റോസി തോമസ്
ഇന്ത്യയിലെ ഒരു എഴുത്തുകാരന്‍
മലയാളത്തിലെ ഒരു സാഹിത്യകാരിയാണ് റോസി തോമസ്. നിരൂപകനായിരുന്ന എം.പി. പോളിന്റെയും മേരി പോളിന്റെയും മകളായി 1927-ൽ ജനിച്ചു[1]. തൃശൂരും എറണാകുളത്തുമായി സ്കൂൾ ജീവിതം പൂർത്തിയാക്കി. ഡിഗ്രി ആലുവയിലെ യു.സി. കോളേജിൽ നിന്നും പൂർത്തീകരിച്ചു. പിതാവായ എം.പി പോളിന്റെ ട്യുട്ടോറിയലിൽ അദ്ധ്യാപകനായെത്തിയ സി.ജെ. തോമസുമായ് റോസി പ്രണയത്തിലായി. എതിർപ്പുകളെ തരണം ചെയ്ത് 1951 ജനുവരി 18-ന് ഇവർ വിവാഹിതരായി. വെറും 9 വർഷം മാത്രമാണ് റോസി സി.ജെയുടെ കൂടെ ജീവിച്ചത്[1]. റോസിയുടെ മുപ്പത്തിയൊന്നര വയസിൽ അവർ വിധവയായി. ഭർത്താവിന്റെ ഓർമ്മയ്ക്കായി എഴുതിയ ഇവൻ എന്റെ പ്രിയ സി.ജെ. ആണ് റോസിയുടെ ഏറ്റവും ശ്രദ്ധേയമായ രചന[1]. 2009 ഡിസംബർ 16-ന് തന്റെ 82-മത്തെ വയസിൽ റോസി അന്തരിച്ചു[2]. ബിനോയ്, ബീന, പോൾ എന്നിവരാണ് സിജെ-റോസി ദമ്പതികളുടെ മക്കൾ.
റോസി തോമസ് | |
|---|---|
 | |
| തൊഴിൽ | നോവലിസ്റ്റ്, വിവർത്തക |
| ദേശീയത |  ഇന്ത്യ |
| ശ്രദ്ധേയമായ രചന(കൾ) | ഇവൻ എന്റെ പ്രിയ സി.ജെ., ആനി |
പ്രധാന കൃതികൾ
തിരുത്തുക- ഇവൻ എന്റെ പ്രിയ സി.ജെ. (ഓർമ്മക്കുറിപ്പുകൾ)
- ഉറങ്ങുന്ന സിംഹം (ഓർമ്മക്കുറിപ്പുകൾ)
- ആനി (നോവൽ)
- ജാലകക്കാഴ്‌ച (ഉപന്യാസങ്ങൾ)
- മലവെള്ളം
- അമേരിക്കയിൽ ഒരു മലയാളിപ്പെണ്ണ് (യാത്രാവിവരണം)
വിവർത്തനങ്ങൾ
തിരുത്തുക- ബൊക്കാച്ചിയോ കഥകൾ
- ആനിമൽ ഫാം
- സോ മെനി ഹംഗേഴ്‌സ്‌