മെസ്സിയർ 7
വൃശ്ചികം രാശിയിലെ ഒരു തുറന്ന താരവ്യൂഹമാണ് മെസ്സിയർ 7 (M7) അഥവാ NGC 6475. ടോളമി ക്ലസ്റ്റർ എന്ന പേരിലും ഇത് അറിയപ്പെടുന്നു[4].
| മെസ്സിയർ 7 | |
|---|---|
 ചിത്രത്തിന്റെ കേന്ദ്രത്തിലുള്ളതാണ് താരവ്യൂഹം | |
| Observation data (J2000.0 epoch) | |
| നക്ഷത്രരാശി | വൃശ്ചികം |
| റൈറ്റ് അസൻഷൻ | 17h 53m 51.2s[1] |
| ഡെക്ലിനേഷൻ | –34° 47′ 34″[1] |
| ദൂരം | 980 ± 33 ly (300 ± 10 pc)[2] |
| ദൃശ്യകാന്തിമാനം (V) | 3.3 |
| ദൃശ്യവലുപ്പം (V) | 80.0′ |
| ഭൗതികസവിശേഷതകൾ | |
| പിണ്ഡം | 735[3] M☉ |
| ആരം | 25 ly |
| കണക്കാക്കപ്പെട്ട പ്രായം | 200 Myr[2] |
| മറ്റ് പേരുകൾ | M7, NGC 6475, ടോളമി ക്ലസ്റ്റർ |
| ഇതും കാണുക: തുറന്ന താരവ്യൂഹം | |
ചരിത്രം
തിരുത്തുകവളരെക്കാലം മുമ്പേ അറിയപ്പെട്ടിരുന്ന ഒരു താരസമൂഹമാണ് M7. ഗ്രീക്ക്-റോമൻ ജ്യോതിശാസ്ത്രജ്ഞനായ ടോളമിയാണ് 130 എ.ഡി.യിൽ ഇതിനെ ആദ്യമായി ഒരു നീഹാരികയെന്ന് രേഖപ്പെടുത്തിയത്.[5] 1654-ന് മുമ്പ് ജിയോവന്നി ബാറ്റിസ്റ്റ ഹൊഡിയേർണ ഇതിനെ നിരീക്ഷിക്കുകയും ഇതിൽ മുപ്പത് നക്ഷത്രങ്ങളെ എണ്ണുകയും ചെയ്തു. 1764-ൽ ചാൾസ് മെസ്സിയർ തന്റെ പട്ടികയിൽ ഇതിനെ ഏഴാമത്തെ അംഗമായി ചേർത്തു. "Coarsely scattered clusters of stars" എന്നാണ് ഇംഗ്ലീഷ് ജ്യോതിശാസ്ത്രജ്ഞനായ വില്യം ഹെർഷൽ M7 നെക്കുറിച്ച് പറഞ്ഞത്.[4]
നിരീക്ഷണം
തിരുത്തുകതെളിഞ്ഞ ആകാശത്ത് നഗ്നനേത്രങ്ങൾ കൊണ്ട് ഈ താരവ്യൂഹത്തെ കാണാനാകും. വൃശ്ചികം നക്ഷത്രരാശിക്ക് കല്പിക്കപ്പെടുന്ന തേളിന്റെ രൂപത്തിന്റെ വാലറ്റത്തായാണ് ഇതിന്റെ സ്ഥാനം. M7 ലെ ഏറ്റവും ദീപ്തിയേറിയ നക്ഷത്രത്തിന്റെ ദൃശ്യകാന്തിമാനം 5.6 ആണ്.
സവിശേഷതകൾ
തിരുത്തുകതാരവ്യൂഹത്തെ ദൂരദർശിനികൾ കൊണ്ട് നിരിക്ഷിച്ചാൽ 1.3° കോണളവിൽ കാണുന്ന ആകാശഭാഗത്ത് എൺപതോളം നക്ഷത്രങ്ങളെ കാണാനാകും. M7 ലേക്കുള്ള ദൂരം കണക്കാക്കപ്പെട്ടിരിക്കുന്നത് 980 പ്രകാശവർഷമായാണ്, ഇതിൽ നിന്നും താരവ്യൂഹത്തിന്റെ വ്യാസം 25 പ്രകാശവർഷം ആണെന്ന് ലഭിക്കുന്നു. M7 ന്റെ ടൈഡൽ ആരം 40.1 ly (12.3 pc) ആണ്. 20 കോടി വർഷം മാത്രം പ്രായമുള്ള ഈ താരവ്യൂഹത്തിന്റെ ആകെ പിണ്ഡം സൂര്യന്റെ 735 ഇരട്ടിയാണ്.[3][2]. M7-ൽ ഹൈഡ്രജൻ, ഹീലിയം എന്നിവയൊഴികെയുള്ള മൂലകങ്ങളുടെ ആപേക്ഷിക അളവ് സൂര്യന്റേതിന് സമാനമാണ്.[2]
അവലംബം
തിരുത്തുക- ↑ 1.0 1.1 "MESSIER 007", NASA/IPAC Extragalactic Database, NASA, retrieved 2012-04-19
- ↑ 2.0 2.1 2.2 2.3 Villanova, S.; Carraro, G.; Saviane, I. (2009), "A spectroscopic study of the open cluster NGC 6475 (M 7). Chemical abundances from stars in the range Teff = 4500-10 000 K", Astronomy and Astrophysics, 504 (3): 845–852, arXiv:0906.4330, Bibcode:2009A&A...504..845V, doi:10.1051/0004-6361/200811507
{{citation}}: Unknown parameter|month=ignored (help) - ↑ 3.0 3.1 Piskunov, A. E.; et al. (2008), "Tidal radii and masses of open clusters", Astronomy and Astrophysics, 477 (1): 165–172, Bibcode:2008A&A...477..165P, doi:10.1051/0004-6361:20078525
{{citation}}: Unknown parameter|month=ignored (help) - ↑ 4.0 4.1 Gendler, Robert; Christensen, Lars Lindberg; Malin, David (2011), Treasures of the Southern Sky: A Photographic Anthology, Springer, p. 139, ISBN 1461406277
- ↑ Jones, Kenneth Glyn (1991), Messier's Nebulae and Star Clusters, The Practical astronomy handbook series (2ns ed.), Cambridge University Press, p. 1, ISBN 0521370795
