മേഘ രാജഗോപാലൻ
ഒരു പത്രപ്രവർത്തകയാണ് മേഘ രാജഗോപാലൻ. മുസ്ലീം ഉയ്ഘറുകൾക്കായുള്ള ചൈനയുടെ കൂട്ട തടങ്കൽ ക്യാമ്പുകളെക്കുറിച്ചുള്ള അന്വേഷണ റിപ്പോർട്ടുകൾക്കായി 2021 ൽ അവർ പുലിറ്റ്സർ സമ്മാനം നേടി.[1][2] ആയിരക്കണക്കിന് മുസ്‌ലിംകളെ തടവിലാക്കാൻ ചൈന രഹസ്യമായി നിർമിച്ച ജയിലുകളുടെയും തടങ്കൽപ്പാളയങ്ങളുടെയും അവിടത്തെ സൗകര്യങ്ങളുടെയും വിവരങ്ങൾ തുറന്നുകാട്ടിയ അന്വേഷണ റിപ്പോർട്ടുകൾക്കാണ് പുലിറ്റ്സർ പുരസ്കാരം ലഭിച്ചത്. മേഘയുടെ സിൻജിയാങ് പരമ്പര അന്താരാഷ്ട്ര റിപ്പോർട്ടിംഗ് വിഭാഗത്തിലാണ് പുലിറ്റ്സർ പുരസ്കാരത്തിന് അർഹമായത്. മേഘ സിൻജിയാങ് സന്ദർശിക്കുന്ന 2017 കാലഘട്ടത്തിൽ തടങ്കൽ പാളയങ്ങൾ ഇല്ലെന്നായിരുന്നു ചൈനീസ് വാദം. എന്നാൽ മേഘയുടെ റിപ്പോർട്ട് പുറത്തുവന്നതോടെ മേഘയുടെ വിസ റദ്ദാക്കുകയും ചൈനയിൽനിന്ന് അവരെ പുറത്താക്കുകയും ചെയ്തു.[3]
മേഘ 2008 ൽ മേരിലാൻഡ് സർവകലാശാലയിലെ ഫിലിപ്പ് മെറിൽ കോളേജ് ഓഫ് ജേണലിസത്തിൽ നിന്ന് ബിരുദം നേടി. അവർ ബസ്‌ഫീഡിനായി എഴുതുന്നു.
അവലംബം
തിരുത്തുക- ↑ "Indian-origin journalist Megha Rajagopalan wins Pulitzer prize". Business Standard. 12 June 2021. Retrieved 12 June 2021.
- ↑ "Indian-origin journalist bags Pulitzer for exposé on China's vast detention camps for Muslims". The Economic Times. 12 June 2021. Retrieved 13 June 2021.
- ↑ https://www.madhyamam.com/world/muslim-detention-camps-in-china-exposed-pulitzer-prize-for-indian-origin-journalist-809645