്യാസം നേടി.[4] അടുത്ത വർഷം ഗ്രോട്ടൺ കണക്റ്റിക്കട്ടിലെ നേവൽ അണ്ടർസീ മെഡിക്കൽ ഇൻസ്റ്റിറ്റ്യൂട്ടിൽ നേവി അണ്ടർസീ മെഡിക്കൽ ഓഫീസർ പരിശീലനവും ഫ്ലോറിഡയിലെ പനാമ സിറ്റിയിലെ നേവൽ ഡൈവിംഗ് ആൻഡ് സാൽ‌വേജ് ട്രെയിനിംഗ് സെന്ററിൽ ഡൈവിംഗ് മെഡിക്കൽ ഓഫീസർ പരിശീലനവും ക്ലാർക്ക് പൂർത്തിയാക്കി. അതിനുശേഷം റേഡിയേഷൻ ഹെൽത്ത് ഓഫീസർ, അണ്ടർസീ മെഡിക്കൽ ഓഫീസർ എന്നീ നിലകളിൽ ക്ലാർക്ക് പ്രവർത്തിച്ചിട്ടുണ്ട്. തുടർന്ന് സ്‌കോട്ട്‌ലൻഡിലെ ഹോളി ലോച്ചിലെ സബ്മറൈൻ സ്‌ക്വാഡ്രൺ 14 മെഡിക്കൽ ഡിപ്പാർട്ട്‌മെന്റ് ഹെഡായി അവരെ നിയമിച്ചു. രണ്ട് വർഷത്തെ പ്രവർത്തന പരിചയം കൊണ്ട് ഒരു നേവൽ സബ്മറൈൻ മെഡിക്കൽ ഓഫീസർ, ഡൈവിംഗ് മെഡിക്കൽ ഓഫീസർ എന്നീ നിലകളിൽ പിന്നീട് നിയമിക്കപ്പെട്ടു.[5] റേഡിയേഷൻ ഹെൽത്ത് ഓഫീസർ, അണ്ടർസീ മെഡിക്കൽ ഓഫീസർ, ഡൈവിംഗ് മെഡിക്കൽ ഓഫീസർ, സബ്മറൈൻ മെഡിക്കൽ ഓഫീസർ, നേവൽ ഫ്ലൈറ്റ് സർജൻ തുടങ്ങിയവയായിരുന്നു ക്ലാർക്കിന്റെ സൈനിക യോഗ്യതകൾ.
ഫ്ലോറിഡയിലെ പെൻസകോളയിലെ എൻ‌എ‌എസ് പെൻസക്കോളയിലെ നേവൽ എയ്‌റോസ്‌പേസ് മെഡിക്കൽ ഇൻസ്റ്റിറ്റ്യൂട്ടിൽ ക്ലാർക്ക് ആറുമാസത്തെ എയറോമെഡിക്കൽ പരിശീലനം നേടുകയും തുടർന്ന് ഒരു നേവൽ ഫ്ലൈറ്റ് സർജനായി നിയമിക്കപ്പെടുകയും ചെയ്തു. മറൈൻ എയർക്രാഫ്റ്റ് ഗ്രൂപ്പ് 13 (മാഗ് -13) നായുള്ള ഗ്രൂപ്പ് ഫ്ലൈറ്റ് സർജനായും ക്ലാർക്ക് പ്രവർത്തിച്ചിട്ടുണ്ട്.
എയ്‌റോസ്‌പേസ് മെഡിക്കൽ അസോസിയേഷന്റെയും സൊസൈറ്റി ഓഫ് യു.എസ്. നേവൽ ഫ്ലൈറ്റ് സർജന്റെയും അംഗമായിരുന്നു ക്ലാർക്ക്. ഇതുകൂടാതെ വിസ്കോൺസിൻ റേസിനിലുള്ള ഒളിമ്പിയ ബ്രൗൺ യൂണിറ്റേറിയൻ യൂണിവേഴ്സലിസ്റ്റ് ചർച്ചിലെ അംഗവുമായിരുന്നു.[6]
നാസയിലെ കരിയർതിരുത്തുക
നാസ 1996 ഏപ്രിലിൽ ബഹിരാകാശയാത്രിക പരിശീലനത്തിനായി ക്ലാർക്കിനെ തിരഞ്ഞെടുത്തു.[7] തുടർന്ന് രണ്ട് വർഷത്തെ പരിശീലനവും വിലയിരുത്തലും പൂർത്തിയാക്കിയ ശേഷം, മിഷൻ സ്പെഷ്യലിസ്റ്റായി ഫ്ലൈറ്റ് അസൈൻമെന്റിന് ക്ലാർക്ക് യോഗ്യത നേടിയെങ്കിലും 2003 ജനുവരിയിൽ ആദ്യത്തെ ബഹിരാകാശയാത്രയ്ക്ക് (കൊളംബിയയിലെ എസ്ടിഎസ് -107 ദൗത്യത്തിൽ ഒരു മിഷൻ സ്പെഷ്യലിസ്റ്റായി) പോകുന്നതിനുമുമ്പ് ബഹിരാകാശയാത്രിക ഓഫീസ് പേലോഡുകൾ / ഹാബിറ്റബിലിറ്റി ശാഖയിൽ വർഷങ്ങളോളം ജോലി ചെയ്തു. 16 ദിവസത്തെ ദൗത്യത്തിൽ, എസ്ടിഎസ് -107 ക്രൂ ബഹിരാകാശയാത്രികരുടെ ആരോഗ്യ-സുരക്ഷാ പഠനങ്ങളും സാങ്കേതിക വികസനവും ഉൾപ്പെടെ 80 ലധികം പരീക്ഷണങ്ങൾ വിജയകരമായി നടത്തി.[5][8][2] ഗുരുത്വാകർഷണവും മനുഷ്യരിൽ അതിന്റെ സ്വാധീനവും പഠിച്ചുകൊണ്ടിരുന്ന ക്ലാർക്ക് സസ്യങ്ങളിലെ ജീൻ കൈമാറ്റം പഠിക്കാൻ ബഹിരാകാശത്ത് ഒരു പൂന്തോട്ടപരിപാലനവും നടത്തി.[9] എന്നിരുന്നാലും, 2003 ഫെബ്രുവരി 1 ന് ഭൂമിയിലേക്ക് മടങ്ങിയെത്തിയ കൊളംബിയ, ഫ്ലോറിഡയിൽ ഇറങ്ങാൻ 16 മിനിറ്റ് ബാക്കിയുള്ളപ്പോൾ തകർന്നതിനെതുടർന്ന് ക്ലാർക്കും എസ്ടിഎസ് -107 മിഷനിലെ മറ്റ് ആറ് ക്രൂ അംഗങ്ങളും മരണമടഞ്ഞു.
അവലംബംതിരുത്തുക
- ↑ "Laurel Clark". The Astronauts Memorial Foundation (ഭാഷ: അമേരിക്കൻ ഇംഗ്ലീഷ്). മൂലതാളിൽ നിന്നും 2020-03-18-ന് ആർക്കൈവ് ചെയ്തത്. ശേഖരിച്ചത് 2020-03-18.
- ↑ 2.0 2.1 "Laurel Clark". Wisconsin Women Making History (ഭാഷ: അമേരിക്കൻ ഇംഗ്ലീഷ്). 2015-02-03. ശേഖരിച്ചത് 2020-03-14.
- ↑ "HSF - STS-107 Memorial - Laurel Clark". spaceflight.nasa.gov. മൂലതാളിൽ നിന്നും 2017-07-20-ന് ആർക്കൈവ് ചെയ്തത്. ശേഖരിച്ചത് 2020-03-14.
- ↑ "LAUREL BLAIR SALTON CLARK, M.D. (CAPTAIN, USN)". NASA. February 2003. ശേഖരിച്ചത് 2020-03-15.
- ↑ 5.0 5.1 "Astronaut Bio: Laurel Blair Salton Clark 5/04".
This article incorporates text from this source, which is in the public domain.
- ↑ "Archived copy". മൂലതാളിൽ നിന്നും 2011-07-16-ന് ആർക്കൈവ് ചെയ്തത്. ശേഖരിച്ചത് 2010-05-03.
{{cite web}}: CS1 maint: archived copy as title (link) - ↑ "CNN.com - Astronaut Clark: 'Life is a magical thing' - Feb. 4, 2003". www.cnn.com. ശേഖരിച്ചത് 2017-10-27.
- ↑ Becker, Joachim. "Astronaut Biography: Laurel Clark".
- ↑ Foss, Cindy. "Laurel Clark '83, MD'87 | On Wisconsin" (ഭാഷ: അമേരിക്കൻ ഇംഗ്ലീഷ്). ശേഖരിച്ചത് 2020-03-18.
പുറത്തേക്കുള്ള കണ്ണികൾതിരുത്തുക
- "LAUREL BLAIR SALTON CLARK, M.D. (CAPTAIN, USN)". NASA. February 2003. ശേഖരിച്ചത് 2019-05-07.
- NASA biography May 2004